XL VI

Sordel fut poëte mantuan. qui surpassa en poésie provensalle Calve, Folquet de Marseille, Lanfranc Cygalle, Perce val Doria, et autres poëtes genevois et tuscans, qui toutesfois pour la douceur de nostre langue provensalle s'y sont plustost délectez qu'en la leur propre maternelle. Ce poëte fut homme studieux et grand rechercheur de toutes choses , autant qu'homme qu'ait esté de sa nation, soit en doctrine, ou d'entendement, ou d'excellent conseil. Il a faict plusieurs belles chansons, non point d'amour, car il ne s'en trouve aucune,

mais en philosophie. Remond Berenguier, dernier du nom, comte de Provence, en ses derniers jours print à son service ce poëte Sordel, estant de l'aage de 15 ans, pour l'excellence de sa poésie et de ses belles et doctes inventions, ainsi que le recite Pierre de Chasteauneuf, poëte provensal. Il a faict plusieurs beaux syrventez en rithme provensalle, et entr'autres un auquel il taxe et reprend tous les princes de la Chrestienté, faict en forme de chant funèbre, sur [P. 154] la mort de Plaças, gentilhomme provensal, père de Blachas, duquel sera parlé cy après en son lieu, qu'estoit aussi poëte provensal, qui se commence

Plagner vol sen Blakas en aquest leugier son, Ab cor trist, e irat, e en ay ben razon,

en laquelle il dit que le dommage de la mort de Blachas est si grand qu'il ne sçait moyen pour le restaurer, fors qu'en luy ostant le cœur en donner à manger premièrement à l'Empereur s'il veut vaincre les Mylannois et le Pape qui luy faict si mortelle guerre. Que si le roy de France en mange recouvrera Castelle, mais parce qu'il est jeune, qu'il se garde bien que la royne sa mère ne le voye, attendu qu'il n'ose rien faire sans elle. Que le roy d'Angleterre en mange tant qu'il voudra, pour avoir meilleur courage à recouvrer les terres que le roy de France luy occupe. Qu'il est besoin que le roy de Castelle en mange pour deux, attendu qu'il avoit deux royaumes, desquels il en a perdu un, et qu'il mange du cœur à requoy, afin que l'autre roy ne luy donne de bastonnades. Que le roy d'Arragon en peut manger, afin qu'il recouvre l'honneur qu'il perdit à Milan et à Marseille, lorsqu'il les voulut prendre par force. Que le roy de Navarre [P. 155] en mange à suffisance, attendu qu'il valloit plus quand il estoit comte que ores qu'il est faict roy, à fin que de haut il ne tombe en bas. Qu'il est besoin au comte de Thoulouse d'en manger, si tant est qu'il aye souvenance des terres qu'il souloit tenir et de celles qu'il possède ores. Finallement que le comte deProvence enmange, s'il a souvenance quand il fut déshérité de son royaume de Sicile et des vespres siciliennes, que s'il eschappe de ses durs assaux, il sera besoin qu'il mange du cœur pour le grand fais qu'il soustient. Ce syrventez fut faict peu après que Jehan Prochite, vestu en habit de cordelier. siffla à l'oreille des prin-

ces de mettre à mort tous les François qu'estoyent au royaume de Sicille, que fut en l'an 1281. Outre ces œuvres, il a laissé par escript un traicté intitulé Lou Progrès, e avansament dels reysd'Arragon, en la comtat de Provensa, en prose provensalle. Il a traduit La somma del Drech de latin en prose provensalle, tous lesquels traictez furent mis en la librairie du monastère de Laverne en Provence, ainsi que dient le Monge des Isles d'Or et Sainct Cezari, et trespassa du temps cy dessus.

[Fo 21 v°] SORDEL MANTUAN

Sordel estoit gentilhomme mantuan, qui a surpassé en poésie provensalle Calve, Folquet de Masselhe et Lanfranc Cygalle, poëte[s] gennoys, qui toutefois par la doulceur de la langue provensalle se sont plustost délectés de monstrer la poésie qu'en leur propre langue naturelle. Cestuy Sordel fut homme studieux et grand investigateur de toutes choses autant qu'homme qu'aye esté de long temps, avant ne après luy, soit en doctrine ou entendement ou d'excellent conseil. Il a escript un volume intitulé Estoit du temps du roy

Philippe de France et de Richard, roy d'Angleterre, desquels il receut de grands et riches présents.