P. 226] DU MONGE DE MONTMAJOUR

FLEAU DES POETES

Le Monge de Montmajour fut religieux du monastère de Montmajour près d'Arles: sortit dudit monastère le mesme an qu'il y entra, contre la volonté de ses parens et de son supérieur, et se mist à la suyte des grands seigneurs, tant de Languedoc que de Provence, avec lesquels y fut le bien-venu et estimé, et mesme entre ceux qui prenoyent plaisir à la poésie : car il estoit un fort bon poëte, mesmement à mesdire et à escrire satyriquement ; croissant en aage et en crédit, eust bien la hardiesse ou plustost improbité d'escrire contre les poètes provensaux, tant contre ceux qu'avoyent escript beaucoup d'années devant luy, que contre ses contemporeins, qu'il estimoit tous bien [P. 227] peu ; et pour n'estre noté de mesdisance, sachant bien qu'il en mesdisoit à tort, ilfistun chant auquel il bailla à chacun des poètes son quolibet, et en la coupple flnalle d'icelle, parlant contre soy mesme, dict qu'il est un faux Monge, qui a laissé de servir Dieu pour suyvre la pance et Testât de volupté et gourmandise, et qu'en sa vie ne chanta jamais rien qui vallust. Cecy a escript le Monge des

1 Sic. Lis. dénonces?

2 En marge: Neble de Riez.

Isles d'Or, et Sainct Cezary dict qu'en plusieurs de ses chansons a usé de fort belles comparaisons et figures, et tous deux s'accordent en cecy, disans qu'il estoit un souverain poëte et qu'il a tousjours observé en sa chanson qu'il a mesdit et s'est moqué des souverains poëtes par feincte, et loiioit grandement ceux qui se disoyent poëtes et n'estoyent que d'ignorans; et disent encore qu'il a escript les vies de quelques tyrans qui regnoyent de son temps en Provence, lequel traicté luy coustala vie, non qu'il l'eust mis en lumière, mais ils en avoyent veu quelques coppies ; ne l'un ne l'autre ne font aucune mention de quelle maison il estoit, et qu'ils n'eussent pas voulu estre de son temps, pour n'avoir esté compris en sa chanson satyrique, et l'ont nommé Lou flagel dels Trobadours, et dient encore qu'il a mérité une louange [P. 228] immortelle, d'avoir reprimé les abus, audaces et insolences d'aucuns poëtes, qu'il a nommez poetastres. Deceda en l'année 1355. J'ayveu en ungdes fragments de Sainct Cezari, auquel il faict mention que ce moyne deMontmajouravoit faict une description des anciens sepulchres qui sont au cymetiere de Sainct Honnoré d'Arles, et avoit marqué ceux qu'estoyent des roys d'Arles et personnes plus illustres en marbre de Carraria, tant loué et approuvé des souverains et anciens auteurs et sculpteurs. Dom Hyllere en ses fragmensdict qu'après la mort de ce Monge, Raphaël, religieux du dict monastère, bon poëte provensal, luy avoit rapporté que toutes les personnes doctes de ce temps luy donnèrent de beaux vers dessus sa tombe ; entre autres un poète d'Arles nommé Rernond Romyeu, avoit faict un chant funèbre en provensal, que tant qu'en la Grau paistroient les brebis et les guarrigues ver: doyeroyent et les beufs braux seroyent fiers et sauvages, et le Rosne baigneroitles murailles de la cité, on feroit mention de ce monge, que le tamarys sueroit plustost le miel doux et délicieux que son nom fut pery.

[Fo 20 vc] LE MONGE DE MONTAUDON