P. 216] DE LAURETTE ET PHANETTE
Laurette, yssue de l'illustre famille de Sade, gentil-femme d'Avignon, tant célébrée par François Pétrarque, poëte tuscan,et par aucungs poètes provensaux, fieurissoit en Avignon environ l'an 1341, pour laquelle ils ont rendu leur mémoire
immortelle et recommandable : car le nom de ceste dame Laurette a esté tellement illustré par Pétrarque, qu'il seml.de qu'elle soit encor vivante : fut aprinse aux bonnes lettres par la curiosité et industrie de Phanette des G-antelmes, sa tante, dame de Romanin, qui se tenoit de ce temps en Avignon, qu'estoit aussi une noble et notable dame, ces deux dames estoyent humbles en leur parler, sages en leurs œuvres, honnestes en conversation, fleurissantes et acomplyes en toutes vertus, admirables en bonnes mœurs et forme ellegante, et tant bien nourries que chacung estoit convoyteux de leur amour; toutes deux roman-[P. 217]-soyent promptement en toute sorte de rithme provensalle, suyvant ce qu'en a escrit le Monge des Mes d'Or, les œuvres desquelles rendent ample tesmoignage de leur doctrine. Et tout ainsi que parle passé Estephanette, comtesse de Provence, Adalazie, vicomtesse d'Avignon et autres dames illustres de Provence estimées en savoir, ainsi estoyent ces deux dames en Provence, la renommée desquelles avoit emply tout le pays, tellement qu'on ne parloit que de leur savoir. Est vray (dict le Monge) que Phanette ou Estephanette comme très excellente en la poésie avoir une fureur et inspiration divine, laquelle fureur estoit estimée un vray don de Pieu. Elles estoyent accompagnées de Jehanne, dame des Baulx; Huguette de Forcalquier, dame deTrects; Briande de Agoult, comtesse de la Lune ; Mabile de Villeneufve,dame de Vence ; Beatrix d'Agoult, dame de Sault; Ysoarde de Roquefueilh, dame d'Ansoys; Anne, vicomtesse de Tallard ; Blanche de Flassans, surnommée Blankaflour ; Doulce de Monstiers, dame de Clumane ; Antonette de Cadenet, dame de Lambesc; Magdalene de Sallon, dame dudict lieu ; Rixende de Puyverd, dame de Trans ; et plusieurs autres darnes illustres et généreuses de Provence, qui fleurissoyent [P. 218] de ce temps en Avignon, lorsque la cour romaine y residoit, qui s'adonnoyent à l'estude des lettres, tenans Cour d'Amour ouverte, et y deffinissoyent les questions d'amour qui estoyent proposées et envoyées, au moyen desquelles et de leurs belles et glorieuses œuvres leur renommée s espandit partout, jusques en France, en Italie et Espagne. Et Bertrand de Allamanon, Bertrand de Borme, Bertrand du Puget, Rostang d'Entrecasteaulx, Bertrand Feraud, Olivier de
Lorgnes, de Dons d'Istre, Peyre de Soliers, Jehan de Lauris, Isnard de Demandolz, Bertrand de Castillon, et une infinité d'autres poètes provensaux, ont escript de gros volumes de chansons et de beaux et plaisans romans en langue provensalle à leur honneur et louanges. Guillen et Pierre Balbz et Loys des Lascaris, comtes de Vintimille, de Tende et de la Brigue, personnages de grand renom, estans venus de ce temps en Avignon visiter Innocent 6. du nom pape, furent ouyr les deffinitions et sentences d'amour prononcées par ces dames, lesquels esmerveillez et ravis de leurs beaultés et savoir, furent surpris de leur amour. Mais peu de temps après trespasserent en Avignon du temps d'une grande peste, qui dura troys [P. 219] ans, laquelle plusieurs nommèrent Lou jlagel mort al de Dieu, pour les usures et rapines, symonies et malédictions qui y regnoyent, que fut environ l'an 1348. Le Monge de Montmajour dict que toutes ces dames estoyentles druts des courtizans de Bomme. Ce mot drut en langue antique provensalle signifie paillarde.
[Add. 11, fol. 104 r°]
