P. 156] DE CADENET

Cadenet fut un gentil chevalier de Provence, qui avoit une quarte partie de la terre et seigneurie de Caclenet de l'héritage de son père, fut savant aux lettres humaines, devint amoureux de Marguerite de Ries, pour laquelle il chanta plusieurs bonnes chansons, mais elle n'en faisoit aucun semblant ne estime, parce que son inclination n'estoit point d'aymer les hommes savans; prenant congé d'elle se retira au marquis de Montferrat, où il s'arresta quelque temps, chantant tousjours de sa Marguerite, pour laquelle amour le contraignit si

fort qu'il print congé du marquis, et ce ne fut pas sans luy avoir donné armes, montures, gens et argent, et s'en retourna en Provence, délibéré de faire ployer le coeur à Marguerite de Ries, où il fut retenu et receu fort honnorablement de Blachas et de Remond d'Agoult à Sault, et après y avoir chanté un longtemps, fut amoureux de dame Blachassonne, sœur du dict Blachas, gentilfemme de Provence, belle et vertueuse, à lalouange de laquel-[P. 157]-le fist maintes bonnes chansons. Quelques mesdisans, ayans envie de son crédit et avancement, parloyent contre luy et contre l'honneur d'elle, que fut la cause qu'il escrivit un petit traicté Contra lous Galiadours (qu'estoyent les mesdisans qui parlent et detractent faussement et grassement contre l'honneur des personnes vertueuses), contenant chansons et sons, qu'il adressa à Blachassonne : en la coupple finalle d'icelles, il remercie les menteurs ou Galiadours de l'honneur qu'ils luy font de mentir ainsi par leur faux dire, car en mentant ils luy font honneur. Fut derechef contraint se déporter de ceste affection : et s'énamoura d'une nonain d'Aix, nommée Angleze de Marseille, de noble maison de Provence, non encore professe : et se tenant moqué et desprisé d'elle, il se rendit au Temple de Sainct-Gilles, ou il demeura un longtemps, et au passage que firent les frères du Temple outre mer, il y alla avec plusieurs chevaliers, où il fut prisé et estimé, tant au faict des armes que de la poésie, et là chanta de la Vierge Marie, et y fist une belle confession de foy, et y deceda avec maints Templiers, en une guerre qu'ils firent contre les Sarrazins, qui fut en l'an 1280. Le Monge des Isles d'Or dit que ce Cadenet se [P. 158] nommoit Elzias et qu'il ne mourut point à la guerre, ains qu'au retour qu'il fist en Provence espousa la nonain, de laquelle eust un fils nommé Robert. Et Sainct Cezari tient le contraire, disant que les dicts Elzias et Robert estoyent du temps de Jehanne, première du nom, royne de Naples, comtesse de Provence. Ausquels pour le service a elle faicts en son royaume, leur inféoda les places de Cadenet, Puyverd, Beaumont, Varages, et Bezandun ', et luy en firent hommage : et que ce poëte Cadenet estoit du temps de Remond Beren-

1 Sic. Lis. Bezaudun.

guior, dernier du nom, comte de Provence, et de nostre Charles, premier du nom, comte de Provence et depuis roy de Sicile. Le Monge de Montmajour dictque Cadenetne s'estoit advancé que par les œuvres en poésie qu'il avoit desrobbees a plusieurs poètes de son temps. Ce poëte dressa la plus part de ses chansons à Posquieres près Beauquaire et à Valvert, où faisoit resonner ses divins vers.

[F0 10 r°] LA VIE DE CADENET. Fol. 104*.

Cadenet fut ung gentil chevalier de Provence, ayant ung quart du chastel de Cadenet pour héritage, fut assez sçavant homme aux lettres. Il ayma Madame Marguerite de Riez, pour laquelle il feit maintes bonnes chansons, mays elle n'en fesoit aulcung compte, parquoy il print congé d'elle, et se va retirer au roy Namfos2 de Castille, duquel il fut receu moult bien, pour la bonté qu'estoit en luy, et là demeura longtemps chantant à toutes heures de sa dame. Mays amour le contraignit tant et si fort qu'il print congé du roy. Le roy comme libéral luy feit donner de grand avoir, et s'en retourna vers sa dame, mays elle ne feit jamais semblant de luy, combien qu'il l'aymasse de bonne affection. Mays il la tenoit en ballance, que fut la cause qu'il quicta l'amour qu'il luy portoit, croyant qu'elle se mocquoit de luy, et se maria a une gentil-femme qui morut en peu de temps ; et ne se voulut point remarier, mays s'énamoura d'une gentil nonain du monastère de St-Marcel, pour laquelle chanta plusieurs belles chansons ; mays comme faulce aymante, ayma un autre et s'entendirent ensemble, pour rayson de quoy se tenant pour mocqué se partist d'elle et feist ung beau chant, et se rendist au temple de St-Gilles, où il demeura ung longtemps. Au passage quefeit le convent oultremer, il y alla avec les autres chevaliers, où il fut moult prisé au faict d'armes, et là chanta de la Vierge Marie et feit une confession en chantant, qui se commence: « Bien vouldroys si se pouvoit fere », et là mourut en une batailhe des Sarrazins avec maints templiers.

Nota des chansons qu'il feit contre les lauzengiers.

1 En marge: 1247, selon les archifs.

2 En marge; Amphous.

[P. 159] DE GUILHEN DE BARGEMON

Guilhen de Bargemon estoit gentilhomme de Provence, sieur de Bargemon, fut bon poëte, escrivant en rithme provensalle, grand vanteur, et menteur, non moins que Peyre Vidal, se raillant des dames de la cour du comte Berenguier bien souvent en sa présence et de tous les gentilshommes de sa cour: il estoit bien veu, aymé et prisé du comte et de la comtesse, parce qu'il devisoit plaisantement de toutes choses et fort bien à propos. Se trouvant un jour en la compagnie des gentilshommes de la cour du comte Berenguier luy présent, le premier d'entre eux qu'estoit le comte de Vintimille, disoit qu'il n'y avoit chevalier en toute la cour plus avant en la bonne grâce des dames que luy, car toutes le vouloyent et desiroyent. Le chevalier d'Esparron se vantoit qu'il estoit le premier chevalier qui meritast porter armes. Le chevalier Tibaud de Vins disoit qu'il n'y avoit chevalier qui l'ozast attendre à un tournoy ne mieux adextre à piquer un cheval que luy. Le chevalier de Porcellet [P. 160] disoit qu'il estoit si bon musicien et poëte tout ensemble que son chant et sa poésie estoyent assez suffisans à faire condescendre toutes les dames à sa volonté. Le chevalier de Lauris disoit qu'il estoit si bon joueur de tous instrumens musicaux qu'il meritoit tenir le premier rang en toute bonne compagnie. Le chevalier d'Entrecasteaulx disoit que seulement de son beau regard et dextérité de corps, s'asseuroit d'estre le mieux veu, et le mieux aymé et prisé sur tous les gentilshommes, et si n'en vouloit pas excepter un seul. Le chevalier du Puget disoit qu'il estoit le meilleur baladin de toute la cour, et m'en rapporte (dit-il) à toutes les dames. Le chevalier frère de la dame Alaette de Meolhon, sieur de Curban, disoit qu'il ne craignoit chevalier a mieux tirer de l'arc que luy, ne à bander à force de bras une des plus grosses arbalestes qu'on luy sauroit présenter. Le chevalier de Baguarris disoit qu'il estoit le meilleur coureur et luicteur, et sauteur tout ensemble, et dextre àjetter la barre de fer et la grosse pierre, sans ce qu'il

savoit fort bien poétiser et romanser, que gentilhomme de sa qualité. Et nostre poëte Guilhen de Bargemon dit : Chevaliers (sauf voste paix) il n'y a gentilhomme à la cour que je n'aye [P. 161] faict cocu. Et moy aussi, luydict le comte de Provence en riant. Monseigneur (luy dict Guilhen), je ne vous metz du nombre ne vous en excepte. Le comte mettant tout ce propos arizee dict : Se Dieu me saulve la vida, vous sias un valent baron, mais yeuvous recommandi alas domnas . Les propos de ses vanteries parvindrent incontinant aux oreilles de la comtesse Beatrix et de toutes les dames de la cour, les quelles, irritées de ces vanteries, dirent que celles du poëte Peyre Vidal estoyent plus plaisantes que celles cy1, et conclurrent entre elles n'en faire aucun semblant, pour ne donner occasion aux galliadours et aux mesdisans de parler et mesdire de leur honneur ;toutesfoys il fut dechassé de la cour du comte Berenguier,pour avoir si outrageusement mal parlé des dames, et autre punition ne receut, ayant esgard qu'il estoit jeune. Apres letrespas dudict comte fut auprès de la personne de Charles, premier du nom, qui fut comte de Provence, et depuis coronné roy de Naples, au service duquel trespassa en l'an 1285.

[F° 30 V] GUILHEN DE BERGEDAN. 198

Estoit gentilhomme de Gascogne ; a faict une chanson adressante à l'arondelle et une chanson au roy de Barcellone.

[P. 162] DE PEYRE D'AULVERGNE

Pierre d'Aulvergne, surnommé le Vieux (selon le Monge des Isles d'Or) fut fils d'un bourgeois de Clermont, homme

1 A la marge: Les vaDteries de Peyre Vidal ne sont rien au pris de celles de Bargemon. La punition du poëte.

moult prudent, beau et gracieux, et de grande literature et liberté de parler, et le premier qui chanta les vers provensaux en son pays, fut glorieux et grand mespriseur des œuvres [d'autruy] et des ceuvriers et inventeurs d'icelles. Sa poësie estoit profonde et de grande gravité : se vint retirer en Provence, où il fut amoureux de Clarette des Baulx, gentilfemme du pays, fille de seigneurs1 de Berre, qu'estoit belle et vertueuse, à la louange de laquelle feist de moult belles chansons, ausquelles luy mesmes meist le chant, et les chanta en sa présence; il avoit pris tel crédit et autorité sur les dames, qu'après avoir chanté et recité ses chansons en leur présence, il recevoit un bayser d'une seule de la compagnie qui plus luy estoit aggreable, et le plus souvent s'adressoit à la dame [P. 163] de Berre, comme à la plus belle et plus gracieuse. Il a faict une chanson à la louange de tous les poètes de son temps, a l'imitation de laquelle le Monge de Montmajour a faict la sienne toute au contraire; en la coupple finale d'icelle il ne s'oblie pas disant que sa voix surpassoit toutes celles de son temps, et que depuis qu'il a esté amoureux enProvence sa poësie a surpassé tous les poètes du pays. A l'extrémité de ses jours voua sa vieillesse en un monastère de Clermont en Auvergne où il se retira (ainsi que le Monge des Isles d'Or et Sainct Cezari l'ont escript] et y trespassa envyron le mesme temps que dessus. Quelques années avant sa mort avoit faict un syrventez contre les Siciliens, du massacre qu'ils feirent des François qu'estoyent à Naples, pour Charles premier du nom. Il a faict quelques chansons spirituelles, d'entre lesquelles une à la Vierge Marie mère de Dieu, qui se commence :

Domna dels Angels Regina, Esperansa dels crezens,

à l'imitation de laquelle Pétrarque en a faict une semblable. Il a faict aussi un traicté intitulé Lou contract del Cors e de l'Arma, en rithme provensalle, qu'est un fort beau discours, qu'il laissa imparfaict, et depuis fut achevé doctement et continué le subject [P. 164] par Ricard Arquier de Lambesc. Le

* Sic. Lis. du seigneur.

dict Pétrarque, en son Triomphe d'amour, dict avoir veu ce poëte au reng de nos autres poètes Provensaux, au 4. chapitre. Le Monge de Montmajour dict que depuis qu'il fut amoureux d'une bagasse de Provence, il ne chanta jamais rien qui vallust.

[Fo 6 t°] DE PIERRE D'AULVERGNE. 203

Pierre d'Aulvergne, surnommé le Vieux, fils d'ung bourgeois de l'evesché de Clermont, fut homme moult prudent, litteré, b"eau et gracieux et le premier qu'ayt chanté les vers prouvensaulx ; fut glorieux et mespriseur des œuvres d'aultruy. Sa poésie estoit profonde et de grand gravité; il fut amoureux de Clarette de Breganson, à l'honneur de laquelle feit maintes belles chansons. Il en avoit faictune belle en laquelle il reprend et mesprisetous les poètes prouvensaulx qu'estoyent de son temps, en heyne de laquelle le Monge de Montaudon, autre poëte prouvensal, en feit une semblable contre les poëtes prouvensaulx, dens laquelle il dict que despuis que Pierre d'Aulvergne s'énamoura à Clermont, il ne feistjamais chose qui vallust, et que c'estoit grand honte à luy, comme le plus vieulx poëte de tous, de devenir amoureux en sa vieillesse. Il a faict quelques chansons spirituelles adressantes à Dieu, toutes en forme de prières. A l'extrémité de ses jours se rendit religieux, faisant pénitence austère, ainsi que le recitent le Monge des Iles d'Or et Sainct Cezaire.

Ceulx contre lesquels il a escrit, sont ceulx-cy :

Peyre Rogier, Folq. de Masselha,

G. de Borneilh, Gosalvo Roitz,

B. de Ventadour, Rambaud,

Hugo Lymozin, Peyrols,

Guilhem de Ribbas, Lombard,

Gramoard Gausmar, G. Faydits,

P. deMonso, P. Vidais,

B. de Sayssac, Peyre d'Alvergna.

[P. 165] D'ALBERTET DE SISTERON

Albertet de Sisteron (aucuns ont mys de Tharascon) estoit gentil-homme de Sisteron, poëte comique, bien estimé en sa poésie : fut homme doux et modéré, s'adonnant aux estudes, bien veu entre les dames, a l'honneur desquelles ne cessoit d'escrire leurs louanges, fut amoureux de la marquise de Mallespine, qu'estoit Tune des plus belles dames de Provence, quelques excellentes et belles qu'elles fussent, surmontant en honneur et honnestetez toutes les autres dames de son temps. A la louange de laquelle feist plusieurs belles chansons, et l'un et l'autre estoyent tellement surpris qu'ils ne s'en pouvoyent eslongner. La marquise lui envoya secrètement de draps, de chevaux et d'argent (car c'estoit le plus honeste présent qu'on pouvoit faire de ce temps aux personnes de vertu), avec lettre le priant qu'il se voulut déporter de ceste amour jusques a quelque temps. Ce [P. 166] qu'il feist; mais avant que ce faire, il lui envoya une chanson en forme de dyalogue, introduisant elle et la marquise, qui se commence :

Desportas vous, Aray, d'aquest amour per aras,

et en une coupple clict ainsi :

Mais comma faray yeu (diz' ieu) mas Amours karas

My poder desportar d'aquest' affection?

Car certas yeu endury eu esta passion

Per vous ingratament, mantas doulours amaras.

et depuis on ne sceut qu'il devint; le Monge des Isles d'Or dict qu'il mourut de douleur à Tharascon, et qu'il bailla ses chansons à un sien amy et familier nommé Peyre de Valieras ou de Valernas, pour en faire un présent à la marquise, et qu'au lieu de ce faire il les vendit à Fabre d'Uzes, poëte lirique, se faisant ouyr qu'il les avoit dictées et composées ; mais ayant esté recognues par plusieurs savants hommes, au rapport qu'en feist le dict de Valieras, le Fabre d'Uzez fut pris et fustigué pour avoir injustement usurpé le labeur et œuvres

de ce poëte tant renommé, suyvant la loy des empereurs. Hugues de Sainct Cezari dict qu'il estoit de Tharascon, et son compaignon aussi, qui estoit un grand vanteur, et qu'il feist plu-[P. 167]-sieurs chansons à la louange de ces trois princesses, la marquise de Mallespine, la comtesse de Provence et la marquise de Saluées, qu'estoyent ordinerement ensemble, dames de ce temps parangon de toute vertu, que fut environ le temps que Philippes le Bel, roy de France, donna et céda sa part d'Avignon à Charles 2. du nom roy de Sicile et comte de Provence, fils de Charles premier, duquel temps il fut entièrement seigneur de tout Avignon, que fut en l'an 1290. J'ay leu en ung vieux livre que cest Albertet estoit des marquis de Mallespine, qu'est une tres-[a]ncienne et tres-noble famille d'Italie. Le Monge des Isles d'Or dict qu'il a faict ung livre intitulé Lou Pertrach de Venus, et d'oeuvres en mathématique qu'il adressa à ces troys princesses.

[po 16 v°] ALBERTET DE SISTERON. 237

Estoit gentilhomme de Sisteron, poëte comique, bien estimé en sa poésie. Fut amoureux de la marquise de Malespine, à la louange de laquelle feist maintes bonnes chansons. Il estoit si surpris de l'amour de ceste marquise, car elle aussi l'aymoit pour la doulceur de sa poésie, qu'il ne se pouvoit esloigner d'elle. En une de ses chansons il se plaint de ce qu'il n'oze luy faire entendre son grief mal, et qu'il meurt pour elle cent foys le jour; il se plainct contre amour, l'asseurant que la marquise fera tous ses commandements. Il l'yroit plus souvent veoir, mais il n'oze, pour la crainte qu'il ha du marquis ; toutefois il ne veut rien qui ne soit sa voulonté. La marquise de Malespine luy envoya secrètement harnoys, robbes, chevaulx et argent, le priant qu'il se voulut déporter pour le présent de ceste amour jusques à quelque temps, ce qu'il feist, et depuis on ne sceut qu'il devint. Le Monge des Isles d'Or dict qu'il morut de doleur, et envoya ses chansons par ung sien familier à la marquise, et qu'au lieu de les luy donner, il les vendit à ung qui se faisoit ouyr les avoir faictes. Mays on recogneust que c'estoit de la facture d' Albertet ; il fut prins et fustigé pour avoir usurpé injustement et faulcement le nom du poëte, suyvant la loy des poëtes faicte par les empereurs.

Fault veoir Vitruve sur ce passage .