P. 147] DE HUGUES DE PENNA

Hugues de Penna, gentil -homme de Monstiers, fut bon poëte comique, quoy qu'en aye voulu dire le Monge de Montmajour, surnommé le fléau des poètes provensaux, disant faucement qu'il print et s'attribua plusieurs chansons de Guillaumes de Sylvecane, son compagnon, poëte lirique, qui morut par trop aymer, de l'amour d'une dame de Puymont, de la mayson de Ruere, suyvant ce qu'en a escript le Monge des Mes d'Or, et qu'il acquit pour son savoir la grâce des plus grands seigneurs de Provence. Cest Hugues donc fleurissoit du temps de Ildefons, roy d'Arragon 2. du nom, comte de Barcellone, père du comte Remond Berenguier de Provence dernier du nom, auquel il adressa ses chansons et à Beatrix, sa femme, sœur de Thomas, comte de Savoye, et à Beral des Baux, jaçoit que Sainct Cezari a escript et soustient [P. 148] que c'est à Beatrix, héritière de Provence, fille du dict Remond, et non à l'autre Beatrix, à la louange de laquelle il a escript plusieurs belles chansons, la louant pour la première et des plus vertueuses princesses de ce monde ; il addresse la pluspart de ses chansons à Amour. Pour quelque desastre qu'il eust devint pauvre en sa jeunesse, mais parle moyen de son savoir il acquit de grandes richesses. Un savant astrologue de son

temps luy promeist une prospérité incroyable, et si grande qu'il nel'ausoit exprimer, que fut cause que telles parolles luy esleverent le cœur davantage, car il poursuivit si bien sa fortune que Charles, roy de Sicille, premier du nom, comte de Provence, par la faveur de la royne Beatrix, sa femme, à cause de son grand savoir et prudence, fut faict ' secrétaire de ses conseils en Provence, conduisant les affaires de ses majestés, acompaigné de Pejre de Vins, son senechal. Trespassa quelques jours après qu'il eust espousé une damoyselle de la mayson de Symiane, nommée Mabile, que fut en l'an 1280. Il a faict un traicté Contra les enjanayres d'Amour qu'il addressa aux poètes de son temps. Acestuy fut donné le prix de mieux rithmer sur tous les poètes provensaux de son temps par [P. 149] la royne Beatrix de Provence qui le eoronna poëte, et pour recompence feist ces quatre vers à sa louange :

Yeu voly faire esclatir ta memoria

En tantas partz de ta perfection,

Qu'estaran tous en admiration

D'auzir comptarde tous bels fachs l'hystoria.

[Add. 11, f» 89 r°l. HUGUES DE PENA

POETE PROUVENSAL, HYSTORIOGRAPHE ET SECRETERE DE CHARLES, ROY DE SICILE2.

Hugues de Pêne ou de Pena estoit secretere et hystoriographe de Charles, roy de Sicile. Il adonné la source à toutes les partyes d'éloquence, et ne se trouve aulcun qui l'ayt surmonté en poésie vulgaire prouvensalle ne à proprement parler et à rithmer. Le Velutel, parlant de cest Hugues de Pena, dict qu'il estoit de Gennes, et qu'il se feit joueur et compositeur de moralitez, qu'il print et desroba plusieurs chansons des autres poètes prouvensaulx, et se faisoit ouyr les avoir faictes et trouvées de son cerveau, et qu'il eust grâce et entrée avec beaucoup de grands hommes, et que pour avoir joué et consumé toute sa substance, devint paoure et se maria en Provence, et là morut. Mais je trouve au chansonnier du seigneur comte de Sault, qu'il a faict quatre fort belles chansons, doctes et de bon sens, en l'une desquelles

4 Sic. Lis. le fist ?

2 A la marge dans le ms-

il appert qu'il estoit amoureux de Beatrix, comtesse de Provence, femme dud. Charles, roy de Sicile, et la nomme Beatrix, comtesse de Provence, en la louant qu'elle est la première dame vertueuse de ce monde, et toutes ces chansons, il les adresse partie à Monsr Barrai, seigr de Marseille et des Baulx, et partie à Messire Ysnard d'Entrevennes, comte de Sault. Et en mon chansonnier je trouve qu'il afaict une seule chanson en forme de dyalogue, de luy et de sa dame, qu'il appelle ma doulce guerrière, en laquelle appert qu'elle devoit estre de Tharascon, car en ung des coupples il dict qu'il ne sçait en toute la ville de Tharascon damoyselle qui frappe mieulx du dard d'amour le cœur des hommes qu'elle. Il a faict uog traicté intitulé

-=>Qi)®<&

[P. 150] DE GUILHEM FIGUIERA

Guilhem Figuiera estoit issu de nobles parens d'Avignon ; son père le feist estudier aux bonnes lettres, fut bon poëte provensal, plein de bonnes inventions, il ne pouvoit supporter les tirannies et meschancetés des princes, escrivoit tousjours contre eux, ainsi que faisoyent Luquet Gatellus, Pierre de Chasteau neuf, Perceval Dorie, et autres poètes provensaux qui fleurissoyent en Provense du temps que le siège papal fut transféré en Avignon. C'estoit une chose louable de la libéralité de ce poëte, car tout l'or qu'il gaignoit en sa poésie le departoit à ses amys; surmontoit en savoir tous les poètes qui ont escrit devant luy, et n'avoit autre nom que le Poëte satyrique ; estoit beau de face et de joyeux re[n]contre, rempli de bonnes vertus. Une dame d'Avignon de la maison des Matherons, belle àperfection, qu'avoitmesprisépar si longtemps le pouvoir d'amour, fut si fort esprinse de ce poëte, que de ce qu'elle estoit estimée, sage et prudente, l'on cogne ut par trop leseffects d'amour en elle : car se laissant vaincre à ses désirs, se feist [P. 151] moquer d'elle, et quand on luy tenoit propos de Guilhen Figuiere, respondoit qu'elle estoit amoureuse des vertus de ce poëte, veu que par sa poësie elle demeureroit immortelle, et qu'amour ne luy avoit pas offusqué les yeux

jusques là. Feist de belles chansons à sa louange en langue vulguereprovensalle, en l'une desquelles il maintient qu'amour n'ha nul pouvoir, fors qu'autant que luy en est donné par les yeux, qu'amour ne faict aucun mal, dont on se deust plaindre, qu'il n'ha pouvoir sur nully, si de son propre gré il n'y consent, que le vray amour ne peut avoir en soy ne force ne pouvoir, ne bon ne mauvais conseil, si les yeux et le cœur n'y consentent, ce qu'aux yeux semble plaisant et aggréable, le vray amour n'y peut contredire, et qu'il ne nous peut ocasionner comme faict le cœur et les yeux, que les yeux sont messagiers du cœur, que là où le loyal amour prend sa nayssance les yeux le font treuver bon et aggréable au cœur. Parla coupple finale dict ainsi: Ma chanson, va dire àMatharonne que ceux qui la louent ne la peuvent assez louer, tant sont grandes et riches ses valeurs. Il a faict aussi plusieurs syrventez contre les princes tyrans, entre autres un qu'il intitule Lo ftayel morlal des tyrans, et un beau contre Amour, qui se commence [P. 152] D'un syrvantés far, en est son que rnayensa, disant en substance qu'il ne veut plus tarder faire ceste chanson contre la tromperie d'amours, et puis dict en la seconde coupple :

Amour enganeyris, Cobeytat vous engana, Qu'a vostras berbys Tondes trop delalana.

En ce syrventez il amené plusieurs hystoires de ceux qui ont esté trompez d'amours. Le Monge des Isles d'Or (qui n'a rien oblié d'escrire) clict que le père de ce Guillen se nommoit aussi Guillen et qu'il estoit un prestantissime citadin d'Avignon, homme docte et clarissime escrivaind'histoyres, la doctrine duquel, élégance et dextérité de escrire, se peut voir clerement par ses belles œuvres, et qu'il a escript que de ce temps la turpitude des princes estoit si énorme que la honte luy defendoit d'en plus parler. Trespassa environ les précédents poètes. Le Monge de Montmajour dict que ce poëte estoit un grand hypochrite, amy des gens d'Eglise. Pétrarque l'a imité es sonnets qu'il a faicts.

[Pol2 v°] GUILHEN F1GU1ERE. 54 *

Guilhen Figuiere estoit yssu de nobles parans. Son père le feist estudier aux bonnes lettres, estoit bon poëte et d'ingénieuses inventions. Il ne pouvoit supporter les tyranyes et meschancetés des gens d'Eglise et toujours poetizoit contre eulx. C'estoit une chose louable de la libéralité de ce poëte, car tout l'or et l'argent qu'il gaignoit à poetizer, il despendoit et donnoit à ses amys. Il surmontoit de son sçavoir tous les poëtes qu'avoient esté devant luy, et n'avoit autre nom que le Poëte satyrique. Il estoit aussi diforme qu'Esope. Vray est qu'il estoit long oultre mesure, maysjoyeulx et de plaisant rencontre. Il estoit remply de tant de vertus que une dame d'Avignon, belle à perfection, qui mesprisoit les dardz d'amour, fut si fort surprinse de l'amour de Guilhen, que de ce qu'elle estoit estimée sage et prudente, l'on congneut par trop les effectz d'amour en elle, car se layssant vaincre à ses désirs, se feist moquer d'elle de ce qu'elle estoit devenue amoureuse d'une si layde personne ; mays elle respondoit quelle n'estoit amoureuse que des vertus du poëte, nonobstant qu'il fut difforme, veu que par ses beaulx vers il la rendoit immortelle. 11 a faict de belles chansons en l'honneur d'elle, en langue vulgaire provensalle, et plusieurs d'autres contre les abus de l'Eglise romaine qui sont intitulées : Lo flagel mortal de Roma.

[P. 153] DE SORDEL MANTUAN