Il était évêque du Mans

ce jourd'huiquej'ay incontinant esté dépesché pour m'en aller demain matin vers le marquis Albert de Brandebourg où le roy m'envoye pour le conduire et son armée et à venir joindre avecques la nôtre. Monseigneur le connestable partira lundy prochain pour s'en venir devant le camp, car les derniers advertissemens que l'on a eu, l'Empereur estoit avecques son armée près de Strasbourg et s'en venoyt passer en Saverne pour s'en aller en Lorraine; mais il faict ung si mauvays temps que je pense qu'il sera fort difficile à charroyer son artillerie, et que quant il sçaura l'aprest que le roy faict pour le recueillir vus la saison où nous sommes que cela, pourra refroidir sa collère. Monsieur, je pense que desjà vous avez été amplement informé de ce que j'ay faict pour le service de Sa Majesté en Itallie, qui est de luy avoir acquis, avecques six ou sept mil hommes de pied que je levay en moins de six ou sept jours, à sa dévotion la ville de Sienne et tout le pays qui contient plus de la tierce partie de Touscanne et où il y a trois bons ports de mer. Il y avoit dedans ladite ville quatorze ou quinze cens Espaignols qui en estant chassés se retirèrent dedans la citadelle où je les assiégé, et le sixiesme jour ils se rendisrent, après en avoir esté tué d'eulx près de quatre cens, tant à la prinse de ladite ville, que depuys aux saillies qu'ils fisrent dedans ladicte cytadelle. Gela fait, je fis les monstres de mes gens et après que M. de Termes y feust arrivé et que luy feust laissé tout entre mains, je partis pour m'en revenir * . J'espère quelque jour vous compter plus par le menu comme toutes choses y sont passées et de quelle importance cela est pour le service de sadite Majesté et pour la desfaveur des affaires de l'Empereur. Monsieur, je vous supplie adviser en ce que je pourray vous

1 . La prise de Sienne par Lansac est aussi mentionnée dans une lettre de Montmorency au duc de Guise, du 21 août 1552 {Mémoires- Journaux du duc de Guise).

faire service par deçà, ou sij'ayreçeu par delà dont vous puissiez servir, car d'une part et d'autre vous avez toute puissance sur moy et de tout ce qui en despend. Je vous supplie aussi d'avoir tousjours pour recommandés mes pauvres gens de Bourg et me maintenir en vostre bonne grâce à laquelle je présente mes très-humbles recommandations, priant le Créateur vous donner très-bonne et longue vie.

De Rains, ce xxiij^ septembre 1 552, et vostre très-humble serviteur. Signé : Lanssac *.

Et la suscription : A Monsieur, Monsieur le conte du Lude, chevalier de l'ordre du roy et son lieutenant en Guyenne, en l'absence du roy de Navarre.