COMTE DE PROVENCE

Remond Berenguier, comte de Provence et de Forcalquier, fils de Ildefons,roy d'Arragon, comte et marquis de Provence, yssu de ceste noble et illustre famille des Berenguiers d'Arragon, fut bon poëte provensal, amateur des gens de savoir et mesmes de ceux qui escrivoyent en notre langue provensalle, fut prince plain d'humanité, begnin et miséricordieux. Il fut si heureux que tant qu'il fut en règne après le deces de son père Ildefons, acquict beaucoup de pays, plus par sa prudence que par armes : espousa Beatrix, sœur de Thomas, comte de Savoye, princesse autant sage que belle et vertueuse, à la louange de laquelle plusieurs de nos poètes provensaux firent une infinité de chansons, de sons et sonnets qu'ils luy adressoyent, desquels elle reputoit cela a un très grand honneur, et pour recompance les enrichist d'armes, de chevaux, de draps et d'argent. Ce comte eust d'elle quatre belles filles, sages et vertueuses, toutes mariées par une grande fellicité à des rois et souve-[P. 104]-rains princes, par le moyen et industrie d'un sage pèlerin qui fut un long temps gouverneur de son hostel: la première, nommée Margueritte, fut mariée à saint Loys, roy de France; ladeuxiesme, Helyonne, ou Eleo-

nore, à Henry 3. du nom, les autres escrivent Edoard, roy d'Angleterre; la troisiesnie. Sauce, à Richard d'Angleterre, et depuis roy des Romains; et la quatriesme, Beatrix, qui fut, par le testament du père, déclarée héritière de Provence, mariée à Charles, frère de sainctLoys, roy de France, que fut depuis coronné roy de Naples et des deux Sicilles. Le Monge des Isles d'Or et Sainct Cezari ont escrit que tant que ce bon prince fut en vie, jamais n'en fut trouvé un qui portast plus de faveurs aux poètes provensaux, ne duquel les Provensaux se soyent trouvez plus heureux, ne moins chargez de tailles, jamais ne furent contraincts payer aucuns imposts, toltes, quistes, ou adempres (que nous disons levées de deniers, quistes ou emprunts) ;trespassa fort jeune, eagé de 47 ans, en l'an 1245. Le Monge de Montmajour, médisant de luy, à bon droict le nomme en sa chanson l'Inconstant Cathalan, lequel, pour avoir creu trop légèrement les mesdisans (qu'il nomme las mallas Goullas) et ennuie de sa cour, donna con-[P. 105]-gé au pèlerin (qu'on nommoit lo Rometto) que tant sainctement et heureusement conduisoit les affaires de son hostel, qui fut cause que ses quatre filles furent mariées à des roys. Il le nomme aussi le prince ingrat et sans raison. Le poëte Dante faict mention bien amplement de ce poëte.

[P. 106] DE SAVARIC DE MATJLEON

Savaric de Mauleon fut gentilhomme, Anglois de nation, lequel s'estant mis du party du roy de France, fut autant prudent et vaillant et renommé aux armes en faict de guerre, que chevalier de son temps, amateur des gens doctes. Tous les poëtes escrivans de ce temps tant en latin que provensal se retiroyent à luy, qui les recevoit de bon cœur, les entretenoit et leurfaisoit de beaux presens. On ne trouve point par escript aucun sieur (ainsi que l'ont escript le Monge des Isles d'Or et Sainct Cezari) qu'aye monstre une plus ouverte libéra-

lité envers les poètes que ce Mauleon, car il estoit scavant aux lettres et libéral; et si les poëtes de son temps luy ont donné beaucoup de louanges, ceux qui sont venus après eux luy en ont attribué davantage. Et au contraire, quelques excellentes et rares vertus que reluisoyent en luy, le Monge de Montmajour, fléau des poètes provensaux, s'est essayé en une coupple de sa chanson les obscurcir, disant ainsi: Savaric de Mau-[P, 107j-leon qui se mesle de chanter, il vaudrait mieux qu'il tint secrettes ses chansons attendu que tout ce qu'il faict et compose ne vaut rien, et a besoin d'une bonne glose, tant obscure et fâcheuse est sa rithme. Il faut donc conclure (ainsi que la vérité est telle, et que ses œuvres le demonstrent) qu'il escrivoit doctement, et en haut et grave stylle. Fut amoureux d'une gentilfemme du pays d'Aquitaine, de la maison d'Aspremont (aucuns escrivent de Levy), d'incomparable prudence, sagesse et vertu, excellente de son temps, soit à la poésie, à la musique et en autres sciences et vertus singulières, qu'il espousa et mena en Provence, quand il fut visiter le comte de Provence, laquelle peu de temps après trespassa, et s'énamoura d'un' autre gentilfemme de Provence, de la maison de Glandeves,àla louange de laquelle fist plusieurs bonnes chansons, en l'une desquelles se plaignant d'elle dict qu'il auroit plustost ployé un gros arbre, entendant d'un chesne qui porte le gland, en allusion de son surnom, que le cœur d'elle, ainsi qu'il le demonstre en ces vers icy :

0 cor ingrat, rude, e inezorable

Plus dur cent fes a plegar qu'un gros aubre,

Coura aura fin vers my ta crudeltat ?

P. 108] Quelques années après, elle fut mariée à un gentilhomme de Provence, delà maison des Baulx, filz de Hugues des Baulx et de dame Beralle, vicomte de Marseille. Et Savaric s'en retourna en France, où il mourut en quelque guerre au secours du roy de France, mais nul de ceux qui escrivent de luy ne met point quand ce fut. Semble bien que le Monge des Isles d'Or en passant dict que fut du temps du dict Bemond, comte de Provence.