Premier président du parlement de Bordeaux

dicts qu'ils veullent rentrer, je suis bien content que vous y entendes, s'ils le mectent en avant, sans que aucunnement rechercher, pourveu que le vice-roy de Navarre parle et que dès à part je en baille seureté pour les raisons et considérations contenues en vos dictes lettres, lesquelles j'ay trouvé très-bonnes. Au regard des bleds qui estoient à Sainct Jehan de Laez *, lesquels avés fait apporter en ma ville de Baionne, afïin que mes ennemys ne s'en puissent prévalloir et ayder, c'est chose que j'ay aussi trouvé trèsbonne, ainsi que je vous ay jà escript. Au demourant, je vous envoyé la responce que je fais aux lettres que m'avés envoyées de la seignore Donne Marmés de Porrés avecques le sauf-conduict qu'elle demande pour luy faire tenir le tout, vous advisant que je veulx et entends qu'il luy soit faict bon traictement par tous les lieulx de mon royaume où son chemin s'addonnera, ce que lui ferés entendre de ma part à son arrivée en ma dicte ville de Bayonne, oultre ce que je luy en escript. Je ne veulx au reste oublier à vous advertir, mon cousin, comme après avoir par diverses fois, depuis que je suis en ce lieu , faict recongnoistre les villes et citadelles de Gambray, sçachant qu'il y a dedans vingt et six enseignes de gens de pied, deux régimens de gens de cheval et les principaulx chefs et cappitaines de l'armée de l'Empereur et que le reste de ladicte armée est campé près Vallentiennes, de là la rivière de l'Esco, où ledict Empereur dict qu'il se veult faire apporter en littière accompaigné de quelques aultres forces, j'ay, par l'advis des gens de bien qui sont icy avecques moy, dellibéré d'aller demain loger à Château en Cambrésis, pour delà marcher droict où est icelle armée pour la combattre, si elle ne s'en retire, comme elle a faict ordinairement de tous les aultres logeys qu'elle a faict depuis mon partement d'Amyens, à mesure qu'elle m'a senty approcher d'elle ; et