Cet événement avait eu lieu le 20 mai

autres que a ledict Grant Seigneur tout prest avecques luy es environs de Constantin ople pour venir en personne en la Hongrye et Transilvanye, s'il veoit que sa dicte première armée ne soit assés forte, ayant escript aux électeurs et princes de la Germanye qu'il n'entendoit faire la guerre que à l'Empereur et au roy des Romains son frère et à leurs amys et alliés, pour les tors et injures qu'ils lui avoient faictes contre leur foy, durant le temps de la tresve, et que à ceulx qui seroyent amys et alliés du roy il n'entendoit leur estre faict aucun dommage, mais au contraire toute faveur et bon traictement. Par mer il a cent cinquante gallères, quinze gros navires chargés de munitions et près de quatre-vingts que fustes que galliottes et grant nombre de gens de guerre et d'artyllerie dessus, ayant commandé à son lieutenant général en ladicte armée et pareillement au vice-roi d'Arger de faire du pys qu'ils pourront aux pays et subjects de l'Empereur, et au contraire tout le port, faveur et ayde qu'ils pourront au roy à l'encontre d'icelluy Empereur et autres ses ennemys. Et pour ce que ce porteur qui s'en retourne devers le roy de Navarre vous dira le reste de mes nouvelles et mesmement de celles de ceste armée ; m'en remectant sur lui, je feray fin en priant Dieu, Monsieur le conte, qu'il vous donne ce que plus désirés.

Du camp devant Dampvilliers * le 6^ jour de juing 1552. Votre bien bon amy, signé : Monmorangy.

Au dos est écrit : A Monsieur le conte du Ludde, chevallier de l'ordre et lieutenant du roy au gouvernement de Guyenne, en l'absence du roy de Navarre.