DISCOURS DE LAURETTE DE SADE, FEMME DOCTE
Laurette de la illustre famille de Sade, gentilfemme tant célébrée parFrançoys Pétrarque, poëte florentin et par les poètes provensaulx qui de ce temps florissoyent en Avignon, à l'honneur de laquelle ils ont rendus leur memoyre immortelle et recommandable. Le nom de Laurette a esté tellement illustré par Pétrarque, qu'il semble qu'elle soit encore en vie. Elle estoit endoctrinée es bonnes lettres, car de son temps y avoit une infinité d'hommes et de femmes en Provence qui faisoient parangon de leur doctrine, et ne reluysoient moins en sçavoir que tous les plus grands esperïts qui en fazoient lors leur publique profession. Entre lesquelles estoit ceste dame Laurette et uni' sienne tante, qu'estoit dame de Romanyn, chasteauprès de St-Kemy, dame docte et vertueuse qu'on nommoit Phanette, qui depuis, par la corruption du mot, la nommoyent la phade ou la fée de Romanyn, laquelle monstroit de combien l'excellence de sa poésie estoit estimée,
' Ce titre est à la marge dans le rns., ou la date mcccxli le pi-écède.
car en la présence des plus souverains poëtes se trouvoyent souvent en grandes disputes de la poésie et avec elle l'accompagnoyent1 :
Huguette de Forcalquier, dame de Tretz ; Briande d'Agoult, comtesse de la Lune; Beatrix d'Agoult, dame de Sault; Doulce de Moustiers, dame de Clumanc; Isoarde de Roquefeuilh, dame d'Ansoys ; Anne, vicomtesse de Thalard; Beatrix de Cadenet, dame de Lambesc;
Rixende de Puyverd, qui fut femme d'Arnaud de Villeneuve; Phanette ou Estephanete, dame de Romanyn, qui depuis a esté nommée la phade de Romanyn,
et plusieurs autres qui se trouvoient la plupart du temps en Avignon lorsque la cour romayne y residoit.
Et les poëtes prouvensaulx estoient ceulx-cy :
Bertrand de Lamanon II du nom, fils du 1er Bertrand;
Albertet de Sisteron,
Bermond Rascas,
Bertrand de Pena, Sr de Romoles et de Mostier en partie ;
Arnaud de Villeneufve, chev sage es droicts qui fut podestat
d'Avignon, seigr des Arcs; Bertrand de Masselhe, sieur d'Evenes ; Jacme Motte d'Arles.
[P. 220] DE BERNARD RASCAS
Bernard Rascas, gentil-homme yssu du pays de Lymoges, sellon aulcungs parent et allié de Clément 6. et d'Innocent 6. papes Lymosins, fut homme rassis et posé, bonpoëteen langue vulguere provensalle; en sa jeunesse fut amoureux de Constance des Astraudz, noble dame d'Avignon, à la louange de laquelle feist plusieurs chansons, et peu après deceda, depuys lequel trespas il ne se mesla onques d'amour, et voyant que toutes les choses de ce monde sont caduques et subjectes à une fin, feist ces beaulx vers, que j'ay voulu insérer icy:
1 En marge: Dames provensales doctes.
Touta kausa mortala une fes périra,
Fors que l'amour de Dieu, que tousjours durarà.
Tous nostres cors vendran essuchs, coma fa l'eska,
Lous aubres leyssaran lour verdour tendra et freska,
Lous aussellets del bosc perdranlour [P. 221] kant subtyeu
E non s'auzira plus lou rossignol gentyeu,
Lous buols al pastourgage, e las blankas fedettas
Sent'ran lous agulhons de las mortals sagettas,
Lous crestas d'Arles fiers, renards e loups espars,
Kabrols, cervys, chamous, senglars de toutas pars,
Lous ours hardys e forts, seran poudra, e arena,
Lou Daulphin en la mar, lou ton e la balena,
Monstres impetuous, ryaumes e comtas,
Lous princes e lous reys seran per mort domtas.
E nota ben eysso kascun : la terra granda,
(Ou l'Escritura ment) lou firmament que branda,
Prendra autra figura. Ensins tout périra
Fors que l'amour de Dieu que toujour durara.
Parvenu en aage, s'adonna aux lois et devint un grand jurisconsulte. Adesmar, evesque de Marseille, le constitua juge en toutes ses terres et seigneuries, ayant ouy parler de luy qu'estoit homme de bien, juste et équitable. Quelques années a-[P. 222]-pres se retira en Avignon, s'adonnant aux choses divines, du savoir duquel chacun demeuroit en admiration. Avoit grande entrée et crédit, avec ces dicts papes Clément et Innocent. Eust l'entendement eslevé si haut pour son beau escrire qu'on ne sepouvoit saouler de lire ses œuvres; et bien qu'Avignon fut de ce temps une ville belle et triomphante, pour raison des souverains pontifes qui y residoyent, toutes fois le bruict et renommée de ce fameux personnage y attiroit les hommes doctes, plustost pour le voir et ouyr, que pour y voir la braveté de ceste cour romaine. Estant parvenu en vieillesse vesquit tousjours en vie celibe et chaste, hayssant Testât de mariage. Tout l'or et l'argent qu'il gaignoit auprès de ces papes, et pour les œuvres qu'il faisoit et composoit tant enloix qu'en la Saincte Escripture, l'employa à l'édification d'un beau et sumptueux hospital qu'il fist bastir en Avignon pour les pauvres de Jésus Christ, sous le tiltre de son nom, qu'il dota richement. Le Monge des Isles d'Or dict que B. Rascas estoit de la ville mesme dudict Clément, duquel
temps il fleurissoit, et que par son moyen et faveur estoit parvenu en bruict, et luy faisoit valoir ses œuvres, comme aussi fistledict [P. 223] Innocent. Trespassa en Avignon l'an 1353. Le Monge de Montmajour a oublié ce poëte : car il n'en dit mot.
[F» 13 v°] BERNARD RASGAS. 236 *
Bernard Rascas, gentilhomme de L)rmoges, selon aulcuns chevalier d'Avignon, fut bon poëte en langue vulgaire provensalle. Fut amoureux en sa jeunesse d'une noble dame d'Avignon, de la maison des Astouauds, nommée Constance, s'adonna à romancer en notre langue provensalle tant en rithme qu'en prose, et ne se treuve qu'une seule chanson des siennes. Layssant ceste vie amoreuse, comme sage et prudent, s'adonna aux choses divines, du sçavoir duquel chacun demouroit en admiration, car il eust l'entendement eslevé si hault pour son beau escrire, qu'on ne se pouvoit saouler [de] lire ses œuvres. Et bien qu'Avignon fut de son temps ville belle et triomphante, pour r'ayson des souverains pontifes qui y residoyent, toutefoys le bruict de ce poëte y attira plustost les homes de lettres pour le veoir et ouyr que non pour y veoir la braveté de ceste cour romayne. Estant parvenu en sa vieillesse, ne se voulut point marier, mais l'argent qu'il gaigna de ses œuvres tant en langue vulgaire que latine, il l'employa à bastir ung hospital, soubs le tiltre de son nom Bernard, qu'il dota richement. Le Monge des Ysles d'Or, en son Cathalogue, dict qu'il estoit du pays de Clément pape VI , duquel temps il florissoit, et l'avoit mys en congnoissance, et feist valoir ses œuvres ; ce neantmoings que ce Bernard, allégué par Pétrarque en son Triomphe d'amour, est ce Bernard Rascas „
A faict quelques dialogues spirituels.
