I. — MANUSCRITS DE CARPENTRAS

Les dix articles ci-après des manuscrits de Carpentras n'ont pas de correspondants dans les Vies imprimées.

[F0 23 r°] DE FOLQUET DE ROMANS. 183.

Cestuy es toit de Romans, ainsi que luy mesmes le dict en la fin d'une sienne chanson:

Caason qui voldria dire Qu'yeu no soy de Romans VolJy souffrir martire E la mort de mas mans.

Le Monge desYsles d'Or et St Cezaiï dyent qu'il estoit dudictlieu ; fut poëte lirique, estoit joyeulx et plaisant. 11 adresse ses chansons à Frideric empereur ; a faict une chanson du pouvoir d'Amour, que Pétrarque a imité.

[F0 25 v°] DE GUIL.HEM DE LA TOURRE. 192.

Estoit gentilhomme de Provence, a faict troys chansons adressées à Beatrix.

[Fo 27 v0] HELYAS CAYREL. 65.

Helias Cayrel estoit gentilhomme de Provence et poëte ; fut amoureux d'Ysabelle, femme du marquis de Montferrat, à laquelle il adressa ses chansons en langue provensalle, dont il estoit bon maistre. Pour n'estre vigillant à la poursuite de ses amours, il perdit l'amytié de la dite marquise, ainsi qu'il le monstre en une de ses chansons, en la-

quelle ildict qu'amour ne loge jamais dans l'ame descoards et paresseux ; mais on cuyde que pour renouer l'affection qu'il portoit à la marquise, il avoit publié ladite chanson. En une autre chanson qu'il a fâicte en forme de dyalogue,luy et Amor entreparlant, il dict à Amor que si Amor ne la vainc, qu'est-ce qu'il fera? Amor luy conseille d'attendre et de la prier souvent, et qu'en ce faysant, il la vaincra.

[F° 28 r°] D'AYMERIC DE ROCHAFIXA. 77.

Aymeric de Rochafixa estoit seigneur du lieu mesme, jeune et beau de sa personne, estoit amoureux de dame pour laquelle il

chanta plusieurs chansons, en l'une desquelles il compare sa condition au pescheur que quand il a pris le poysson, il est contrainct le porter à son seigneur. Ainsi faict-il, que quand il a faict ung chant, il l'envoyé à sa dame pour le corriger, ou luy mander s'il luy est agréable. Semblable comparaison faict le fol veneur qui veut prendre l'austour avec la perdrix, ainsi est de luy, qu'il cuyde mériter l'amour de sa dame par rithmes et versets, et elle n'en tient compte, aymant mieulx ung habondeur de mensonge qu'un loyal et fidèle amy qui l'ayme fidèlement et sans tromperie. Fiuallement voyant qu'il ne pouvoit estre prisé ne bien venu d'elle, changea de propos et avec telle fureur se print à descrier les maulvaises conditions de sa dame qu'ayant elle leu les chansons qu'il faysoit contre elle, elle fut contraincte se rendre amoureuse de luy, et luy n'en faysant aulcune estime, mourut de douleur, et s'abandonna à ung paoure compagnon qui la layssa.

[F0 29 ro] DE CHERCHEMONT. 140.

Fut gentilhomme du Poytou qui a escript en langue provensalle. Estoit ung vraymesdisant des maris, qu'est la cause qu'il ne se voulut marier que en sa vieillesse ; finallement il y parvint et en print une qu'il congnoissoit, bien qu'il fut contre, ainsi que lui mesme l'a dict en une de ses chansons. Fut amoureux d'une damoizelle de son pays nommée qu'il poursuyvit un long temps, mays les mes-

disants jouèrent si bien leur rôle qu'ils l'en deschasserent pour quelque temps. Finallement par le moyen de quelques chansons qu'il luy envoya contre les mesdisants, luy faisant entendre leurs faulces im-

postures, [esquelles elle priât un tel plaisir qu'il rentra plus fort en son amour que devant.] Il a blasmé quelques poëtes de son temps, disant que ces trouveurs et poëtes placés entre mentiret dire la vérité mesdisent des dames mariées et des hommes non mariés, par rayson de quoy leurs marys en sont en grand jalousie, parce qu'elles veulent tout ouyr etescouter.

[Fo 29 vo] DE BERTRAND DE BORN. 142*.

Estoit du temps de Philippe Auguste, roy de France, qu'estoit en l'an 1185 ; a escript des guerres qu'estoient au pays de Poyctou, Anguulmoys, Lymosin, Normandie et autres pays contre l'Angloys, qu'il adresse à Beatrix .

[F» 31 v°] DE JAUSSERAND DE St DESDIER. 208.

Estoit seigneur de St Desdier ; a faict une chanson adressante à la comtesse.

[po 32 r°] DAUDE DE PRADAS. 229.

A faict plusieurs chansons spirituelles.

[Fo 33 v°] REFORSAT DE TRECTS ou DE FORCALQUIER.

Estoit gentilhomme de Provence ; a faict un sirventes contre

[Add. 11 fol. 122 r°] DASPOTJL, POETE PROVENSAL.2.

De la mort de S. Loys, roy de France.

Daspoul, poète provensal de ce temps, se recentant de la mort de ce Sainct Loys, roy de France, entre autres chantz qu'il a faict en lan-

1 En marge : 1185.

2 Ce titre est à la marge dans le ms., ainsi que la ligne suivante.

gue provensalle, en a faict ung funèbre de la mort dud. S. Loys roy, qui se treuve dans mon chansonere vieulx, quej'ay transduict ainsi, qu'il adresse à Philip, roy de France, fils de sainct Loys, pour le fere ouyr à Posquieres et à Vaulvert:

« Ce m'est une grande fascherie et tristesse de chanter avec joye, actendu la douleur tant grande qui nous est survenue par la mort du roy de France, et par ainsi je chanteray sans joye, puisque Dieu le veult ainsi, car chacun s'estoit adonné à le servir, et le dommage est beaucoup plus grand que la douleur pour rayson de sa mort 0 Dieu quel dommage c'est! — Le Roy est mort, mais je ne puis reciter la perte qu'en receoit la Chrestienté, car nous vivons ores sans gouverneur, puisque Dieu le veult, et me desplaist moult de ce que je ne le puis suyvre. 0 Dieu, quel dommage c'est ! — 0 saincte mère Eglise, la mort ne vous pouvoit oster, en ce monde, ung plus loyal serviteur, et Dieu vous avoit faict tant de bien de le vous donner. 0 Dieu, qu'avez envoyé en ce monde vostre cher fils pour estre crucifié, vous plaise d'oyr mes prières, et de pardonner au Roy ses péchez, puysque nous avons perdu tout bien. 0 Dieu quel dommage c'est! — Ma langue ne peut retrere ne le mal, ne le dommage qui nous est advenu, de ce que la mort apris celuy qu'estoit le meileur de ce monde, qu'est le bon roy [V°] Loys, car s'il fut en vie, tous les Sarrazins superbes seroient mys à mort, et leureust faict habandonner leurs terres et renyer leur Mahomet. — Franc roy Philippes, nuise doibt retirer de bien fere, et si vous ressemblez à Loys vostre père, vous ne presterez jamais l'oreilhe aux traistres, ne aux langagers et flateurs. Il estoit bon roy et droicturier, gardez-vous donc de recepvoir aulcung faulx conseiller, soubstenez la cause des paoures,et vous serez comme lui. 0 Dieu, quelle perte avons-nous fait ! — 0 Dieu qui vinstes en ce monde pour prendre chair humayne au ventre virginal, vous plaise mectre l'ame de ce bon roy auprès de vous. 0 Dieu, quelle est notre perte ! — Je feray ouyr ceste myenne plaincte à Posquieres, car il fera louer Jesus-Christ à Vaulvert1. 0 Dieu veulhez pardonner les offances à ce bon roy de France qu'est mort ; mais quelle perte avons-nous faict à sa mort ! »

Ce Daspoul a faict ung autre chant adressant au roy d'Arragon, père et fils, cousins de sainct Loys, faignant par icelluy avoir esté en paradis parlant à Dieu le père de Testât de l'Eglise, entreparlant Dieu et luy, qu'est en mon chansonere, ainsi transduict :

Fiction poétique en forme de dyalogue d'entre Daspoul et Dieu 2.

1 En marge: Posquieres et Vaulvert.

2 Ceci est en marge dans le ms.

« Seigneur qu'avez savoir et sens, escoutez ce qu'il m'advint l'autre nuict en dormant. Il m'estoit advis que j'estoys au ciel, où Dieu tenant son parlement, j'oyoys maints propos et les clameur* de la Chrestienté de ce qu'on ne poursuict le recouvrement de la Terre Saincte qu'il n'yharoy, duc, ne comte, ni le pape qu'en tiegne aulcung compte. Je remonstray à Dieu l'orgueilh des meschants qui ne croyent en luy, qui possèdent tout l'or et l'argent de ce monde, dont les paoures chrestiens en sont en grand faulte. Il me sembloit advis que Dieu respondant me disoit : Daspoul tu es fort contrere aux gens d'Eglise. Ils se peuvent asseurer que je leur manderay mon fléau, qui le sentiront, et feray que leurs plus grands princes perdront leur auctorité et juridiction, et en demeureront honteux et confus, tellement qu'en enfer sera leur continuelle résidence. — 0 Dieu ! (dy-je) il apert bien que vous estes hault et puyssant! Vous voyez bien que nous [Fo 123 ro] combatons pour soubtenir vostre foy, et que ceste gent sarrazine ne laysse chasteau, forteresse, ne bastiment àruyner et mètre sen dessus dessoubs. Ceste chanson a duré si longtemps que nous sommes las. — Asseure toy, Daspoul, (disoit Dieu) que si les princes et grands seigneurs m'aymoyent avec vraye charité, ils auroient assez bonne voulonté fere le passage d'oultremer, mais ils ne s'en soucyent. — 0 Seigneur Dieu (dy-je) il seroitbien meilleur que vous donnayssiez courage et ferme voulante a ceste gent payenne de se convertir à vostre foy, sans mètre tant de peuple à mort.— Daspoul (disoit Dieu) les temples et hospitaulx ont esté fondés pour la saincteté des ordres et pour la nourriture des paoures, et au lieu de fere bien, ils font beaucoup de maulx, s'endormants en leurs mechancetez, car je les voy tous plains d'orgueilh et d'avarice, mays je les domteray tellement que les plus hardiz d'eulx seront bien estonnez. — Beau Seigneur, (dy-je) vous sçavezbien que tous sont desloyaulx et pervers, pourquoy donc les layssez vous reigner en leur ordures et villenyes? à l'exemple desquels le monde se perd par trop grande convoytise. Donneznous, je vous prie, tant de biens que nous puissions estre tous esgaulx. — Puys je m'esveilhay. — Or veuilhe Dieu par sa grâce que le pape, les cardinaulx, les roys et les prélats et grands seigneurs soyent tous de bon acord. Et vous, roy d'Arragon, je dy au père et au fils, qu'estes preux et vailhans, je vous prie que vous conduysiez à bonne et heureuse fin vostre saincte entreprinse. »