TOME XII

des lettres de la Majesté de la royne du 2® de ce moys, ay advisé, pour vous mieulx faire entendre son intention sur ce qu'elle me mande par icelles, vous en envoyer une coppie. Toutes foys je trouve bien fort estrange, veule long temps qu'il y a que Tabbé de Gadaigne est arrivé auprès d'elle, que nous n'avons entendu la résolution qu'elle a prise sur le faict delà tresve qu'il avoyt négotyée par deçà. Sy est que cependant je faicts advancer ce qui sera nécessaire pour dresser l'armée qu'elle m'a commandé où j'ay desjà faict sy bonne dilligence que les forces qui me viennent de Normandye qui sont desjà au gouvernement d'Anjou, arrivées icy, je seray prest de marcher en campaigne ; vous priant à ceste cause disposer si bien toutes choses de vostre part que nous puissions faire ung bon et signalé service à nostreroy, affîn qu'à son arrivée qui sera bientost, nous ayons l'heur de luy rendre ses quartyers de deçà aussy bien nectoyés de ses ennemys, comme M. de Matignon fera de la Normandye; qui sera le propos où me recommandant de bon cœur à vostre bonne grâce, je voys prier Dieu vous donner, mon cousin, l'accomplissement de vos désirs.

De Chinon, le 10® jour de juillet 1574. Voustre bon cousin et amy. Signé : Le y s de Bourbon.

287. — 11 juillet 1574. — Commission du duc de Montpensier à Ithier Léger, s^ du Portai.

Loys de Bourbon, duc de Montpensier, pair de France, lieutenant général pour le roy mon seigneur en son armée dePoictou, à nostre cher et bien amé Ythier Liger, seigneur du Portai, salut. Aiant esté adverty que puys naguères le lieutenant du dit Poictou * auroit acquis la maison et seigneurie des Goustaulx, assise à une lieue près de Nyort et d'aultant que c'est une place forte il seroit à craindre que