I. Miswak i!l

prison du dessusdict palais En le palais de ladicte cité avoit une des trois femmes du Souldan laquelle avoit en sa compaignie douze ou treize tresbelles damoyselles et avoit la couleur plustost noire que autrement, laquelle me feist bon service.

Car estant moy, mon compaignon et ung autre More tous trois prisonnyers, nous nous deliberasmes entre nous de faire semblant que l'ung de nous fust fol pour myeulx secourir l'ung l'autre. Ainsi nous devisasmes à qui le seroit de nous trois, tant que le sort tomba sur moy que je devois estre fol. Et quant je entreprins de faire le fol, il me convenoit faire choses appartenantes à ung fol. Et pour les trois premiers jours que je feiz le fol, je ne me trouvay oncques si treslas et travaillé. La cause estoit car j'avois ordinairement cinquante ou soixante petitz enffantz qui ruyoient des pierres après moy et me lapidoyent et je les lapidoys aussi. Ils me disoient: liaiiiiiasioii, la niiaianun \ c'est à dire ce fol» et j'avoys ordinairement mon giron plein de pierres et faisoys tout ainsi que ung fol. La royne estoit ordinairement à la fenestre avecq ses damoyselles depuis le matin jusques au soir pour moy regarder et parler avecq moy et voyant que j'estoys ainsi mocqué, je ostoys ma chemise et m'en alloys tout nud devant ladicte royne. Je veoys bien qu'elle prenoit plaisir quand elle me veoyt et ne vouloit point que je la