Chapitre L

N ceste isle de Zubu ont plusieurs villes et chascune leur donna victuailles et tribut. Et auprès de ceste isle de Zubu y en a une qui s'appelle Mattan et le port et la ville se nomment comme l'isle, Mattan. Les principales s'appellent Zula Alapulapu et la ville que nous bruslasmes estoit en ceste isle et se nommoit Bulaia.

CiiAP. LI.

Hz usent d'une cerimonie à la bénédiction du porc. Premièrement, sonnent grandes cimbales, puis portent trois platz grandz, deux avec roses et gasteaux de rifz et de mil cuit, et l'enveloppent en feuilles, et poisson rosti, les autres avec drap de Cambaia et deux bandes de palmes. Le drap de Cambaia se estent sur la terre. Puis viennent deux femmes moult vieilles, chascune à tout une trompe de canne à en la main. Et quant sont montées dessus le drap, font révérence au soleil. Après se

VOYAGE D'ANTHOINE PIGAPHETTA

vestent du drap. Et Tune se met ung bendeau au front avec deux cornes, et puis un bendeau en la main, et avec celle dansant et sonnant, appellent le soleil. L'autre prend une d'icelles bendes, danse et sonne avec la trompe en sautant, et aussi invoque le soleil que prenne d'elle labende, de l'autre la bénévole et laisse le bendeau. Et toutes deux sonnent avec la trompe longue espace, dansant et ballant entour le porc lié. Celle qui a les cornes parle toujours tacitement au soleil et l'autre luy respond. Puis à celle qui a les cornes est présentée une tasse de vin et dansant dict certaines paroUes et l'autre luy respond. Et faisant quatre ou cinq foys semblant de boire, espandent le vin sur le corps du porc, puis soubdainement tournent à danser. A icelle qui a les cornes est donnée une lance, et quatre ou cinq fois faict signe de la vouloir lancer par le corps du porc, puis soubdainement retourne à danser et soubdainement le transperce d'une part à l'autre. Celle qui a tué le porc se met une torche allumée dedens la bouche et la mort, laquelle est toujours alumée en ceste cerimonie. L'autre baigne le col de la trompe dedens le sang du porc et va ensangner auec le doigt premièrement le front de son mary, puis des autres; mais ne vint point aux nostres : puis les deux vieilles se devestent et s'en vont menger les choses qui sont aux platz et ne invitent que femmes. Et pellent le porc avec le feu. Et les chairs de porc ne se consacrent sinon par vieilles et jamais n'en mengeroient s'il n'estoit mort en ceste sorte.

Chap. LIL

Ces peuples vont nudz, portent seulement ung peu de toille sur la partie honteuse. Grandz et petiz ont le membre percé d'une part et d'autre entour la teste d'ung baston d'or gros comme la plume d'une ouoye. Et aussi aucuns une estoille pointue dessus la teste du membre, de cest or. Hz ont tant de

330 APPENDICE

femmes qu'ilz veulent, mais une principale. Si aucun des nostres va en terre, soit de jour ou de nuit, ilz l'invitent à menger et à boire Leurs viandes sont demy cuictes et moult sallées. Boivent souvent et moult avec leurs cannes, des vaisseaux et demeurent cinq ou six heures à leur menger.

Chap. lui.

Quant ung de leurs principaulx est mort, ilz usent de ceste cerimonie. Premièrement toutes les dames principales de la terre viennent à la maison du mort et le mort est au milieu de la maison en une casse. Elles mettent chordes entour en manière d'un lict, es quelles attachent moult de rameaux d'arbre. Et au milieu de chascun rameau est un drap de cotton en guyse de pavillon, sous lequel les dames plus principales se seent, toutes couvertes de drapz blancs de cotton, avec une damoiselle à chascune, qui les esvente avec ung eventoir de palme. Les autres seent tristes entour la chambre. Puis est une autre qui taille peu à peu avec ung couteau les cheveux du mort. Et une autre qui estoit la femme principale gisoit sur luy et joino;noit sa bouche sur la bouche, les mains sur les mains et les piedz sur les piedz d'iceluy. Et quant l'autre trenchoit les cheveux, ceste se plaignoit. Et quant cessoit de les coupper, ceste chantoit. Autour de la chambre estoicnt moult de vaisseaux de porcelaine avec feu, et sur iceluy, mirrhe, sturac, benjouin qui faisoient grandement bien odorer la chambre. Et le tiennent en la maison cinq ou six jours en ceste cerimonie. Cuydent que soyent oinctz de camphre, puis le mettent en sépulture en la mesme casse close avec doux de boys, en ung lieu couvert et environné de bois.

VOYAGE D'ANTHOINE PIGAPHETTA

Chap. LIIII.

Toutes les nuictz en ceste cité envers minuict venoit ung oyseau tresnoir et grand comme ung corbeau et n'estoit point sitost en la maison du mort que ne criast, parquoy tous les chiens hurloient et ne cessoit quatre ou cinq heures de crier et les chiens de hurler. Et jamais ne voulurent dire la raison de ce.

Chap. LV.

Vendredy le xxvi d'apvril, Zula principal de ceste isle de Mattan envoya ung sien filz présenter deux chievres au capitaine et luy dire que à cause de l'autre principal Cilapulapu, ne vouloit obéir au roy d'Espaigne, que en la nuict suyvant, luy envoyast ung bateau seulement plain d'hommes pour luy ayder et le combatre. Le capitaine gênerai se délibéra de y aller avec trois bateaux. Et les autres le prièrent moult que n'y vousist aller ; mais comme bon capitaine ne voulut abandonner les siens. A minuict se partirent lx hommes armez de cuyraces et salades avec le roy chrestien^ le prince et aucuns principaulx vingt ou XXX barques. Et trois heures avant le jour arrivèrent à Mattan. Le capitaine ne voulut combatre à l'heure, mais le capitaine envoya à Cilapulapu, le more demander s'il vouloit obéir au roy de Espagne et reconnoistre le roy chrestien pour son seigneur donner tribut et il seroit amy : si autrement, attendist que luy feroient besoing leurs lances. Responditque ne avoit lances sinon cannes bruslées et pieux bruslez et que ne venissent à l'heure le assaillir, mais attendissent que le jour fust venu pour assembler plus gent. Et disoit ce affin que à l'heure retournassent, car il avoit faict aucuns fossez en sa maison pour les faire tomber dedens. Le jour venu, les nostres saulterent en l'eaue

APPENDICE

jusques à la cuisse, quarante neuf hommes et ainsi allèrent plus de deux jectz d'arbalestre devant que peussent venir au rivaige. Les bateaux ne pouvoient venir plus avant pour certaines pierres qui estoient en l'eaue. Les autres unze demeurèrent pour la garde des bateaux. Quant arrivèrent en terre, ceste gent avoit faict trois cantons de plus de mille et cinquante personnes.

Et soubdainement que entendirent que venoient deux cantons, se mirent aux costez et l'autre au devant. Q.uand le capitaine veit ce, se mist en deux parties et ainsi commencèrent à combattre. Les choppetiers et arbalestiers tiroient de loin quasi demi-heure en vain, seuUement passans leurs targes faictes de aes subtilz que portent aux bras. Le capitaine cria que ne tirassent plus, et ne cessèrent de tirer. Hz crioient deHberez de soy tenir fors. Et quand les choppetes furent déchargées tant plus fort crioient et ne tenoient ferme, mais saultoient de çà et de là, couvers de leurs targes, tirans tant de flesches, lances de canne, pieux poinctus bruslés, pierres et fange au capitaine que à peine se povoit défendre. Quand le capitaine veit ce, envoya aucuns pour brusler les maisons pour les espouventer. Et quand veirent leurs maisons brusler, de tant furent plus cruelz et en tuèrent deux des nostres près des maisons, et xx ou xxx bruslerent. Et vindrent en si grand nombre au dos que percèrent de une saiette venimée la jambe droicte du capitaine; parquoy commanda que on se retira petit à petit, et les consuyvoient et en demoura six ou huyt avec le capitaine. Iceulx ne tiroient sinon à la jambe pour ce que n'estoit point armée. Et avoient tant lances, dartz et pierres que ne leur povoient résister, et l'artillerie des bateaux, pour ce que estoit trop loing, ne les povoit ayder. Et vindrent les nostres soy retirans jusques à la rive, tousiours combatans jusques aux genoulx en l'eaue, et reprindrent leurs mesmes lances quatre ou cinq fois pour nous lancer. Iceulx congnoissoient le capitaine et se viroient tant vers luy que deux foys luy abastirent la salade jus de la teste.

VOYAGE D'ANTHOIXE PIGAPHETTA

Et luy, comme bon chevalier, tint tousiours fort avec aucuns autres, et ainsi plus d'une heure se combatirent et ne se vouloient retirer. Ung Indien luy lança une lance de canne en la face, et soubdainement le tua avec sa lance et luy laissa dedens le corps. Et le capitaine voulut tirer sonespée et ne peult sinon à moytié pour avoir esté feru d'une canne au bras. Quand les nostres veirent ce, tournèrent le dos et se tirèrent aux bateaux, consuyvis tousiours d'eulx avec lances et dars, tant qu'ils les peurent percevoir et tuèrent leur guyde. Le roy chrestien nous eust aydé, mais le capitaine devant descendre en terre luy commist de ne soy partir de sa barque et que se tint à veoir comment combatroient. Quand le roy sceut que le capitaine estoit mort, le plaindit moult, et non sans cause. C'estoit le plus vaillant et ingénieux que se peut trouver au monde et moururent avec luy huyt des siens. Et quatre Indiens faictz chrestiens qui vindrent pour ayder les nostres furent tuez d'ung coup de bombarde de nos naves, et des ennemis quinze, et moult des nostres furent navrez.

Chap. LVI.

Après disner, le roi chrestien, de leur consentement, envoya demander à ceulx de Mattan s'ilz vouloient rendre le capitaine avec les autres mortz, et que on leur donneroit telle marchandise que vouldroient. Respondirent que non, et que ne bailleroient pour la plus grande richesse du monde, mais le vouloient tenir pour la mémoire de luy-

Chap. LVII.

Si tost que fut sccu la mort du capitaine^ les quatre qui estoient demourez en la cité pour marchander feirent porter

APPENDICE

leur marchandise aux navires. Et puis feirent deux gouverneurs, Edouard Barbosa parent du capitaine portugalois et Jehan Serran, espaignol. L'interprète nostre qui se nommoit Henry estoit ung petit blecé et ne venoit point en terre pour faire les choses nécessaires. Pour ce, Edouard Barbosa l'appela et luy dist que jaçoit que le capitaine son seigneur fust mort, pour ce n'estoit-il point en liberté, mais qu'il vouloit que quand arriveroient en Espaigne fust tousiours serf de Béatrice femme du capitaine gênerai et le menassa que s'il n'aloit en terre, il le fusteroit. L'esclave se leva et montra de ne faire compte de ses paroles et va en terre. Et dist au roy chrestien que se vouloient partir prest, et que s'il vouloit faire selon son conseil, que gaigneroit leurs navires et toute la marchandise et feirent une trahison.

Chap. Lvm.

Le premier jour de may, le roy envoya dire aux gubernateurs que les joyaux que avoir promis envoyer au roi d Espaigne estoient pretz et que leur prioit que ce matin veinssent disner avec luy. Descendirent vingt quatre hommes en terre avec l'astrologue nommé Martin de Seville; Antoine Pigaphetta n'y peut aller pour ce qu'il estoit tout enflé pour avoir esté fera au front d'une sayette venimée. lehan Carnay avec le prevost retournèrent pour ce que avoient veu aller le prestre avecques quiavoit esté sané par miracle, et se dou. "loient d'aucune chose. Et tantost après ouyrent grans cris et plainct s, et soubdainenient levèrent l'ancre et tirèrent force bombarde à la maison et ne approchèrent plus à la terre. Et ainsi que tirolent, veirent Jehan Serran en chemise, navré criant que ne debvoient plus tirer, parce que l'occiroient. Et demandèrent si tous les autres estoient mortz avec l'interprète. Rcspondit que tous estoient moriz snulve l'intcrprcte. Et pria moule que le voulsisscnt racheter

VOYAGE D'ANTHOINE PIGAPHETTA 335

avec marchandises. Mais Jehan Carnay son compère avec ks autres ne voulurent arrester pour leur patron et tirèrent les bateaux de là. Et Jehan Serran dist en soy plaignant que n'auront point sitost faict voille qu ilz l'occiront. Et prioit Dieu que, au jour du jugement, demandast son ame à Jehan Carnay son compère. Et soubdain se partirent, et ne sçavent s'il est mort ou vif.

Chap. LIX.

En ceste isle se trouvent chiens, chatz, souris, millet, panil, orge, gingembre, figues, orenges, limons, cannes doulces, âges, miel, coches, succre et chairs de moult sorte, vin de palme et or. Et est grande isle avec ung bon port, ayant deux entrées, une au Levant et au Grec, l'autre au Ponent et Garbin. Et est de latitude au pol artique dix degrez etunze minutes, et en CLMiii degrez de longitude, dont partirent. Et se nomme Zubu. Et devant que le capitaine gênerai mourust, eurent la nouvelle des MoUucques. Cette gent sonnent de la vioUe avec des chordes de rames.

Chap. LX.

Loing dix hu3ft lieues de ceste isle de Zubu au cap d'une autre isle qui se nomme Bohol, bruslercnt au milieu de ccst archipelague la nave de la Conception pour ce que estoient demourez trop peu et fournirent les deux autres navires des choses meilleures. Et puis prindrent la voye de Garbin et à Midy costoyant l'isle qui se nomme Paniloghon. En icelle sont hommes noirs comme Ethiopiens. Puis arrivèrent en une isle grande de laquelle le roy pour faire paix avec eulx, se tira sang de la main senestre et aspersa le sang sur son corps, sa

APPENDICE

face et l'extrémité de sa langue en signe de plus grande amitié. Et ainsi feirentles nostres. Antoine Pigaphetta seul alla en terre avec le roy, pour veoir l isle. Et soubdainement que entrèrent en un fleuve, moult de pescheurs présentèrent poisson au roy. Puis le roy se osta les draps qu'il avoit entour luy, avec autres ses principaulx, et en chantant, commencèrent à voguer en passant par moult de habitations, qui estoient dessus le fleuve et arriva à deux heures de nuict en sa maison et du commencement du fleuve jusques à la maison du roy, sont deux lieues. Et quant entra en sa maison vindrent au devant moult de torches de cannes avec feuilles de palme, tant que le soupper s'aprocha. Le roy avec deux principaulx et deux de ses femmes belles beurent plain ung grant vaisseau de vin de palme sans riens menger. Anthoine se excusa disant avoir souppé et ne voulut boire que une fois et en beuvant, faisoit toute la cerimonie comme le roy de Mazana. Après vint la cene de rifz et poisson mis en vaisseau de porcelaine. En souppant, ne beuvoit point rien, sinon brouet de poisson moult salé, mis en une escuelle de porcelaine et mengeoit le rifz pour pain. Hz cuisent le rifz en ceste manière. Premièrement, le mettent en une paesle de terre avironnée d'une feuille grande, et puis mettent l'eaue avecques le rifz et le laissent bouillir jusques à tant que le rifz devienne dur comme le pain, et puis le mettent lors en pièces. Et en toute ceste partie cuisent ainsi le rifz. La cene faicte, le roy feist apporter une natte de canne avecques une autre de palme et ung coussin de fueilles afhn que Anthoine dormist sur elles. Et le roy et ses deux femmes allèrent dormir en ung lieu séparé. Le jour venu, en appareillant le disner, Anthoine alla par l'isle et veit par les maisons assez amas d'or et peu de victuailles. Et puis disnerent, mais seullement rifz et poisson. Le disner fini, Anthoine dist au roy par signe qu'il verroit voulentiers la royne. Respondit qu'il estoit content et allèrent en compaignie au sommet d'une haulte montaigne où estoit la maison de la royne. Quant entra en la maison^ luy feit la

VOYAGE D'ANTHOINE PIGAPHETTA 337

révérence, elle aussi envers luy. Et le feit seoir auprès d'elle qui faisoit une natte de palme pour dormir. Par sa maison estoient attachez plusieurs vaisseaux de porceleine et quatre cymbales de métal; une plus grande que les autres, et deux plus petites pour sonner. Dedens la maison estoient des esclaves hommes et femmes qui la servoient. Le congé prins, retourna à la maison du roy. Et soubdainement feist donner une collation de cannes doulces. La plus grande abondance que soit en cesie isle, est or, et le roy par signes montra audict Anthoine Pigaphetta aucunes vallées èsquelles y a tant d'or que sans nombre, mais n'ont point de fer pour le bêcher et tirer hors. Geste part de l'isle est une mesme avec Bethuan et Calaghan et assise sur Bohol et confine avec Mazana. Le midy passé, Anthoine retourna à la nave. Et ainsi vindrent en la barque retournant par le fleuve et veirent à main droicte, sur une motte, trois hommes attachez à ung arbre. Anthoine demanda au roy quelz hommes c'estoient ; respondit que c'estoient malfaicteurs et robeurs. Les peuples vont nuds comme ceulx de dessus. Le roy s appelle Raiacalavar. Le port est bon et là se trouve rifz, gingembre, porcz, chievres, gelines et autres choses. Et est de latitude au pol articque de huyt degrez et cent septante degrez de longitude du lieu du partement^ et loing cinquante lieues de Zubu et s'appelle Chippit. Deux journées de là, au Mestral, se trouve une isle grande dicte Lozon.

Chap. LXI

Partant de là, à la mye part du Ponent et Garbin, est une isle non moult grande et quasi inhabitée. La gent de ceste isle sont Mores et estoient banis d'une isle dicte Burne. Hz vont nudz comme les autres, ilz ont sarbatennes avec quercoys au costé, plains de flèches venimées d'une herbe. Hz ont poignars

APPENDICE

avec manches d'or et pierres précieuses, lances, targes et cuirasses de corne de beuffles. En ceste isle se trouvent peu de victuailles, mais arbres moult grands. Et est de latitude au pol articque sept degrez etdemy, et loing de Chippit quarante lieues et s'appelle Caghaian.

Chap. LXII

De ceste isle environ xxv lieues^ entre le Ponent et le Mestral, trouvèrent une isle grande où se trouve rifz^ gingembre, porcs, chievres, gelines, figues longues demy bras et grosses comme le bras, bonnes, et aucunes autres longues une paulme et autres moindres, moult meilleures que toutes les autres, coches, bâtâtes, cannes doulces, racines, comme raves à menger et rifz cuit soubz le feu en canne ou en bois, lequel est plus dur que celuy cuit en paesle. Ceste terre pourroient appeler terre de promission, car s'ilz ne l'eussent trouvée, ilz eussent eu grand faim. Le roy feit la paix avec cuk se frappant ung peu avec ung de leurs cousteaulx en la poictrine et saignant, toucha la langue et le front avec le sang en signe de plus vraye paix : aussi feirent ilz. Ceste isle est de latitude àl'articque neuf degrez et une tierce; et cent et septante-neuf degrez et une tierce de longitude de la ligne de leur partement. Et s'appelle Puloan.

Chap. LXIII

Le peuple de Puloan vont nudz comme les autres et quasi tous labourent leurs champz. Hz ont sarbatennes avec flèches de bois longues plus d'une paulme à crochet, aucunes avec espines de poisson, envenimées avec une herbe, et autres cannes poinctues et à crochet envenimées. Hz ont fiché en la

^'OYAGE D'ANTHOINE PIGAPHETTA

teste ung peu de bois mol, au lieu de plumas. Hz prisent aneaulx et chainettes de letton, sonnettes, couteaux et filz de rames pour lyer leurs hains à pescher. Hz ont grans coqz moult domestiques, et ne les mengent point pour certaine conservation. Aucunes fois les font combatre l'ung avec l'autre, et chascun en met ung pour soy. Celuy duquel le coq est victeur aie pris. IIz ont vin de rifz distillé plus fort et meilleur que celuy de palme.

Ch^p. LXIV.

Loing de ceste isle dix lieues au Garbin, veirent une isle et la costoyant, semble aucunement qu'elle monte. Entrez dedens le port, leur apparurent feuz lesquelz appellent les Corps saintz, par ung temps moult obscur; du commencement de ceste isle jusques au port sont cinquante lieues. Le jour suyvant IX de juillet, le roy de ceste isle leur envoya ung prao qu'est comme une feuste, moult beau avec la proe et la pouppe labourées d'or, ayant dessus sa proe une bannière blanche et asurée et au sommet plumas de paon. Aucuns sonoient simphonies et tabours ; avec ce prao venoient deux almadies qui sont comme barques pour pescher. Et huyt hommes anciens des principaulx entrèrent en leur navire et seirent sur ung tapis en la pouppe, et leur présentèrent ung vaisseau de bois painct plain de betre et d'areca qui est le fruict qu'ilz mâchent tousiours avec fleur de jasemin et d'orange, couvert de ung drap de soye jaune, deux cages pleines de gelines, une paire de chievres, trois vaisseaux plains de vin de rifz distillé par l'alenbic et aucuns faiceaulx de cannes doulces et aussi donnèrent à l'autre nave, et les embrassant prindrent congé. Le vin de rifz est clair comme eaue, mais si fort que plusieurs d'eulx en furent enyvrez et se nomme arach.

APPENDICE

Chap. LXV.

Six jours après, le roy envoya une autre foys trois praos avec grand pompe, sonnans simphonies, tabours et cymbales de letton en environnant la nave, foisans révérence avec aucunes barettes de toille qui couvrent seullement le sommet de la teste. Et ilz les saluèrent avec bombardes sans pierres. Après donnèrent ung présent de diverses viandes faictes de rifz seulement, aucunes en feuilles, faictes en pièces ung peu longues, autres comme pain de succre, autres comme tourteaux avec œufz et miel. Et dirent que le roy estoit content que prinssent eaue et bois et que contractassent à leur plaisir. Oyant ce, huyt des nostres montèrent sur le prao et portèrent ung présent au Roy, lequel estoit une robe de velours verd à la turquesse, une chaire de velours more, cinq brasses de drap rouge, ung bonnet rouge, ung hanap de voirre couvert, cinq cayers de papier et une escriptoire dorée; à la royne, trois brasses de drap jaune, une paire de souliers argcntez et ung gobolet d'argent plain de guchie; au gouverneur, trois brasses de drap rouge, ung bonnet, ung pot d'argent ; au ro}- d'armes qui estoit venu dedens le prao, luy donnèrent ung vestement de drap rouge et verd à la turquesse et ung cayer de papier ; aux autres sept principaulx à chascun une taille et ung bonnet et ung cayer de papier. Et après se partirent.

Chap. LXM.

Quant' approchèrent la cité furent près de deux heures dedens le prao jusques tant que vindrent deux elephans couvers de soye et douze hommes, chascun avec ung vaisseau de porceleine couvert de soye pour porter leurs presens. Après montèrent sur les elephans et les douze alloient devant avec les

VOYAGE D'ANTHOINE PIGAPHBTTA 341

presens et vaisseau. Et ainsi allèrent jusqucs à la maison du gubernateur où leur fut donné ung soupper de moult de viandes. La nuict, dormirent sur matteras de cotton. Le jour suyvant, furent en la maison jusques à my jour. Puis allèrent au palais du roy sur les elephans avec leurs presens devant, comme le jour passé ; de la maison du gubernateur jusques audict palais, toute la voye estoit pleine d'homme avec epées, lances et targes, car ainsi l'avoit voulu le roy. Hz entrèrent sur les elephans dedens la court du palais, et allèrent par degrez avec le gouverneur et autres principaulx en une grande salle plaine de barons où se seirent sur un tapis, les presens dedens les vaisseaux après eulx; auchief de ceste salle y en a une aultre plus haulte, mais ung peu plus petite, ornée de drapz de soye où se ouvrent deux fenestres de courtines de brocart, desquelles vient la lumière en la salle où estoient trois centz hommes sur piedz, estocz nudz sur la cuisse, pour la garde du roy. Au chief d'icelle, est une grande fenestre de laquelle se tire une courtine de brocart, par laquelle veirent le roy seoir à table avec un sien filz petit et machoit betre, et derrière luy n'y avoit que dames. Et alors leur dict le principal que ne pourroyent parler au roy et que se vouloient aucune chose que luy dissent, car il la dira à ung des plus principaulx et iceluy à ung frère du gouverneur qui est en la salle plus petite, et iceluy le dira par une sarbatenne par une fente du parois à ung qui est dedens avec le roy : et leur enseigna qu'il debvoient f^iire trois révérences au roy avecques les mains joinctes dessus le chief, avec les piedz haulsant, maintenant l'ung, maintenant l'autre et puis le baiser. Ainsi faicte ceste révérence royale, luy dirent qu'ilz estoient du roy d'Espaigne et que vouloient la paix avec luy et que ne demandoient autre chose sinon de pouvoir marchander. Le roy leur fait dire, puis ce que le roy d'Espaigne veut estre son ami, il estoit trescontent de estre le sien et que prinssent eaue et bois et marchandassent à leur plaisir. Puis, luy donnèrent les presens faisans à chascune chose ung peu de révérence de la

APPENDICE

teste et feit donner à chascun des nostres une brocadelle et draps d'or et de soye^ leur mirent dessus l'espaule senestre, mais le laissèrent, leur donnèrent une collation de gariophles et canelle. Alors furent tirées les courtines, et les fenestres closes. Tous les hommes qui estoient au palais avoient drap d"or et de soye entour leur nature, poignars avec le manche d'oraorné de perles et de pierres précieuses et moult aneaulx ès mains. Et retournèrent sur les elephans à la maison du gouverneur; sept hommes portoient le présent du roy tousiours devant. Et quant furent à la maison, donnèrent à chascun ung présent et le mirent sur l'espaule senestre, et à aucuns pour leur travail une paire de couteaux. Neuf hommes vindrent à la maison du gouverneur avec autant de platz grans de par le roy. En chascun plat estoit dix ou douze escuelles de porceleine, plaines de chair de veau, de chappons, de gelines, de paons et d'autres bestes et de poisson. Ils soupperent en terre sur une natte de palme, de trente à trente-deux sortes de viandes de chair, vin aigre, avec le poisson et autres choses. Hz beurent à chascun coup, plain ung petit vaisseau de porcelaine grand comme ung œuf, vin distillé par l'alembic et autres viandes de succre avec cuilliers d'or comme les nostres. Au lieu où dormirent deux nuictz y avoit deux torches de cire blanche tousiours allumées sur deux chandeliers d'argent, ung petit haultz, et deux lampes grandes, plaines d'huyle, et hommes pour les acoustrer. Hz vindrent sur les elephans jusques à la rive de la mer où estoyent deux praos qui les conduiront jusques à la nave. Geste cité est toute fondée en eau salée, saulve la maison du Roy et aucunes de certains principaulx; et est de vingt à vingt cinq mille feux. Les maisons sont toutes de bois et ediffiées sur palis gros, eslevez de la terre. Quant la mer croist, les femmes vont en barques vendre les choses nécessaires pour vivre jusques à la maison du Roy, qui est d'ung mur de quarreaux gros avec barbaquennes à manière de forteresse, en laquelle estoient cinquante six bombardes de metail et six de

VOYAGE D'ANTHOINE PIGAPHETTA 343

fer. En ces deux jours que furent là, en deschargerent moult dès l'entrée. Le roy est More et s'appelle Raia Siripada, estant de quarante ans, et gras. Et nul ne le gouverne sinon dames, filles des principaulx. Et ne part jamais du palais, sinon quant va à la chasse, ne nul n y peult parler, sinon par une sarbatenne. Il tient dix escripvains qui escripvent toutes ses choses en escorce d'arbre moult subtiles, et ceulx cy se nomment Chiritoks.

Chap. LXVII.

Lundy matin vingt neufiesm.e jour de juillet, veirent venir contre eu!x plus de cent praos, divisez en trois cantons, avec autres, tant de barques petites qui s'appellent Tunghuli. Quant veirent ce, pensèrent que estoient deceuz et dressèrent le voyle le plus tost que leur fut possible, et furent tant pressez que laissèrent une ancre et moult plus doubterent d'estre au milieu d'aucuns joincts que le jour passé estoient demourez. Et soubdainement, se tournèrent sur eulx et en prindrent quatre et luerent moult de personnes, et quatre joinctz fuirent en terre. Un de ceulx qu'ilz prindrent estoit le fils du roy deLazon, cestuy estoit capitaine gênerai de cest roy de Burne. Et vindrent avec ces joinctz d'une grande ville dicte Lao qui estoit chief de ceste isie, vers Java la grande, et l'avait ruynée et mise à sac Jehan Carvay. Nostre pilotte laissa aller ledict capitaine avec sa joinct, sans leur consentement, pour certaine quantité d or, comme depuys sceurent. Si n'eust laissé ledict capitaine, le roy luy eust donné toute chose qu'il eust demandé, pour ce que ce capitaine estoit fort craint en ces parties, mais plusieurs Gentilz sont très ennemis à ce roy more. Et là est une autre cité de Gentilz plus grande que celle des Mores, fondée aussi en eaue salée, par-