P. 205] DE GEOFFROY DU LUC

Geoffroy du Luc, gentilhomme natif du dict lieu, poëte bien renommé de son temps, escrivant aux langues latine, grecque et vulgaire maternelle provensalle, fut toute sa vie amoureux d'une gentilfemme sa voisine, de la maison de Flassans, nommée Flandrine, qui fut depuis mariée à messire Reynoard de Flassans, qu'il nomma en ses œuvres Blaiikaflour, laquelle (ainsi qu'on lict en icelles, tesmoin le Monge des Isles d'Or) il avoit rendue docte et savante, et qu'ainsi fut, monstrant elle de combien l'excellence de sa poésie estoit à estimer, en présence des plus souverains poètes, tant hommes que femmes, elle se trouvoitbien souvent aux disputes de la

poésie. Quelque temps après comme ingratte, n'en fist point d'estime. Et luy ne pouvant laisser sa volonté obstinée, bien qu'il fust [P. 206] privé de liberté, s'en alloit tousjours accusant ceste cruelle ingrate et ingratissime, que par trop l'aymer luy avoit mys cest erreur en usage, et que sa beauté n'estoit qu'une tromperie clandestine, ainsi qu'il en appert par ces vers :

D'aquesta ingratta yeu non ay ren agut

Que dur afan en mon van ezercicy,

E pensant yeu ly aver fach servicy,

Ay couneyssut que non fa son degut.

Elle estant advertie de telles plainctes injustes, luy remonstrapar mesme rithme, que contre tout devoir il s'adonnoit plustost à suyvre la fortune inconstante que la vertu, qu'est naturellement aymable, de laquelle procède la noblesse, et neantmoins qu'elle l'avoit retiré de mille et mille deshonnestetez, et partant qu'il se devroit contenter. Mais le poëte estima bien peu tout cela, car il avoit imprimé éternellement en son ame l'amour de ceste Flandrine : et depuis laissant courir ces amours folles, s'accompagna de Rostang de Cuers,Remond deBrignolle, Luquet Rodilhat de Toulon, Manuel Balb, sieur du Muy, Bertrand Amy, du Prieur delà Celle, Luquet de Lascar, G-uilhen de Pyngon, archidia-[P. 207]-cre d'Orenge, Arturus de Cormes, et de plusieurs excellens personnages provensaux, s'assemblans tous les jours, faisans une académie auprès de l'abbaye de Thoronnet,.avec quelques religieux du dict monastère. Trespassaen Tan 1340.