P. 202] DE PEYRE ROGER

Pierre Rogier fut chanoyne de Clermont. Sainct Cezari et le Monge des Isles d'Or (lesquels de leur seule auctorité êtrenom vaincroyent tous les autres qui ont escript de nos poètes provensaux, ores qu'il n'amenassent aucune rayson) dyent qu'il estoit chanoyne d'Arles et de Nysmes : ayant quicté le canonicat, se voyant jeune, beau et de bonne qualité, estant asseuré qu'il feroit plus de proffict au monde qu'en religion, où il ne voyoit que toutes abominations, envies et debatz entre les religieus, sortant de son cloistre, s'addonna à la poësie ennostre langue vulguere provensalle, et se feist comique, et inventa de belles et ingénieuses comédies, qu'il jouoit par les cours des princes et grands seigneurs avec grand appareil. Tout ce qu'il faisoit et inventoit estoit trouvé bon et plaisant. Arriva à la cour de dame Esmengarde de Narbonne, femme de Roger Bernard, comte de [P. 203] Foix, dame de grand valleur, belle et bien aprise aux lettres, de laquelle Pierre Roger receut beaucoup de biens et de faveurs, et devint amoureux de l'une des damoy selles de la comtesse, nommée Huguette des Baulx, surnommée Baussette, fille de Hugues des Baux, qui fut depuis mariée à Blacaz de Beaudinar, sieur d'Aulps en Provence, pour laquelle il chanta plusieurs bonnes chansons. Sainct Cezari dict qu'il receut d'elle de

grandes faveurs, et les derniers effects d'amour: laquelle chose ne fault croyre, car par une chanson qu'elle luy envoya il appert qu'elle ne se soucioit et ne avoit agréable rien qu'il feist, qui se commence:

Lo non m'en kal de tas rymas grossieras Ny mays d'y estre (ont que sia) mentauguda, Sabes qu'y ha, fay qu'yeu en sia moguda, Car non las hay ren en grat volontieras.

Toutesfois le Monge des Isles d'Or dict qu'elle ne luy envoya ceste chanson à autres fins que pour couvrir l'amour et l'affection qu'elle luy portoit, et que Roger lui adressa un traicté Contra la dama de mala merce. Sainct Cezari poursuyvantla vie de ce Roger, dict qu'il fleurissoit du temps du roy Robert de Sicille, comte de Provence, et testifie neantmoins le dictRo-[P. 204]-ger avoir esté présent en la cité de Grasse en Provence, lorsque Pierre de Corbaria, antipape, surnommé Nicolas 5. du nom, en un presche qu'il feist dans l'église, se desdit publiquement des erreurs qu'il avoit tenus, que fut environ 1330, duquel temps ce pauvre Roger fut mys traistrusement à mort par les parans de dame Huguette, par faux rapport.