juin 1552. — Lettre de Montmorency à M. du Lude

Monsieur le conte, j'ay reçu vos lettres du 13® de ce mois par laquelle j'ay veu la prinse que le capitaine Dorset

1. Damvilliers, ville du Luxembourg (aujourd'hui départ, de la Meuse), assiégée par le roi Henri II, fut prise peu de jours après.

a faicte près TIsle-Dieu avec le gallion de Bordeaux, dont j'ay adverty le roy qui en a esté très-aize et moy pareillement, m'asseurant bien que ledit Dorset ne fauldra de faire tousjours son debvoir en ce qui luy sera commandé. J'ay aussy veu Tadvertissement de nouvelles d'Espaigne que m'avez envoyé, qui est à peu près semblable à ung que le roy |de Navarre a envoyé au roy. Et puisque les gallères de l'Empereur attendent tant par delà à charger les gens de pied qu'elles y sont allé quérir, il fault dire, veu la nécessité que ledit Empereur en a, où il est qu'ils n'ont esté aisés à assembler et lever, ou bien qu'il n'y a point d'argent pour les payer, qui est comme je pense le plus croiable, car en ce quartier et au Parmezan et Piedmont, il est beaucoup deu à tous les gens de guerre y estans à la soulde dudit Empereur, qui fait croire qu'il s'en faut beaucoup que lesdittes apportent tant d'argent que le contient ledit mémoire; et si ainsy est qu'après leur arrivée à Gennes elles retournent encores quérir d'autres gens de guerre audit Espaigne, vous sçavez assez qu'il n'y en demeurera pas si grand nombre qu'ils puissent nous venir assaillir en Languedoc et Guyenne, et comme ils en font courre le bruit , attendu l'empeschement qu'ils auront du côté d'Arger où le Grant Seigneur* a envoyé un vassa^ qui a xxij gallères et trente ou quarante que galliottes que fustes, auquel il a commandé faire du pis qu'il pourra aux terres et subjects d'icelluy Empereur. D'aultre costé, l'armée de mer dudit grand seigneur peut estre maintenant bien près de Cicille d'où elle doit venir vers Naples, où jà une partye du royaume s'est sublevée, et se peut espérer que quant le prince de Salerne y sera arrivé avecques les gens de guerre que le roy y envoyé, tant par mer que par terre, les choses seront par delà en tels troubles qu'il sera