P. 258] EPI GRAMME

Amy lecteur, le pais de Provence

Autant qu'en fruits fertile en bons esprits, Quand maints seigneurs cherissoyent la science, A foisonné des excellens escrits,

Ou à bon droit les vices blasonnez,

Et beaux discours de l'aigre-doux Amour Estoyent chantez par sons et par sonnets, Aussi de Mars mainte alarme et maint tour.

Le temps, helas, nous a presques fauché Tout tant d'exquise et docte poésie, Qu'en provençal escrite avoit esté, Langue jadis de plusieurs gens suyvie.

Ce nonobstant du peu qui est resté, Si juger veux sans nulle passion Apres Pétrarque, et à la vérité, Tu cognoistras par l'ongle le Lion.