P. 145] DE GIRAUD DE BOURNELH

Giraud de Bourneil, gentilhomme de Lymoges, nay de pauvres parens, estoit sage et de bon sens, fut le meilleur poëte en langue provensalle que nulz de ceux qui furent avant ne après luy : aussi fut il nommé le maistre des Trobadors ou poètes, et est encore estimé tel de tous ceux qui entendent sa poésie, tant bien dictée et composée estoit elle et d'amour et de bon sens : fut grandement estimé et prisé par les vaillans hommes, et des plus savans, et des dames les plus doctes et excellentes qui s'exercitoyent à la poésie et à faire chansons en langue provensalle. Sa vie estoit telle que toutl'hyver prenoit une peine continuelle à estudier aux bonnes lettres, et l'esté suyvoit la cour des princes : menoit avec luy deux bons et excellens musiciens qui chantoyent et recitoyent les chansons et les syrventez qu'il faisoit, en quoy faysant il gagnoit tout ce qu'il vouloit; ne se voulut [P. 146] jamais mettre au service de nul prince ou seigneur quel qu'il fut, quelques gaiges et estatz qui luy fussent offerts, comme aussi ne se voulut soubmettre au joug de mariage ; estoit fort sobre de sa bouche et continent de sa persone, surmontant en sagesse, bonté et intégrité tous les autres poètes qu'ont escript devant et après luy. Il a dict en l'une de ses chansons qu'amour n'eust jamais pouvoir sur luy et qu'il atousjours mesprisé son royaume, et la beauté des plus belles femmes de son temps. Tout le gaing qu'il faysoit le departoit à ses pouvres parans, ainsi que, l'a escript Sainct Cezari. lequel mectce poëte lèpre-

mier d'entre les autres en son Cathalogue, et le premier qu'a faict des sonnets et de chantarelz. Fleurissoit du temps des précédents poètes; de ce mesme temps plusieurs jurisconsultes tant d'Avignon, Aix, que d'Arles et aultres lieux, escrivirent quelques allégations contre les Vaudoys qu'estoyent espars parla Provence; trespassa en l'an 1278. Pétrarque aveu les œuvres de cepoëte, et en abien faict son proffit. Le Monge de Montmajour dict queGriraud de Bourneilne faictque charlater en ung cagnard au soleil, que son chant est maigre et dolent, qu'il est si laid que, s'il se voyoit au myroir, il ne s'estimeroit un festu.