I . la medjnoun, la medjnoun \, \> " ô le fou ! ô le fou

habandonasse et me donnoit de tresbonne viande à mangier, en sorte que je faisoys bonne chiere et me disoit : « Frappe ceulx qui te feront mal et si tu les tue, ce ne sera bien dommaige. » Il alloit ung mouton par la court que sa queue pesoit bien quarente libres. Je le prins et luy demanday s'il estoit more ou chrétien ou juif. Ledict mouton ne respondoit riens. Je luy diz beaucop de foys : « Fais toy more et dis : Lcila il ala Mahomet Resiil ala ; » il ne voulut oncques dire mot. Je prins ung baston et luy rompis les quatre jambes et la royne s'en ryoit et m'en donna, trois jours après, tous les jours à manger. C'estoit la chair la meilleure que je mangiez oncques. De là à trois jours, je luy tuay ung asne, lequel portoit l'eaue au palais, tant aussi bien que je feiz du mouton, pour ce qu'il ne se vouloit faire more. J'en feiz quasi en ceste sorte à ung juif, en sorte que je le laissay quasi comme mort. Ung autre jour, je vouloys faire ainsi que j'avoys accoustumé. Je me prins à ung de ceulx qui me gardoient, lequel estoit plus fol que moy. lime appella: chien crestien, filz de chien. Je luy donnay un coup de pierre et il se retourna devers moy avecq les petitz enffantz et me donna d'une pierre à la poictryne et me blessa bien fort et voyant que je ne le povoys suyvre à cause des fers que j'avoys aux piedz, je prins le chemin de la prison. Mais devant que je arrivasse à ladicte prison, il me donna ung autre grand coup de pierre au cousté qui me greva beaucop plus que le premier.

Je les eusse bien fuy se j'eusse vouUu, mais pour vouloir monstrer que j'estoys vray fol, je les receuz. Et incontinent que j'eus gaigné l'huys de la prison, je me enfermay en sorte qu'on n'avoit garde d'y entrer et je fuz deux jours et deux nuyts sans manger et sans boyre : en sorte que la royne et tous les autres pensoient que je fusse mort. Elle me fîst rompre la porte, et ces mastins me apportoient des pierres de marbre et me disoient : « Tiens, mange de ce sucre.» Aulcuns autres me bailloient des grains de raisins pleins de terre et disoyent que c'estoit sel, et je mangeoys et le marbre et les raisins tout ensemble. Ces mesmes jours là, aulcuns marchans de la cité feirent venir deux hom.mes qu'ilz misdrent auprez de nous.Cestoient hermites qui se tenoyent en certaines montaignes là auprès. On me monstra à eulx pour sçavoir leur adviz se je estoys sainct ou fol. L'ung d'eulxdisoit : Il me semble qu'il est sainct, et l'autre disoit : Il me semble qu'il est fol. Estant en cest estât bien l'espace d'une heure, pour les faire partir, je gaignay Thuys de la maison, je levay ma chemise et je pissay sur tous deux. Ils s'en fuyrent crj^ant : Migcmim suffi maffis \ c'est à dire : « Il est fol, il est toi et n'est point sainct. » La ro^ne estoit à sa fenestre avecq ses damoyselles qui commencèrent toutes à rire en disant : OgaJa ovaT^ahiahy adc ragd ma fehc donia