P. 213] DE BERTRAND DE PEZARS

Bertrand de Pezars fut gentilhomme de Pezars (aucun gs ont escript de Pezenats), homme notable et gracieux, bon poëte provensal, qui chantoit et treuvoit fort bien en nostre langue vulguere provensalle, tint long temps escolle publique enseignant la façon de rithmer en langue provensalle, ainsi

qu'il le demonstre en l'une de ses chansons, fut amoureux d'une damoyselle de Provence de la mayson d'Aurayson, qui chantoit fort bien et l'avoit aprise à versifier, laquelle depuis il espousa. Quelque temps après s'en allèrent par les cours des princes et grans seigneurs chantans leurs louanges et les chansons qu'ils avoyent faictes ; tous deux avoyent si beau et prompt esprit, que à l'entrée qu'ils faysoyent es palaix et chasteaux des seigneurs, après s'estre enquis de quelle rasse et mayson ils estoyentyssuz,ils avoyent promptement inventé un beau chant à leurs [P. 214] louanges, recitantz les haux faicts et gestes de leurs progeniteurs par beaux vers en musique, pour raison de quoy ils estoyent grandement estimés et prisés, tant pour la douceur de leur musique que de leurs belles inventions ; et ce qui les faisoit treuver agréables à tous, c'estoit que tous deux estoyent beaux, jeunes et gracieux, bienvestus et proprement, selon la mode de ce temps. Se treuvans un jour à la cour de la royne Jehanne de Naples, comtesse de Provence, et de Loys de Tharante, son second mary, du temps qu'ils avoyent abandonné leur cité de Naples, et s'estoyent retirez en Avignon vers le pape Clément 6. craignans la venue de Loys, roy d'Hongrye, qui estoit entré en Italie avec puissante armée, pour venger la malheureuse mort d'Andréas, son frère, premier mary de Jehanne: ces deux poëtes ayant sceule discours de ceste tragédie, et le nouveau mariage d'entre Jehanne et ledict Loys de Tharante, ils feirent si bien parleurs plaisantes inventions, qu'ils récitèrent en leur présence un beau chant funèbre des vertus et excellences dudict Andréas, et un beau et sacré epithalame de leur nouveau mariage : desquels roy et royne ils rapportèrent de beaux et riches présents. La royne feist donner à la [P. 215] dame poëte l'une de ses cottes de veloux cramoysi, et le roy l'un de ses beaux manteaux de soye au poëte, et ce fut environ l'an 1348. Le Monge des Isles d'Or et Sainct Cezary dyent qu'ils furent advertis de ne faire aucune mention de la mort de Andréas en aucune de leurs poésies. Le Monge de Montmajour en sa chanson reproche à Bertrand de Pezars et à sa femme qu'ils eurent de Bastonadaz en recompense de leurs folles et malplaisantes chansons.

[Fo 26 vo] DE B. DE FEZARS. 53

Gentilhomme de Pezars, homme notable et gracieux, bon poëte provensal, qui chantoit et trouvoit fort bien en notre langue provensalle, tint longtemps escole publique, enseignant la façon de rithmer en sa langue vulgaire, ainsi qu'il l'a escrit en une de ses chansons, disant que celuy qui ne sait chanter ne romancer, à peine saura il saynement juger si le chant et la rithme sont agréables aux auditeurs, ainsi qu'il faict, dont il en ha très bonne et seure congnoyssance. Fut amoureux d'une damoyselle du pays qui chantoit fort bien, qu'il aprit de fere des vers durant ses amours, laquelle il print en mariage. Quelque temps après, s'en allèrent par les cours des princes, chantant tous deux les chansons qu'ils faisoient. Tous deux avoient si beau et si prompt esperit, que à l'entrée qu'ils faisoyent en la maison des gentilhommes, après s'estre enquisde quelle maison et famille ils estoient yssus, ils avoyent trouvé promptement un beau chant à leur louange, recitant les haults et courageux faicts de leurs progeniteurs par beaux quatrains l'un g après l'autre, et le refrain de la chanson le disoient tous deux en musique par manière de duo. Pour raison de ce ils en estoyent grandement estimés et aymés, tant pour la doulceur de leur musique que de leurs belles inventions, et aussi que tous deux estoyent beaulx, jeunes, gracieux à tout le monde, et bien vestus et acoustrés à la mode de ce temps. Ils se trouvèrent ung jour en la compagnye de la reyne Jehanne et de Loys de Tharante, son second mary, lorsqu'ils avoyent layssé Naples pour la venue du roy d'Hongrie, qui y estoitallé pour venger la mort de André, son frère, premier mary de ladite Jehanne. Ayant sceu les dits poètes le discours de la mort du dit Andréas, ils recitèrent en la présence du roy et de la reyne ung beau chant funèbre des vertus d'Andréas et un beau et sacré épithalame du nouveau mariage des dits roy et reyne, qui fut en l'an 1348.