P. 168] DE BERTRAN DE ALLAMANON
Bertrande Allamanon3. du nom, fils de Bertran2. du nom, fils d'autre Bertran premier, fut sieur dudict lieu, homme de son temps digne d'honneur, bon poëte provensal, facond en la langue provensalle, aggreable a tout le monde pour son doux et modeste parler et façon d'escrire. A cause de quoy persuada facillement à tous les autres poètes de son temps qu'il estoit homme de bon savoir, a faict de belles et élégantes rithmes en nostre langue provensalle, fut amoureux de Phanette, ou Estephanette de Romanin, dame du diet lieu, de la maison des Gantelmes, qui tenoit de son temps Cour d'Amour ouverte et planiere en son chasteau de Romanin, près la ville de Sainct Remy en Provence, tante de Laurette d'Avignon, de la niayson de Sado, tant célébrée parle poëte Pétrarque : alalouange de laquelle feist de moût belles [P. 169] chansons. Ayant laissé le train d'amour, s'adonna à escrire satyriquement et à mesdire des princes, et mesmes de Charles 2. du nom, roy de Naples, comte de Provence, duquel temps il fleurissoit, qu'estoit environ l'an 1284, que fut le premier an de son règne, pour raison de quoy il lui osta le droict que les deux Bertrands, ses père et ayeul, avoyent tousjours pris du passage du sel au port de Pertuis, qu'on disoit anciennement de Gontard, sur le fleuve de Durance, dont il en fist un syrventez, se plaignant de ce qu'en son port ne passe plus du sel, et que le sel est failly en Provence, qui se commence ainsi :
De la sal de Provensa ay dol Quand a mon port non passa plus,
entendant par ceste chanson que la sagesse et prudence, telle que deust estre en un prince, estoit départie du roy Charles et des princes et seigneurs de son conseil et de Boniface viij. du nom, pape de Rome, de ce qu'il poursuivoit de ce temps les Collonnois, et s'estoit déclaré ennemy de Philippes, roy de France, et du dict Charles 2. et de ce que Henry vij. du nom empereur avoit mandé adjourner Robert, fils du dict Charles 2. à comparoir en Aretine, en hayne de ce
que Jehan, prince de Gravine, fre-|P. 170]-re dudict Robert, l'avoit honteusement faict desloger de Rome. Pour raison duquel syrventez, qui fut présenté à Charles 2. à la requeste du dict Robert, ledict droict du sel luy fut retourné : car Robert, comme amateur des poètes provensaux, trouva le syrventez de si bonne grâce qu'il retint ce poète Bertrand à son service, et le fist coucher en Testât des gentilshommes de sa maison aux affaires de Provence, et si l'enrichist de beaux et profitables presens, et luy fist avoir la seneschaucee de Provence, et le droict que le roy avoit au lieu de Roignes, tant estoit aymé et prisé de Robert: et aussi fut appelle, pour l'honneur et la faveur qu'il portoit aux poètes, le Père des poètes. Le Monge de Montmajour n'a rien escript, ne contre ce poète, ne contre le précèdent, je ne sçay la cause pourquoy. Le Monge des Isles d'Or dit que outre ce qu'il estoit bon poète provensal, estoit aussi vaillant et renommé en faict de paix et de guerre, homme de grand cœur, arrogant, diligent et de prompte expédition es affaires. A faict un syrventez contre l'archevesque d'Arles, par le discours duquel dict que jamais ne fut un homme plus pervers ne plus corrompu, qu'il sera esbahy si le légat du Pape ne le faist brusler tout [P. 171] vif, ou emmurer; que ceux d'Arles ne seront jamais en repos qu'ils n'ayent mis leur faux pasteur tout vif en sépulture, qu'il a esté trouvé homme de bien par de faux tesmoins, qu'il est perjure, qu'il ne croit en Dieu ny en la Saincte Escripture. Sainct Cezari dict que ce poète estoit gentilhomme d'Arles, l'un des principaux et de réputation de la ville. A escript un traicté enrithme provensalle, intitulé Las guerras intestinas qu'estoyent entre les princes. Trespassa en l'an 1295. Le dict Robert estoit de ce temps duc de Calabre et fut après son père roy de Naples et comte de Provence.
[F0 10 V°] BERTRAND DE LAMANON. 69 * .
Bertrand de Lamanon, fils d'aultre Bertrand, fut gentilhomme de Provance, homme de son temps digne d'honneur, bon poëte et facond
1 En marge: 1300.
en la langue provensalle, agréable à tous pour son doux et modeste parler et façon d'escrire,à cause de quoy il persuada facilement à tous les autres poëtes qu'il estoit docte. Il a faict de belle et élégante romanserie en langue provensalle. Ayma Phanette de Sade qui tenoit de son temps Cour d'Amour en son château de Romanyn, tout ainsi que [le Monge des Isles d'Or a] voulu dire, à la louange de laquelle a faict de belles chansons. Ayant layssé amour, se meyst à escrire satyriquement et à mesdire des princes et mesmes de Charles deuxme, lequel le priva du droict de la sel qui passoit en son port sur la rivière de Darance, appelé de Gontard, dont il en feist une chanson, se plaignant que à son port ne passe plus de sel, et que la sel est failhye en Provance, entendant que la sagesse n'estoit plus aux princes, qui fut d'une fort belle et plaisante invention. Pour rayson de laquelle le roy Robert, qui aymoit les poëtes, le restitua en son port et le feist gentilhomme de sa maison, auquel feist de beaux et riches présents . A mys par escript ung beau livre intitulé : Des Riches vertus de la fada de Romanyn, qu'il espousa, et en eust ung fils nommé Bertrand, qui ne fut moins estimé que le père.
