P. 172] DE REMOND FERAUD LU

Remond Feraud, gentilhomme provensal, avoit esté toute sa vie amoureux, et vray courtizan, suyvant la cour des princes, estoit bon poëte provensal. La royne Marie, issue delà maison d'Hongrie, femme de Charles 2. du nom, roy de Naples, comte de Provence, le retint à son service, escrivoit fort bien et doctement en langue provensalle de toute sorte de rithmes, ainsi qu'on peut voir en la vie d'Andronic, filz du roy d'Hongrie, surnommé sainct Honnoré de Lirins, parluy traduicte du latin, et mise en rithme provensalle à la requeste de la dicte royne d'Hongrie, à laquelle il dédia l'œuvre en l'an 1300. En recompense duquel la royne lui fist avoir un prioré dépendant du monastère de Sainct Honnoré en l'isle de Lirins en Provence. On ne trouve rien escript d'amours qu'il aye fait, car [P. 173] pour ne donner mauvais exemple à la jeunesse les mist au feu: et en délaissant ceste vie print la contemplative, et se rendit religieux audit monastère de

Sainct Honnoré, ainsi que l'a escript le Monge des Isles d'Or: il a traduict plusieurs livres en rithme provensalle, receut de grandes faveurs de Robert, roy de Naples, comte de Provence, du temps qu'il estoitducde Calabre. Car voyant que ce prince en sa jeunesse prenoit plaisir aux, lettres, et à cognoistre les nombres, les dimensions et les proportions et mesures pour mieux entendre l'art de bastir et de fortifier, faire ponts ou machines nécessaires à la guerre, et qu'il savoit de la géométrie et architecture, et qu'il estoit prince bénin, aymant Dieu, après qu'il fut couronné roy de Sicille, fist plusieurs rithmes à sa louange. L'an de son trespas se trouve aux registres dudict monastère, que fut environ le temps que dessus. Sainct Cezari dit qu'il fut surnommé Porcarius, du nom des anciens pères dudict monastère. Le Monge de Montmajour dict que ce Porquere estoit un vilain gardien de pourceaux, qu'après avoir servy long temps le dict monastère en estât de porchier, ils le receurent pour vivre ocieusement à la grassa souppa. Quelqu'un a escript que ce poëte en sa jeu-[P. 174]-nesse avoit desbaucbé la dame de Curban, qui fut l'une des présidentes de la Gourd' Amour au chasteau de Romanin, nommée cy dessus en la vie de Perceval Doria, qui s'estoit rendue religieuse en un monastère, et l'avoit menée pour sa commère gaillarde par les cours des princes un long temps, et estans tous deux las de suyvre cette vie, elle fut rendue au monastère de Cisteron et luy au monastère de Sainct Honnoré en l'isle de Lerins.

[F° 18 v°] REMOND FERAUD1.

Fut toute sa vie amoureux, suyvant les cours des princes et grands seigneurs, estoit le poëte de Marie d'Hongrie, mère du roy René, escripvoit et composoit fort bien et doctement en langue provensalle. En sa vieillesse composa en rithme provensalle la vie d'Androniq, fils du roy d'Hongrie, qui fut puis surnommé St Honoré de Lyrins, en fit présenta la royne Marie, en recompense de quoy elle luy feist donner le prioré de la Roque d'Antheron. N'a rien escript d'amour fors que aux

i En marge: 1335.

choses spirituelles, mays est bien le premier poëte provensal qu'a escript en rithme alexandrine et de toute sorte de rithme. Il se trouve ung sonnet qu'il feistà la louange du roy René qui se commence: Seigaour lou rey s'allegra en ton divin secours.

[p. 175] de blacas

lui

Blacas ou Blachas estoit fils de messire Blachas, gentilhomme de Provence, honnorable baron, fort adextre aux armes, libéral, courtois et gracieux. Blachas son père, surnommé Lou grand guerrier, fut aussi estimé le plus vaillant provensal qu'ait esté de long temps au faict de l'art militaire ; l'avoit si bien faict endoctriner qu'il surpassoit tous les gentilshommes de son temps, soit en honneurs, bonté et libéralité. Fut bon et excellent poëte en langue provensalle, en laquelle il a escript d'amour à la louange de toutes les dames de Provence, ausquelles il adressa ses chansons. Le Monge des Isles d'Or et Sainct Cezari dient que Blachas, père de ce poëte, estoit estimé de son temps le plus vaillant guerrier, prudent en conseil, et d'autant bonne conduicte qu'on ait jamais leu en histoire provensalle. Et qu'ainsi soit, lorsque le père de Blachas trespassa, que fut en l'an 1281, Sordel, poëte provensal, de nation Mantuan (duquel a esté parlé cy devant), publia un chant funèbre tel qu'il est escrit en la vie dudict Sordel. Dient aussi que le pe-[P. 176]-re estoit party d'une noble famille d'Arragon, parce qu'en l'une des chansons qu'il a faict, mesdit de la nation provensalle de ce qu'elle s'estoit soumise à la subjection de la maison d'Anjou, en délaissant celle d'Arragon, sous laquelle ils avoyent vescu d'années innombrables. Ils nomment le père Blachas et ce poëte icy Blachasset ou Blakasset. Ce Blachasset fleurissoit du temps de Charles 2. roy de Naples, comte de Provence, avec lequel il fust à la conqueste du royaume, et y fist de beaux faits d'armes ; et en fut par luy et par le roy Robert, fils du dict Charles, grandement recompensé de plusieurs seigneuries en Provence;

sous lequel Charles il trespassa environ l'an 1300. Peu avant sa mort fit un livre intitulé La maniera de ben guerreiar, et en fist un présent audict Robert, duc de Calabre. Nosdits compilateurs, le Monge et S ai net Cezari, dient que le père avoit composé ledict traicté. Le Monge de Montmajourdict que ce Blachasset estoit un cagnardier, et ne fut jamais bon guerrier.

[Po 21 r°] LA VIE DE BLACASSET, FILS DE BLACAS Fol. 241 *

Blacasset fut fils de messire Blachatz, qui fut le meilleur gentilhomme de Provence et le plus honorable baron et le plus adextre et le plus libéral et le plus courtoys et le plus gracieux de tous. Il endoctrina et aprint si bien son fils Blachasset et si dextrement qu'il surpassoit tous les autres gentilhommes du pays en toutes honneurs, en toutes bontez et en toutes liberalitez. Ce Blachasset fut grand amoureux et sçavoit bien trouver et poetizer, et estoit fort bon trouveur, et feist maintes bonnes chansons à l'honneur de sa dame, fut vailhant aux armes. Le père estoit partyd'Arragon, fut ennemy mortel des Françoys et Provensaulx, ainsi que le recite le Monge des Isles d'Or, car en une de ses chansons il dit que l'esté prochain il a espérance veoir le camp des Françoys en desroutte, il appelle les Provensaulx faulx de ce qu'ils s'estoient laissé subjuguera Charles premier du nom, auquel temps il florissoit. Après la mort de Blachatz, son père2, Blachasset fut amy de Charles II, avec lequel il se trouva à la guerre de Naples, et fut par luy richement recompensé. Blachatz, son père, estoit le plus haedy chevalier du monde, et qu'ainsi soit, quand il trespassa, Sordel, poëte mantuan, qui escripvoit en rithme provensalle, feist un chant funèbre en forme de satyre, auquel il convyoit l'Empereur, le roy de France St Loys, d'Angleterre, de Castille, d'Aragon, de Navarre, le comte de Thoulouse et de Provence, à manger du chœur de Blachatz pour avoir meilleur courage qu'ils n'avoient de se laysser vaincre et occuper leurs terres. Lequel trespassa en l'an 1237.

1 En marge: 1300.

2 En marge: DeBlachas, son père, 1237.