P. 195] DU COMTE DE POIGTOU
Le comte de Poictou daigna bien faire honneur à la poésie en nostre langue provensalle, car outre ce qu'il estoit savant aux sciences liberalles, encor prenoit il plaisir avoir en sa cour des plus savans poètes qu'il pouvoit trouver, lesquels il honnoroit et prisoit, leur assignant bons et suffisans gages, et si les provoyoitdes plus beaux ethonnorables offices de sa cour, d'entre lesquels
Peyre Milhon, gentilhomme de Poictou, fut son premier maistre d'hostel; a faict une chanson à la louange d'une dame de Poictou delà maison de Montagut, qui se commence :
Pueis que dal cor my ven faray kanson nouvella,
en laquelle dict qu'après long travail il [P. 196] aura jouissance d'amours.
Bernard Marchyzfut son chambellan, a faict une chanson à la louange d'une damoyselle de la maison des Requistons de Provence, et se commence :
Tant es ma donna endurmyda,
en laquelle dit qu'il a si bien et si doucement chanté qu'il l'a esveillee.
Peyre de Valieras fut son vallet trenchant, qui a chanté pour Rogere, noble dame, belle et vertueuse, de la maison de Sainct Severin, issue de France, àNaples. L'une de ses chansons dit ainsi :
So qu'aïs aultres es plazer Es a my grand desplazensa,
en laquelle dict qu'il est né sous telle planette, qu'il ne sera jamais que triste et desplaisant.
Ozil de Cadars fut un de ses escuyers ; a faict l'Art de bien aymer, a chanté à la louange d'une haute princesse d'Angleterre, niepce du comte de Poictou, de laquelle (ainsi que tel
estoit le bruit) ilreceut des faveurs incroyables, et pour faire croire le contraire fist ceste chanson :
Elle a son cor tant hault qu'elle mespreza So que l'on ten en grand près, e honnour,
[P. 197] en laquelle dit qu'il ne se faut ja tant estimer.
Loys Emeryc fut sieur de Rochefort en Poictou ; avoit esté un des principaux secreteres du roy d'Arragon, pour faux rapport s'estoit retire vers le comte de Poictou qui luy bailla place, et estât de secretere ; fut amoureux d'une dame de Proence de la mayson des comtes de Forcalquier, nommée Florence, a la louange de laquelle feist plusieurs chansons, l'une desquelles se commence :
Kascun jour m'es benafort mays d'un an Quand yeu vezy aquella que tant amy,
en laquelle dict que las malas lenguas l'en deschassent.
Peyre Hugon, gentil-homme de Dompierre, son vallet de chambre, fut amoureux d'une dame de Provence de la mayson de Roquefueilh, nommée Beatrix de Agoult, les autres l'ont nommée LAgoulte d'Agoult, à la louange de laquelle a faict plusieurs chansons; une que j'en ay leu se commence :
Tos temps amour my ten en tal façon Ensins qu'aquel mal, dont s'adormys.
Guilhem Bouchard fut aussi de ses valïetz de chambre, amoureux de dame Tyburge de Layncel, noble mayson de Pro-[P. 198]-vence, à la louange de laquelle feist plusieurs chansons ; Tune se commence :
Eu vous yeu ay messa (Seguent ma promessa) Mon cor, e m'amour.
Gyraudon louRoulx fut un des gentilhommes de sa mayson, amoureux de dame Albe Flote, gentil-femme de Provence, à la louange de laquelle feist ceste chanson :
Aras saubray s'a ges de cortezia Enyous, domna, e si temés pekat.
Americ de Saiiac, autre gentil-homme de samayson, chanta à la louange d'une dame d'honneur de la comtesse, qui estoit de la mayson de Fontenay, nommée Guillaume, de laquelle il
fut amoureux et feist plusieurs belles chansons à sa louange ; vray est qu'il les adressoit à la comtesse, l'une desquelles se commence ainsi:
Fin e liai, e sens dengun engan Ensins qu'aquel qu'a conquistat Amours, Auray en pax sufertat mas doulours, E non my vac plagnen, ny rencuran.
Guilhem dels Almarics fut gentil-homme provensal, amoureux d'une dame de Napples de -la mayson de Arcussia de Capro, comte d'Hautemure, à laquelle il envoya faire ses messages d'amour [P. 199] par l'arondelle qui la reveilloit tous les matins et ne la layssoit dormir, à la louange de laquelle feist plusieurs chansons belles et playsantes, et mesme une à l'arondelle, et quelques chantz spirituels, et c'est le commencement d'un chant :
Dieu de mon esperansa, e ma forsa e vertut, Fay qu'yeu non siey contrari a ta ley pura e santa En temps d'adversitat, quand l'enemy m'enkanta, E my conselha d'estre eslugnat de vertut.
Il feist un autre chant à la louange de Robert, roy de Sicile et de Naples, comte de Provence, de ceste teneur :
Lou segnour Dieu t'ezauce, e toujour ty defenda. Al s malvays jours troublaz, et ty mande secours, Rey poderouz, alqual lou poble ha son recours . Apres Dieu que t'a fach, grand vencedour ty renda.
Lou segnour que t'a fach tas preguieras entenda, Fassafiourir ton nom tos temps mays en tas cours, Puesques tu veyre en pax de tous jours lou long cours, E que d'un bout d'alniounde a l'autre, aias [P. 200] la renda.
Lous uns en kavals fiers, autres en granda armada, En thezaurs infinis, en kauzas transitorias Si fizan totalement, e y han esperansa.
Mays tu, auras de Dieu d'excellentas victorias, E tout ton poble aura sa vollontat armada A toujour t'obezir per ton asseguransa.
Pystolleta, autre gentil-homme de sa cour, adressa ses chansons a dame Sance, de la maison de Villeneufve en Provence et à un' autre de la maison de Chamdieu en Dauphiné,
Une autre à une gentil femme de Grymaud de Gennes, et à une autre de la maison de Castillon et de Brancas, et d'Esparron de Provence : à toutes lesquelles et à la coupple finale d'ycelles désire avoir une collombe de Surie, semblable à celle de Mahommet, pour l'envoyer faire ses massages l.
Tous |ces poètes cy dessus nommez fleurissoyent d'un mesme temps du dict comte de Poictou, dont ceux qui furent à sa cour décédèrent empoysonnez des eaux et fontaines par les lépreux du pays, par la pratique des Juyfz, en beyne de [P. 201] ce que le comte de Poictou, nommé Philippes le Long, qui fut roy de France, après la mort de Loys Hutin, son frère, les avoit deschassez de France, plusieurs desquelz juyfz lors se vindrent retirer en Provence, et ce fut en l'an 1321, ainsi que le recite le Monge des Isles d'Or fort au long, mal couché et mal escript, et Sainct Cezari aussi.
[F° 23 r°] LE COMTE DE POYCTOU. 188
Le comte de Poyctou a faict deux chansons.
La dernière chanson se plainct du départ qu'il luy fault faire du Poictou et de Lymozin, faict mention d'ung Gardalays et de Foulque d'Angers, que s'il n'a secours d'eulx, le roy duquel il tient son honneur, dict que les Gascons et Angevins luy font, mortelle guerre. Semble qu'il face ceste chanson à l'heure de sa mort, car il dict qu'il est prochain de la mort.
[Fo 29 v°] DE PEYRE MÎLHON. 163
Estoit bonpoëte provensal. Il a faict une chanson qu'est transduicte fol. xx, par laquelle demonstre qu'après avoir travailhé auprès de sa dame, Amour finallement l'a faict joyr heureusement de ses désirs.
Regarde la dite chanson ou deux
[F" 30 r°] BERNARD MARCHIS. 148
Estoit marchis de Malespine, chevalier aussi bien accomply qu'il en fut onc, fut en art militaire comme éloquence. Composa en ung fort
1 Sic. Lis. messages.
beau et élégant stille en rithmes provensales, bien chantant en musique, bien touchant des instruments de cordes, duquel le Monge de Montmajour en a fait de grands escripts, le louant sur tous aultres, que faict croyre qu'il devoit estre un singulier poëte, attendu qu'il mesdit de tous et décrie (?) il la cour jusques au roy.
[F0 23 vo] PIERRE DE VALIERES. F. 187
A faict quelques chansons contre les marins.
[F° 24 ro] DE OZIL DE CADARS. Fol. 190
Estoit gentilhomme de Languedoc ; a faict l'Ordre et manière qu'il fault tenir aux amoureux de bien aymer.
[Fo 24 v°] DE LOYS AYMERIC. Fol. 190
A faict une chanson en laquelle il faict comparaison de l'aloete quand elle chante, l'adresse au roy d'Arragon et se plainct contre Amor.
[F° 25 v°] DE PEYRE D'OURGON. 191
Cestuy estoit natif apris aux bonnes lettres et artz liberaulx. Le Monge des Isles d'Or et St Cezari l'ont mys au nombre des poëtes provensaulx en toute sorte de rithmes et de belles inventions, par les quelles se peut colliger facilement quel home il estoit, tant en mœurs qu'eu sciences; fut grand compagnon de tels et tels poëtes provensaulx, tant pour la subtilité de son esprit que de sa modestie et probité. A imité en ses rythmes Arnaud Danyel.
A faict une chanson qui faict comparaison de malade qui meurt en dormant, et de larron qui guyde le voyageur pour l'occyre.
[F°26 r°] DE GIROUDON LOU ROUX. 193
Estoit gentilhomme de Provence ; a faict une chanson priant sa dame ouyr la chanson que jamays il ouvra de luy.
[F0 26 r°] AYMERIC DE SARLAC. 194
Estoit gentilhomme de Languedoc ; a faict quelques chansons adressantes à la comtesse et au roy d'Arragon; en y ha une transduicte.
[F0 31 r°] PISTOLETTA. 201
Estoit gentilhomme de Languedoc ; a faict la chanson adressante au roy d'Arragon, autre au comte de Tholose.
