P. 224] DE ARNAUD DE COUTIGNAG
Arnaud de Coutignac fut pauvre gentilhomme de Provence, s'adonna long temps à la poésie provensalle, pour raison de
i En marge : 1353.
laquelle eust entrée aveques les grands du pays, commençant d'entrer en crédit avec eux, les entretenoit sagement en grand amour, car il avoitceste providence en luy, qu'ils nefaisoyent ne entreprenoyent rien sans le luy faire entendre. Tout ce qu'il faisoit succedoit à bonne fin, tellement que Louys et Jehanne, roys de Naples et de Sicille, comtes de Provence, luy baillèrent commission avec Gruygues Flote, vicaire de la comté de Vintimille, contraindre les Tendiens,qui de ce temps s'estoyent révoltez, à leur prester hommage, et s'en acqnita si bien qu'il les réduit au devoir, dont il en acquit un grand bruict. Et en recompense de ce lesdits roy et royne luy inféodèrent ce qu'ils avoyent audict lieu de Coutignac, ainsi que le Monge des Mes d'Or l'a mis par escript [P. 235], disant neantmoins qu'il escrivoit doctement et gravement en nostre langue vulguere provensalle (il entend en rithme). Fut amoureux d'une dame de la maison d'Agoult, fille du sieur d'Entravenes, nommée Ysnarde, à la louange de laquelle fist maintes bonnes chansons, et ne pouvant avoir aucune parolie d'elle, fut chercher divers pays par le monde, ainsi qu'il le demonstre par ses oeuvres ; ne fut jamais sans travail pour oublier sa dame, laquelle se paissoit de ses douleurs, ce luy sembloit. Se trouvant au pays de Levant trouva un savant Juif magicien, et plein d'astrologie, luy présageant que par son savoir gaigneroit douceur et humilité, et que de luy descendroyent de personnes toutes illustres et invincibles, les vies desquels resplendiroyent par toute la Provence. Sainct Cezari nomme cest Arnaud, G-uilhen, et qu'il fut long temps au service de la dicte royne Jehanne, et qu'il deceda à la guerre qu'estoit entre les Tendiens et Vintimilliens, qui fut en l'an 1354. Dict en outre qu'au voyage de Levant il composa un traicté intitulé Las suffrensas d'Amours, qu'il adressa à Ysnarde. Le Monge de Montmajour ne faict nulle mention de ce poète.
[F0 22 v°] ARNAUD DE COTIGNAC OU DE TENTIGNAC
Fut ung home qui s'adonna longtemps à la poésie, pour rayson de laquelle il eut entrée avec les grands seigneurs de ce temps : mais il
les entretenoît secrètement en divorce par ses démences * et cautheles, et après avoir gaigné une grande somme d'argent de sa poésie, car il escripvoit gravement et rarement, il achepta un canton de la seigneurie de Coutignac d'ung des seigneurs du lieu, qui se delectoit en la poésie, nommé Nobles de Rez ou de Riez 2 et n'eut autre payement que ung livre qu'il feist intitulé: Les moyens pour se garder contre les traîtres amoureux ; et le Monge de Montaudon, sachant cela, les coucha tous deux en sa chanson contre les poètes provensaulx, disant que l'achepteurfîn et cautheleux a deceu le vendeurpour des rithmes vulgaires qui ne valent plus hault que de inic. livres melgoriennes.
