P. 139] DE RICHARD, ROY D'ANGLETERRE

Richard, surnommé Cœur de lyon, qui fut filz de Henry, roy d'Angleterre, et esleu empereur des Romains, en sa jeu-

nesse fréquentant la cour de Remond Berenguier, comte de Provence dernier du nom, fut surpris de l'amour de Leonore ou Helyone, l'une des quatre Allés du dict comte de Provence, que depuis il espousa: pendant qu'il y estoit, oyoit souvent reciter plusieurs belles chansons aux poètes provensaux, qu'estoyent à la suite du comte de Provence, qui chantoyent en leur langue maternelle provensalle, en laquelle il prenoit un singulier plaisir, et pour la douceur de la langue passoit le temps à rithmer et se delectoit à lire leurs beaux romans. Quelques années après estant allé outremer pour la conqueste de la Terre Saincte avec sainct Loys, roy de France, et autres [P. 140] princes, à son retour fut faict prisonnier. Pendant son emprisonnement, fist quelques chansons qu'il adressa à Beatrix, comtesse et héritière de Provence, sœur deladicte Helionne,se plaignant de ce que ses barons et gentilshommes le laissoyent si longuement en captivité, sans payer sa rançon, disant ainsi à la seconde eoupple d'icelle :

Or sachan ben mos homs, e mos barons, Anglez, Normans, Peytavins, e Gascons, Qu'yeu non ay ja si paure compagnon, Que per aver lou laissess'en preson.

Le Monge des Isles d'Or dict que Richard avoit faict les dictes chansons, se plaignant plustost de ce qu'il estoit privé des beaux yeux de la princesse Helyonne, que non point de sa captivité ; et dict encoravec Sainct Cezari, que les électeurs de l'Empire furent discordans del'eslire en empereur à l'instigation de Alexandre, pape quatriesme du nom. Son trespas se trouve aux Chroniques d'Angleterre. Le Monge de Montmajour nomme ce roy Richard couard. Quelcun a escript que l'infante Leonore luy envoya un beau romant en rithme provensalle, des amours de Blandin de Cornaille et de [P. 141] Guilhen de Myremas, des beaux faicts d'armes qu'ils firent, l'un pour la belle Bryanda et l'autre pour la belle Irlanda, dames d'incomparable beauté.