P. 208] DE MARGHEBRUSC ET DE SA MERE

LXIÏ

Marchebrusc, gentilhomme de Poictou, vint habiter en Provence, avec samere,qu'estoit la plus brave courtizane qui fut de long temps en Provence, issue de la maison des Chabbots, noble et très ancienne race de Poictiers, estoit docte et savante aux bonnes lettres, et la plus fameuse poëte en nostre

langue provensalle, et es autres langues vulgaires, autant qu'on eust peu désirer. Tenoit Cour d'Amour ouverte en Avignon, où se trouvoyent tous les poètes, gentilshommes et gentilsfemmes du pays, pour ouyr les diffinitions des questions, et tensons d'Amours qui y estoyent proposées et envoyées par les seigneurs et dames de toutes les marches et contrées de l'environ. Celuy des poë-[P. 209]-tes de ce temps qui pouvoit recouvrer un chant ou un sonnet qu'elle eustfaict, s'estimoit trop heureux ; elle eust ce seul fils, nommé Marchebrusc, non moins bon poëte que la mère, fut facile et doux en sa poésie. A faictun traicté intitulé De la natura d'Amour, auquel il descriptparfaictementtous les abus d'Amour, toutes ses forces, ses changemens, ses effects incertains, toutes ses imperfections, et tous les biens et les maux qui en procèdent. LeMonge des Isles d'Or tient que c'est la mère qui a faict et composé ce traicté, et que ce poëte a faict un autre intitulé Las Taulas d'Amour. La mère et le fils chantoyent et fleurissoyent en Avignon du temps que Clément sixiesme du nom pape y presidoit, que fut presque du mesme temps que Jehanne première du nom, fille d'un fils du roy Robert, royne de Naples et comtesse de Provence, fist estrangler son mary Andréas, frère de Loys, roy d'Hongrie, en l'an 1346. Aucuns ont escript que les sonnets que Pétrarque feist contre Rome, estoyent faicts contre la mère de Marchebrusc qu'il a nommée Borna, Vavara Babylonia, Malvagia, Nido di [P. 210] tradimento, fontanadi Dolore, et plusieurs autres parolles fort aigres. Le Monge de Montmajour l'a nommée La Palharda d'Amor.

[Po 15 v°] MARCHEBRUSC. 134

Marchabrusc estoit poëte provensal, et pour ce qu'il estoit homme brusque, on luy meist un tel nom; et si bien il estoit homme brusque de faict, toutefois il estoit doulx et facile en son poëme. Il a faict un petit traicté de la nature d'amour, auquel il descript aussi bien les abus d'amour, toutes ses forces, ses changements, ses véhémences et toutes ses imperfections que nul aye jamais escript; estoit du temps d'Amphous, roy de Castille, auquel il adresse ses chansons.

[P. 211] DE ANGELME DE MOSTIERE

Ancelme de Mostier, fils de Jacme, riche citoyen d'Avignon, de plusieurs enfans qu'il eust d'une gentilfemme de Provence, cest Ancelme les surpassa tous en vertus, fut bon poëte en toutes langues, et mesmes en lanostre vulgaire provensalle, n'escrivant rien que tout ne fut en rithme : des qu'il eust estudié aux sciences de mathématique, se rendit l'un des plus parfaicts et excellens hommes du monde. Pour raison de son savoir, et du bon rapport qui fut faict de luy au roy Robert de Sicile, et comte de Provence, il fut à son service qui l'ayma et prisa, et luy monstra de grandes faveurs, et ne bougeoit du près de sa personne, quand il n'estoit occupé aux guerres et tumultes de son royaume de Naples. Il lui predict le predecez de Charles son seul fils, qui fut duc de Calabre, et de Florence, et la malheureuse fin de Jehanne, sa niepce, fille du dict Charles, la diminution de son royaume de Naples et comté de Provence et de sa cité d'Avignon, par les guerres et séditions qui s'y nourrissoyent, luy feist [P. 212] voir le tout à l'œil par les reigles de l'astrologie et par les astres menassants. Car ce poëte estoit tenu et réputé savant en matière d'anciennes prophéties. Le roy Robert luy donna l'office de podestat d'Avignon, où il se retira aprez le trespas du dict Robert. Espousa une gentilfemme de Provence, de laquelle eust de beaux enfans, et mesme un fils de non moindre savoir que le père, et une fille très parfaicte en beauté. Trespassa en Avignon environ le temps que la dicte Jehanne, royne de Naples première du nom, fille du dict Charles, fils de Robert roy, comtesse de Provence, fist vente de sa cité d'Avignon à Clément pape vj. du nom, qui fut en l'an 1348. Le Monge des Mes d'Or et Sainct Cezari recitent la vie de cest Ancelme sommairement en substance, qu'est cy dessus. Et le Monge dict davantage, qu'il avoit un anneau fatal faict d'un grand artifice ayant une merveilleuse vertu, qu'il laissa à sa fille.

[F0 19 v°] DE ANCELME DE MOSTIER.

Estoit gentilhomme d'Avignon, fut en sa jeunesse inclin aux vices [et toutefois vray poëte (non) en langue provensalle et n'escrivoit rien que tout ne fut en rithme] ; mays depuis que son père, qu estoit l'ung des principaux d'Avignon, l'eust faict estudier en la philosophie, il se rendit ung des plus parfaicts et excellents du monde, sage et prudent, ayant la congnoissance des choses cellestes. Pour rayson de son sçavoir, fut au service de Robert, roy de Naples et comte de Provence, qui l'ayma et prisa et luy porta de grandes faveurs, [et ne bo.ugeoit d'auprès de luy quand il n'estoit occupé aux guerres et tumultes de son royaulme]. 11 lui predict le predecès de Carombert son fils, la malheureuse fin de Jehanne et Marie, filles dudit Charles, [la diminution de son royaulme de Naples et comté de Provence], et luy feist veoir à l'euil les dites prédictions par les doctrines et reigles de l'astrologie judiciaire, [selonles menassements des astres.] Pour rayson de quoy,illui bailha l'office de viguier en sa cité d'Avignon, car il no se plaisoit point en la cité de Naples, bien que fut un pays beau et fertile, toutefois il ayma mieulx se retirer en Avignon [âgé de 45 ans] où il se maria à une gentilfemme de la cité, qu'estoit belle et honneste, de laquelle il en eust de beaulx enfants de non moindre esperit que le père, dont l'ung eust nom César, pour l'honneur qu'il porta à Robert qu'il appeloit empereur, et l'autre Charles, du nom du dit Carombert, et l'autre André, du nom d'Andreassi, roy d'Hongrie, premier mary de la reyne Jehanne; et surpris de maladie, trespassa en 1348, que fust le mesme an que la reyne Jehanne vendit sa cité d'Avignon à Clément VI du nom, pape, qui se tenoit en Avignon, lequel an il prédit sa mort, et ne la voulut communiquer qu'au plus eagé de ses enfans.