P. 177] DE PEYRE CARDENAL
Pierre Cardenal fust d'un chasteau près de Beauquaire, nommé Argence, de pouvres parens, toutesfois fort bien institué aux bonnes lettres et disciplines libérales : excelloit et d'esprit et d'elegance les poètes de son temps en toutes langues et mesmes en sa naturelle vulguere provensalle : vint habiter en la ville de Tharascon, où les principaux qui se delectoyent lors aux bonnes lettres l'entretenoyent des deniers commungsde leur ville, luy baillans bons et advantageux gaiges pour endoctriner en bonnes meurs et aux bonnes lettres la jeunesse. Du temps que Charles 2. du nom, roy de Naples, comte de Provence, feist duc de Calabre Robert son fils, icelluy Robert estant en Provence loua l'entreprinse des hommes et confirma les privilèges de ladicte ville, et au depart qu'il feist s'en retournant à Naples a l'ayde de son père, feist exempter pour dix ans la [P. 178] ville des tailles et subsides, à la charge que pendant ledict temps ils entretiendroyent le dict Pierre Cardenal. Au troisiesme an de sa re • gence devint amoureux d'une belle damoyselle de la maison de Roquemartine, nommée LauduneAlbe, avec laquelle s'entretint quelques années en chaste et pudique amour, escrivant à sa louange plusieurs belles chansons en langue vulguere, la nommant seulement Argence ; mais il fut appelle par de Gambateza, senechal de Provence pour le dict Charles 2., que fut en l'an 1302, pour acompagner l'infante Beatrix, fille du dict Charles, qu'estoit religieuse au monastère de Nazaret de la cité de Aix, que le père envoyoit quérir et enlever dudict monastère : et après luy avoir osté les habitz monachaux, et vestue en fille de roy (car ainsi le portoit sa commission), en cest estât fut menée et conduicte par mer avec deux galleres à Napples, où ledict Pierre Cardenal fut chantant de sa dame d' Argence, adressant toutes ses chansons à l'infante Beatrix, laquelle fut depuis mariée avec le marquis d'Esté. Et ledict Pierre demeura à son service un long temps, et trespassa à Naples de maladie, environ l'an 1306, que fut du temps que
la cour romaine fut transportée en Avignon. A escript [P. 179] un traicté intitulé Las lauzours de la dama de Argensa. Le Monge des Isles d'Or et Sainct Cezari escrivent que ce Pierre estoit un souverain poëte en toutes langues ; et le Monge de Montmajour dict que ce Cardenal avoit si peu de grâce en son chanter qu'il tenoitune grimasse fort estrange, et n'avoit rien de bon en luy.
[F0 24 r°] DE PIERRE CARDINAL.
Fut institué aux disciplines libérales. Il excelloit et d'esprit et d'e-
legance les poètes de son temps, il estoit de les principaulx
de la ville qui se delectoyent aux bonnes lettres l'entretenoyent des revenus de leur ville et luy bailho'yent bons et adventageux gaiges pour aprendre aux bonnes lettres et aux bonnes mœurs la jeunesse de la ville. Le roy Robert * estant en Provence, loua l'entreprise de ses citoyens; au départ qu'il feist pour aller à Naples, à l'ayde de Charles son père, il exempta pour dix ans de tailhes et subsides les citoyens de la ville pour l'entretenement de ce poëte, et après les dits dix ans, il l'appela à Naples à son service. De son temps, Charles envoya à de Gambateza son senechal en Provence, d'enlever sa filhe Beatrix, qu'il avoit faict entrer au monastère d'Aix, [luy oster les habits monacaulx, l'acoustrer richement] et la luy renvoyer à Naples avec deux gallères, accompagnée de damoyselles les plus honorables que se pourroyent trouver et de gentilshommes du pays, d'entre lesquels cestuy fut appelé par led. de Gambateza qu'il savoit estre homme
