P. 142J DE PIERRE DE CHASTEAUNEUF
Pierre de Chasteauneuf, gentilhomme, fut seigneur du dict lieu, fleurissent du temps de Perceval Dorie et de ses autres contemporeens cy devant escripts. Il est assez manifeste qu'il fut d'un beau et subtil esprit, tant à escrire en rithme provensalle qu'en vers latin, le tout plaisantement et gravement ; et quand il accompagnoit sa douce voix sur sa lyre, c'estoit un grand plaisir de l'ouyr chanter ; estoit de bonnes mœurs, fut viollant accusateur et adversaire des iniquitez qu'il voyoit faire à ses compagnons et amis, sans les espargner. Il n'a fait que des syrventez contre les princes de son temps, ainsi que faisoyent d'autres poètes. En1 un chant qu'il présenta à Beatrix, héritière [P. 143] de Provence, fille du comte Remond Berenguier, de ce qu'en sa vieillesse pour se resjouyr print à son service le docte poète Sordel Mantuan, qui surpassoit en la poésie vulgaire provensalle tous les poètes de ceste langue, ainsi que le Monge des Isles d'Or et Sainct Cezari l'ont escript ; et ne font aucune mention de sa mort. A faict un traicté intitulé Las larguessas d'Amour, qu'il adressa à la royne Beatrix, quand elle fut couronnée royne de Naples. Le Monge de Montmajour n'a point eu cognoissance de ce poète ne de ses œuvres : un autheur digne de foy, que Sainct Cezari dict avoir veu etleu, dict que ce poète estant au bois cle Vallongne, venant de Roquemartine visiter le seigneur du lieu, fut pris par quelques larrons qui brigandoyent les passans, et après l'avoir démonté et osté son argent et despouillé jusques à la chemise, le vouloyent tuer: le poète les pria luy faire ceste grâce d'ouyr une chanson, qu'il diroit avant que mourir, ce qu'ils feirent. Il se meist à chanter un chant sur sa lyre, qu'il feist promptement à la louange do ces brigands, si qu'ils furent contraincts luy ren-[P. 144]-dre son argent, son cheval et ses accoustremens, si grand plaisir prindrent ils à la douceur de sa poésie.
- 1 Sic. Lis. et, eu mettant seulement une virgule après poëtes.
[F0 24 v°] DE
Fut né de parans- nobles, ainsi que le recitent le Monge et St Cezari. Il est assez manifeste qu'il fut d'ung beau et subtil esperit, tant à cscrire en rime prouvensalle qu'en vers latins, le tout playsantement et gracieusement ; estoit de bonnes mœurs, vyolant accusateur et adversaire des iniquitez d'autruy. A faict plusieurs chansons qu"il dédia à sa dame.
