P. 180] DE LUCO DE GRYMAULD

Luco ou Lucas de Grymaud, natif de Grymauld en Provence, fut (ainsi qu'on dict) d'un beau engin, bon poëte provensal, et qui voudra savoir quel il fut de son savoir et doctrine, de quelle foy et modestie, et en quelle réputation il a vescu, lize

1 ,4 la marge : De Robert estant jeune.

hardiment les beaux et elegans vers qu'en ont escript le Monge des Isles d'Or et Sainct Cezari, qui sont en nombre de plus de trois cens à sa louange, et ne se faut attendre à ce qu'en a dict le Monge de Montmajour, fléau des poètes, en sa folié et mesdisante chanson. Il en y ha qui ont escript qu'il fut amoureux d'une damoyselle de Provence de la maison de Villeneufve, belle et élégante, et qu'elle luy donna le breuvage amatoyre, si qu'en peu de jours luy mesme se priva de vie de ses propres mains, eagé de 35 ans, que fut en l'an 1308, dont elle en cuida recevoir la mort des reproches qu'on luy faisoit d'avoir faict cruellement mourir un si savant et fameus poëte. [P. 181] Apres sa mort furent trouvées plusieurs chansons qu'il avoit faictes à la louange de ceste gentilfemme, et plusieurs comédies pleines de maudissons contre Boniface 8. du nom pape, dont il en avoit esté aygrement repris par les magistrats, si qu'il fut contrainct en leurpresence les ardre et brusler : mais estant meu de juste furie, qui advient souvent aux poètes, les ayant toutes en sa memoyre, les rédigea par escript, les enrichist et amplifia de beaucoup plus qu'elles n'avoyent esté, et qu'il en avoit faict un présent a de G-ambateza, lieutenant du roy en Provence. J'ay leu en une vieille pancharte que ce Luco estoit parti de Gennes.