juin 1557. — Lettre du roi Henri II à M. du Lude

Mon cousin, j'ay présentement eu nouvelles que je tiens pour certaines que les Anglois se sont déclairez mes ennemys et que la publication s'en debvoit faire en Angleterre ce jourd'huy vij^ de ce mois, au moyen de quoy vous ferez doulcement et soubs quelque aultre occasion que vous feindrez, arrester tous les navires appartenans ausdits Anglois qui se trouveront ez ports et havres de mon duché de Guyenne et aultres endroicts qui sont soubs vostre pouvoir, jusques à ce que l'on y voye plus clair, dont vous serez incontinant adverty ; et au surplus donnerez ordre

que chacun ayt à se tenir sur ses gardes, de façon qu'ils ne puissent estre surprins, m*advertissant de ce qu'en aurez faict, et vous me ferez en ce faisant très-agréable service, priant Dieu, Mon cousin, qu'il vous ayt en sa saincte garde.

Escript à Reyms ce vij^jour de juing 1 557. Signé : Henry.

Et au-dessous est escrit : Depuis la présente escripte et signée, il est icy arrivé ung hérault d'Angleterre qui m'est venu signiffier la guerre ; par quoy, s'il se trouve ez lieux qui sont soubs vostre charge aucuns Anglois ou chose à eulx appartenant, vous ferez le tout arrester et prandre comme appartenant à mes ennemys. Et plus bas : Clausse.

La suscription : A mon cousin le conte du Ludde, chevalier de mon ordre et mon lieutenant en Guyenne en l'absence de mon frère le roy de Navarre.

LETTRES