DE MARSEILLE

Rostang Berenguier de Marseille estoit gentilhomme de la cité de Marseille, fut de ce temps estimé un fort bon poëte provensal, escrivant en nostre langue provensalle, digne de l'amour d'une princesse, parce qu'il fut d'un bon esprit, donnant indice de sa poésie à tous les poètes de son temps. Fut grand amy et familier de Foulquet de Vilaret, grand commandeur de Sainct Grilles, à la louange duquel fist plusieurs chansons en rithme provensalle, fut amoureux d'une dame de Provence, de laquelle on n'a sceu trouver ne le nom, ne la maison (selon que dit le Monge des Mes d'Or), qu'estoit fort aagée, et la plus experte en sorcelleries qu'on aye jamais veu, soit à mixtionner les drogues, à observer les jours et à donner breuvages amatoires. Il n'y avoit simple en la Colle d'Any2, et en toutes [P. 193] les montagnes de Provence

i Sic. Lia. l'albergue.

2 A la marge: A la Colle d'Any près Mazaulgues y a plusieurs simples singuliers et valeureux.

qu'elle n'en eust la cognoissance : elle luy donna un breuvage, je ne diray pas amoureux, mais mortifère, dont il en devint transporté de son sens : et de la pitié qu'en eust une damoyselle de la maison de Cybo de Gennes, qui se tenoit lors à Marseille, fille d'un gentilhomme genevois, ayant familiarité avec le poëte, pour une chanson qu'il avoit faicte à sa louange, retourna en son bon sens et entendement par un souverain breuvage et antidote qu'elle luy donna, dont le poëte recognoissant ce bien, l'immortaliza par un bon nombre de chansons, et en devint amoureux, délaissant là cette magicienne, et retint la Genevoyse qu'estoit une fort sage damoy selle, belle etvertueuse, et bien aprinse àla poésie. Mais elle ne se voulant attendre aux prières et poursuites du poëte, il en fut depiteux, et fist un chant qui se commence :

S'ella era un pauc plus liberalla, e larga,

et vers la fin dict:

Vautres vezez ô Dieus justes venjayres Qu'ell' a son cor plus dur que lou Dyaspre, E qu'yeu non podi eschivar sa rudessa.

Fazés (au mens) qu'en aquestous afayres Ella non l'aya ingrat, ny dur, ny aspre, Mais my sia doussa autant qu'a de bellessa.

[P. 194] Ne sachant que faire, pour unhonneste desdain se voulut rendre religieux de l'ordre des Templiers, cuidant avoir quelque faveur de Foulquet de Villaret ; mais cela luy servit de bien peu, et ne le voulurent point recevoir, en hayne de quoy publia un traicté intitulé De la falsa vida dels Templiers. Et neantmoins (ainsi que l'a escript Sainct Cezari) fut ouy en tesmoin contre eux, et pour avoir faussement déposé retourna en son premier erreur par une punition divine, et trespassa en l'an 1315, du temps que Philippes, roy de France, et Clément vj. du nom pape, qui residoit en Avignon, poursuyvoientles dits Templiers. Le Monge de Montmajour appelle ce poëte Falsa garentia, que signifie faux tesmoin en nostre langue provensalle.