I . Le sésame, voir la note i de la page

Cbappitre des médecins qui vont visiter les malades.

Quant il y a aulcun marchant ou gentil qui soit en extrémité de maladie, ilz vont avecq les dessusdictz instrumentz et les hommes habillez en dyables visiter les mallades et vont à deux ou trois heures de nuyt. Et les dessusdictz habillez en dyables portent du feu à la bouche et aux deux mains, et sont montez sur des eschasses de trois piedz de hault et vont en ceste sorte, cryant et jouant desdictz instrumentz, et quant un homme ne sentiroit aulcun mal, il trembleroit de paour de veoir ung si hideux mesnaige. Et velâ les médecins qui vont visiter les mallades ; neantmoins, quant ilz se sentiront l'estomac trop chargé, ilz prendront trois racines de gingembre et les destremperont et feront boyre ung vairre dudict breuvaige et dedans trois jours, ilz seront gueryz. Quoiqu'il en soyt, ilz vivent ainsi que bestes.

Cbappitre des bancquiers et cbangeurs.

Les changeurs ont une manière de balances lesquelles sont si petites que la boette où ilz tiennent le poidz ne poise point demy once, et sont si tresjustes que ung cheveul de la teste la fera aller ou d'ung cousté ou de l'autre. Et quant ilz veuUent toucher aulcune pièce d'or, ilz ont les caratz tout

ainsi que nous et pareillement le parangon et touchent comme nous. Et quant le parangon est plain d'or, ilz ont une pelle composée de aulcune mixtion, laquelle est faicte en manière de cire qu'ilz empregnent. Elle lieve dudict parangon; lors ilz regardent sur ladicte pelle la bonté de l'or et diront : Idu manu, Idu aiga, cestuy est bon, cestuy est maulvais, et quant ladicte pelle est chargée d'or, ilz la fondent et tirent l'or qu'ilz auront touche au parangon.

Lesditz changeurs sont tressubtilz à leur mestier et les marchans ont ceste coustume que quant ilz veuUent vendre ou achepter leurs marchandises, mesmement en gros, ilz passent tous leurs marchez parles mains des courretiers. Et quant le vendeur et l'achepteur se veullent mectre d'accord, ilz seront tous assemblez et le courretier prend ung drappeau ainsi que une souyette et la tient à sa main et avecq l'autre main, il prendra la main droicte du vendeur, c'est-à-dire les deux doids prés du poulce, et couvre avec ladicte souyette la main du vendeur et la sienne et touche avecq lesdictz deux doids en sorte que le vendeur l'entendra de ung jusques à cent mille et se coellent sans parler, en touchant les joinctes des doids ilz s'entendent du pris et dira le marchant 05^ ou nennil, et le courretier luy respondra aussi de si ou de non, sans parler autrement. Et quant le courretier a sçeu la voulenté du vendeur, il s'en va à l'achepteur avecq ladicte souyette et prendra sa main ainsi qu'il a faict au vendeur et luy donne entendre

en touchant lesditz doidz, ainsi que dit est, la voulenté du vendeur. Lors ledict acheptcur en toucliant, donne à entendre au courretier : J'en bailleray tant. Et, en ceste sorte, ilz feront leurs marchez. Et si ce sont espiceries, ilz parlent à bahar. Ung bahar est trois quintaulx des nostres qui vaillent trois cens livres. Et si ce sont draps, ilz parlent à curia et ung curia s'entend de vingt. Et si ce sont joyaulx, ilz parlent pareillement à curia ; ilz parlent à farasola. Une farasola poise vrayment, environ vingt cinq livres des nostres.

Chappitre comment les PoHares et les Hiraves nourrissent leurs enffant^.

Les femmes nourrissent leurs enfFantz de mamelle environ trois moys ; et après, elles les nourrissent de laict de vache et de chievre. Et au matin, après qu'elles leur auront empli le corps, sans les laver ny nettoyer le visaige ny le corps, elles les mectent dedans le sable, bien couvertz dudict sablon et les layssent là depuys le matin jusques au soir, à cause qu'ilz sont noirs de couleur : en les regardant, on ne sçauroit dire s'ilz sont buffles ou ours. Hz semblent bien une chose contrefaicte et semble que le dyable les nourrisse. Et quant se vient au soir, la mere leur donne à manger. Ceste manière de gens sont les plus habiles coureux et saulteux qui soient au monde.

Chappitre des bestes et oyseauJx.

L'on trouve à ladicte province grand quantité de bestes et de oyseaulx, des lyons, des sangliers, des cerfz, biches, chevreulz, loups, vaches, buffles et elephantz, mais ilz ne naissent pas audict lieu. Il y a grant quantité de panz saulvaiges et papegaulx verdz. 11 y en a qui sont tachetez de rouge, et en si grand habondance que les gens dudict pays sont contrainctz de garder leur ris aux champs pour l'amour des dessusdictz oyseaulx. Ils coustent environ ung liard la pièce et chantent tresbien'. Il y a encores une autre sorte d'oyseaulx lesquelz s'appellent saru ' et chantent beaucoup myeulx et plus doulcement que

1. Le p. Vicenzo Maria di S. Caterina da Siena a donné, dès 1683, une nomenclature des mammifères, oiseaux et reptiles de l'Inde. Cf. Viaggio àlï Indie orientàli, pages 396-438.

2. Le mot sarou ou sarika est donné, dans le dictionnaire hindoustani de M. Shakspeare, comme désignant le gracula religiosa, qui me parait être l'oiseau appelé parles Portugais el dominicano, et dont le P. Vicenzo Maria fait la description suivante : « Les Portugais donnent le nom de dominicano à un oiseau à cause de la disposition de ses plumes blanches et noires. Tout son corps est couvert de plumes d'une entière blancheur : la moitié de sa tête est couverte de plumes noires qui, couvrant l'occiput et se réunissant sous la gorge, semblent former un capuchon, et, par leur mélange avec les plumes blanches, donnent une ressemblance avec l'habit des dominicains. Cet oiseau n'est pas plus grand qu'un merle, il a les pattes jaunes et grêles, le bec droit, de médiocre grandeur et couleur de chair. Son chant est extrêmement agréable et bien plus beau, à mon sens, que celui de notre passereau solitaire. Les sons en sont beaucoup plus doux, les modulations plus suaves et, si je l'avais vu en cage, je n'aurais point douté qu'il n'eût été instruit par les Indiens. » Viaggio, page 431.

les papegaulx, mais ilz sont plus petitz. Audict lieu, il y a beaucop de sortes d'oyseaulx d'autres sortes que ne sont les nostres. Et veulx bien dire qu'il n'y a au monde si grand plaisir ni mélodie, que de ovr lesdictz oyseaulx chanter une heure au malin et une heure au soir, car il semble d'estre en ung paradis à cause de la grant multitude des arbres qui sont toujours verds, car on n'y cognoist point de froid et bien peu de challeur excessive. Il y a grant quantité de singes de toutes sortes, lesquelz font tresgrand dommaige aux pauvres gens du pays qui font le vin, ainsi que avons dict, car ilz montent sur l'arbre qui porte les noix et boyvent la liqueur de quoy nous avons parlé et après, ilz renversent le pot.

Chappitre des serpent^ qui se trouvent en Calicut.

Il y a à ladicte province des serpentz qui sont aussi gros que ung gros pourceau, et ont la teste beaucop plus grande que n'a ung bien gros pourceau. Hz ont quatre piedz et sont de longueur de quatre brasses et naissent dedans des maretz. Ceulx du pays disent qu'ilz ne portent point de venin, mais ilz font beaucop de mal aux gens à force de leurs dentz. Il y a trois autres manières de serpentz lesquelz s'ils touchent tant soit peu la personne, si elle est picquée jusques au sang, soubdain elle cherra morte à terre. Et cecy je l'ay veu beaucop de foys à mon

temps. Et la première sorte desdictz serpentz sont ainsi que aspicqz qui sont sourds. Et les deux autres sortes sont si venimeuses que, en picquant ung homme jusques au sang, ilz le feront mourir. Desquelz serpentz il y en a grant quantité ; et saichez que si le Roy de Calicut peut sçavoir en quel lieu se trouvent lesdictz serpentz, il leur fera faire s'ilz sont auprès des eaues à ce que lesdictz serpentz se puissent esbaloyer et s'il y eut quelqu'un si hardy qui en eust faict mourir ung, s'il avoit mille vies, il n'en saulveroit pas une, que incontinent il ne le feist mourir. Car ilz disent que lesdictz serpentz sont esperitz de Dieu et que s'ilz n'estoycnt esperitz de Dieu, que Dieu ne leur auroit point donné telle vertu que en mordant seullement ung homme, incontinent il tumbc mort à terre; et s'il y avoit aucun qui eust semblablement tué une vache, il luy en feroit autant. Il fauldroit qu'il mourust à ceste cause. Il y a si grant quantité de serpentz que c'est une chose merveiheuse. Et lesdictz serpentz congnoissent les gans, lesquelz ne se gardent point d'eulx. Et quant lesdictes gens vont en voyaige et qu'ilz rencontrent ung desdictz serpentz, ilz disent que c'est bonne rencontre. Et j'ay veu à mon temps, que ung desdictz serpentz entra à la maison d'ung More et mordit neuf personnes, lesquelles on trouva le matin toutes mortes et enfleez.

Chappitre des lumicrcs de Calicut.

A la maison du Roy à Calicut il y a plusieurs logis, lesquelz incontinent que le soir est venu, ilz ont dix ou douze vaisseaulx faictz en sorte d'une fontaine, lesquelz sont de cuyvre fourgé et sont aussi haultz que une personne, et chascun des vaisseaulx a trois séparations pour tenir huylle et est ledict vaisseaul hault de terre environ ung pied et le premier lieu là où ilz mectent l'huylle et les lumignons de coutton qui bruslent est au bas, et au mvllieu dudict vaisseau, il y a ung autre vaisseau plus estroict accoustré pareillement d'huylle et lumignons bruslans. Et au dessus, il y en a encores ung autre plus petit pareillement ardant. Le pied dudict vaisseau est faict en triangle et à chacun desdictz triangles, il y a trois dyables enlevez, espouvantables à veoir. Ce sont les escuyers qui tiennent la lumyere devant le Roy

I . Pyrard de Laval lait de ces lampes une description qui se rapproche de celle de Varthema : « Le Roy sçachant nostre venue, descendit en la salle basse de son palais, à cause de la nuit. Il estoit accompagné de dix ou douze pages noirs qui sont tous gentils hommes avec de grandes lampes d'or ou d'argent doré, pleines d'huile (car ils n'ont point de chandelles, ni de flambeaux, et chasque lampe avoit six moucherons) et des mouchettes grosses comme le doigt, aussi d'or ou d'argent doré et un grand vase de mesme remply d'huile afin que les lampes soient toùjours fournies. Les lampes sont pendues au bout d'une grande barre d'argent doré dont ils fichent le bout en terre, et sont courbez par le haut afin que la lampe n'empesche et ne gaste celuy qui la porte et qu'elle ne se respande pas. » Voyaçe, i" partie, page 259.

Et quant il meurt quelque prouchain parent du Roy et que, au bout de l'an, il a fourny le deuil, il faict convyer les principaulx Bramines qui sont en son royaulme et aux pays circonvoisins et par trois jours entiers, ilz font de grandz bancquetz. Leur viande est ris habillé en plusieurs sortes, force venayson, cerfz, sangliers, car ilz sont grandz veneurs et se occupent beaucop à la chasse. Et au bout de trois jours le Roy donne à chascun trois, quatre, cinq parday et après chascun retourne à sa maison, et tous ceulx de son royaulme font faire leurs barbes en signe de joye.

Chappitre comment le xxv<' jour de Decetnbre, il vient grand peuple à Caliciit pour prendre le Cresme et gaigner les pardons.

Auprès de Calicut, il v a ung temple au myllieu d'ung estang, lequel est faict à l'anticque et a deux rengèes de pilliers. Et au myllieu dudict temple, ily a ung autel de pierre et là ilz font les sacriffîces. Et dedans chascun des deux pilliers en tirant en bas, il y a des petits batteaux de pierre qui sont environ de six piedz. Et sont pleins lesdictz batteaux d'une huylle appelée Enna. Et autour des rives dudict estang, il y a grand quantité de lumyeres qu'il seroit impossible de les compter et pareillement tout autour dudict temple, il y a grande habondance de lampes

ardentes. Et quand le xxv*^ jour dudict moys est venu, tout le peuple de quinze journées prés, c'està-dire les Naeres et les Bramines viennent audict sacriffice et devant qu'ilz facent le sacriffice, ilz se lavent trestous dedans ledict estang. Et après, les principaulx Bramines du Rov montent à chevaulchon sur lesdictz petits batteaux où est ladicte huylle et tout le peuple s'approuche des Bramines, lesquelz oygnent à chascun la teste d'huylle, et cela faict, ilz font le sacriffice à l'ung des boutz dudict autel où il y a ung grand Sathan, lequel ilz vont trestous adorer. Et après, chascun s'en retourne à sa maison. Et durant lesdictz trois jours, il y a partout franchise et ne oseroyt on faire aucune vengeance l'ung envers l'autre. Et notamment, je ne veiz oncques tant de gens ensemble, sinon quand j'estoys à la Mecque Maintenant, je me veulx partir de Calicut et vous veulx raconter de pas en pas ce qui m'est advenu.

I. La plus solennelle de toutes les fêtes, au moins dans le sud de la presqu'île, est celle qui porte le nom de pangol et dans quelques lieux celui de mahasankranty.... Le pangol ou mahasankranty a toujours lieu au solstice d'hiver, époque où le grand astre ayant atteint le terme de sa course vers l'hémisphère austral, se rapproche du nord et revient visiter les peuples de l'Inde. La fête dure trois jours : le premier est appelé hoglyy pangol (pangol de la joie)..., le second jour porte le nom de soiiria pangol (pangol du soleil)..., le troisième jour est le pangol des vaches. L'abbé J.-A. Dubois, ÎSCœurs,vistitutioni et cérémonies des peuples de l'Inde, Paris, 1825, tome II, P^ges 333-337-