mars 1555. — Lettre de Montmorency à M. du Lude

Monsieur du Lude, j'ayreçeu deux de vos lettres des 11 et 14 du passé, et suivant le contenu d'icelles, je vous envoyé une commission que le roy a commandé pour les procédeures et jugemens donnés par ses officiers à d'Acqs contre les sorciers et sorcières estans audit pays, et aussi pour la saisie faicte sur les fruicts, revenu et biens, tant de l'évesque d'Acqs, que des curés et autres bénefficiers estans audit pays ne faisant la résidence qu'ils doibvent, qui me gardera de vous en faire autre discours en la présente que de vous prier faire mectre à exécution le

1. La ville de Marienbourg fut assiégée et prise par le maréchal de Saint- André.

contenu en ladite commission, suivant ce que ledit seigneur vous en escript. Quant à la requeste que les oficiers d'icelluy seigneur à Bayonne vous ont présentée pour les rebellions, désobéissance et excès commis par Martin de Harambure, soy-disant lieutenant du bailly de Labourt, j'en ay parlé audit seigneur, lequel veult et entend que justice en soit faicte et que pour cest effect vous y procédez de vostre part, comme vous verrez qu'il sera besoin g, en sorte que l'obéissance luy en demeure et la punition en soit faicte telle que l'on verra estre à faire par raison. Et sur ce, M. du Lude, je prieray le Créateur qu'il vous ayt en sa saincte garde.

D'Amboise, le T jour de mars 1555. Vostre bien bon amy. Signé : Montmorency.

La suscription : A Monsieur le conte du Lude, etc.