TOME XII

242< — 4 i;iovembre 1572. — Lettre de Charles IX à M. du Lude.

Monsieur du Ludde, le desplaisir que j*ay de la continuation des massacres et des meurdres qui se commectent de toutes parts en mon royaulme contre les déclarations et deffences tant expresses que j'ay faictes me contrainct adviser de plus près aulx remèdes qui sont nécessaires à contenir et réprimer telle effrénée licence; ayant sur ce arresté d'envoyer tous les gouverneurs de mes provinces es lieulx de leurs gouvernemens avec les lettres patentes de déclaration et instruction particuUière de mes intentions que vous trouverrés cy encloses, pour par leur présence et auctorité esteindre et amortir une telle fureur, suyvant ce que je vous prye vous achemyner en vostre gouvernement le plustost que vous pourés; pour le regard des dites lettres patentes, vous en ferés exactement observer le contenu ; et, quant à la ditte instruction, vous adviserez de vous en ayder avecques telle dextérité et bonne façon que vous en puissiés tirer le fruict que je désire, estant chose que vous jugerez assez importer grandement au bien de nostre service; priant sur ce le Créateur qu'il vous ayt, Monsieur du Lude, en sa saincte et digne garde.

A Paris, le 4 novembre 1 572. Signé : Charles. Et plus bas : DE Neuf VILLE.

Au dos est écrit : A Monsieur le conte du Lude, etc..