AUTRE JEU-PARTI

Cuvelier, j*aim mius ke moi Ix feme à un cevalier ; Ele m'aimme en boine foi F]t ses sires m'a moult chier Et forment en moi se lie.

Doi-je, se Dius vous bénie, Pour lui la dame eslongier, Ou j'en doi le dosnoier Prendre, s'elc le m'otrie ?

— Sire, se bien par otroi En poés vo désirier Avoir, n'ayés pas effroi Ne doutance d'embracier S'amour et sa compaignie, Koi ke ses maris en die ; S'ele vous veut otroier Son déduit par bel proyer.

Donc ne le refusés mie.

— Cuvelier, moult grant anoi Me loés à pourcacier :

Se de li preng le dosnoi.

J'en perdrai sans recouvrioi- Mon ami par ma folie ; Et s'iert la dame laidie De lui pour moi courrecior :

Lors porrai vis esragier, El s'iert celé malbaillie.

— Gamart, à chou ke vous voi, N'avés pas le cuer entier:

Vous ne devriés pour un roi La vostre amie laissier.

Trop est pau de vous prisie Quant si tost Taries gueipie Pour un honme acompaignie ; S'ele vous aimme et tient chier.

C'est bontés mal employé.

— Par le foi ke je vous doi, Sire Jehan Cuvelier, De traison vous mescroi Que me volés consillier, Ke face teil vilonuie Ke prenge la druerie De celi qui est moullier A celui qui sans tricier M'aimme autant comme sa vie.

— Gamart, ses maris, clie croi.

Vous aimme sans losengier, Mais mius le vous vient un poi Destourber et courrechier Ke perdre tel signourie l'amour de vostre amie. Se vous Tamés sans boisier.

Faisons-ent le droit jugier A leil que le voir en die.

— Cuvelier, de ma partie Je preng la dame jolie De Fouencamp sans targier ; S'en voeille le droit jngîer, S'iert no lenchons apaisie.