I. \'oir la note 5 de la page

Croyez que je fuz bien ayse quant je veis lesdictz navires. Et ung petit plus avant, je veiz une façon d'une petite maison basse où lesdictz Portogalois se mectoyent à terre à besongner à leur affaire. Et fuz desliberé tout à ceste heure là de m'en fuyr, mais je pensay que se je m'en fusse fuy à la présence de mes dictz compaignons qu'il y eust ung grand bruyt à la ville. En sorte que je me deliberay de attendre au jour suyvant.

Chappiire comment je m'en fiii^ de Canonor aux Portogalois.

Le dymenche au matin, je me levay de bonne heure et diz à mes compaignons que je m'en alloys ung petit à l'esbat. Ainsi je m'en allay à l'endroit là où les Portogalois faisoient le chasteau et quant je fuz bien avant, je trouvay deux Crestiens Portogalois et leur demanday : Messeigneurs où est la forteresse des Portogalois. Hz me demandèrent : Estes vous Crestien ? Je diz que oyl. Hz remercièrent Dieu et me demandèrent d'où je venoys. Je leur respondiz de Calicut. Ainsi ilz me menèrent au chasteau, à don Laurens, filzdu Vice Roy, lequel est loing de Canonor demy mille. Et trouvasmes ledict seigneur Don Laurens qui disnoit. Je me agenoillay à ses piedz en me recommandant à sa bonne grâce et que ce feust son plaisir de moi saulver. Il se leva incontinent

ung bruyl à la ville, quant ilz sceurent que je m'en estoys fuy. Ledict cappitaine feist mectre toute l'artillerye en ordre cuydant avoir quelque alarme de ceulx de la ville. Toutesfoys ce ne feust riens. 11 me print par la main et me mena en une salle et me interrogea des choses de Calicut et me tint bien trois jours pour deviser avecq luy. Et je luy contay toutes les nouvelles de l'armée du Roy de Calicut. Et après, il m'envoya avec une galère du Vice Roy son pere à Cuccin, de laquelle estoit cappitaine ung chevalier appellé Jehan Sarano. Et quant je fuz devers le Vice Roy, il me feist grant chiere et grand honneur, car je luy dis des nouvelles de tout ce qui se faisoit en Calicut dont il en fust tresjoyeulx. Et, en oultre, je luy diz que s'il vouloit pardonner à Jehan Marie et Pierre Anthoine, lesquelz font l'artillerye en Calicut oultre leur vouloir, et les asseurer qu'il ne leur fera pas de desplaisir et leur donner ung sauf conduyt, que je les feroys retourner et sans point de faulte. Le Vice Roy en fut tresjoyeulx et me fit bailler le sauf conduyt. Et les cappitaines des navires et nostre vicaire feyrent promesse pour le Vice Roy. Et dedans trois jours, il me renvoya avecq ledict navire ou galère à Canonor et me bailla des lectres qu'il rescripvoit à son filz qu'il me fournist argent tant que je en eusse assez pour payer les espyes pour envoyer en Calicut. Et quant nous fusmes arrivez à Canonor, je trouvay ung Gentil lequel me bailla sa femme et ses enffantz en gaige. Et je l'envoyay avecq lectres

en Calicut à Jehan Marie et Pierre Anthoine par lesquelles je leur mandoys qu'ilz s'en retournassent hardyment, et que le Vice Roy leur avoit pardonné, parquoy ilz pouvoyent seurement venir. Et je leur envoyay plusieurs lectres et leur mandovs qu'ilz laissassent, femmes, enffantz, esclaves et tout leur mesnaige et qu'ilz ne se fiassent pas trop à leurs femmes. A la fin, ilz me mandèrent : « Loys, nous avons baillé tous nos biens à l'espie. Venez vous en une nuyt avecq une galère ou ung brigantin là où vous verrez que seront les pescheurs, car là on n'y faict point de guet et, à l'ayde de Dieu, nous y serons tous deux et tout nostre mesnaige ». Et saichez qu'ilz avoyent un diamant qui poisoit trente deux caratz; il estoit extimé qu'il valloit trente cinq mille ducatz, et deux mille rubis, lesquelz poisoyent un carat et demy la pièce. Hz avoyent soixante et quatre anneaulx d'or garny s de bonnes bagues et avoyent quatorze cens pardays. Hz vouloient saulver sept espingartz, trois singes maimons et trois chatz à faire la cyvetteet laroe pour habiller les joyaulx. En sorte que leur chicheté et misère les feit mourir, car leur esclave qui estoit de Calicut s'apperceut qu'ilz s'en vouloyent fuyr, lequel s'en alla au Roy et luy conta toute ladicte affaire. Et le Roy ne le voulut croire. Et voyant ledict esclave que le Roy ne les vouloit point faire mourir, il s'en alla au Cadi de la foy des Mores et luy dit tout ainsi qu'il avoit dit au Roy et luy dit dadvantaige que le Roy ne faisoit rien à la ville que lesdictz

Crcsticns ne advertissent les Portogalois. Le Cadi more tint conseil avecq les marchans lesquelz amassèrent entre eulx cens ducatz lesquelz ilz portèrent au Roy en luy disant : Seigneur, tu es assez adverty que les années précédantes en faisant nos jeux, nous te avons faict de heaucop plus beaulx presentz que nous ne faisons à ceste heure. La cause est que tu as icy deux Crestiens ennemys de nostre foy et de la vostre, lesquelz advertissent les Portogalois de tout ce qui se faict à "la ville. Nous te prions, prends lesdictz cent ducatz et fais mourir lesdictz deux Crestiens. Et incontinent, le Roy des jeux ' envoya deux cens hommes pour tuer lesdictz deux Crestiens; et ainsi qu'ilz alloyent à la maison des Crestiens, ilz faisoyent grand bruyt, eulx faignant de demander l'aumosne. Les Crestiens s'apperceurent que c'estoit autre chose. Hz commencèrent à eulx defîendre, en sorte que les deux en tuèrent bien six des autres et en blessèrent plus de quarente. A la fin, ilz furent navrez en sorte qu'ilz cheurent tous deux à terre et ilz leur copperent la gorge, et avecq leurs mains ilz beuvyrent leur sang-. La femme dudict Jehan Marie