octobre 1567. — Lettre de Charles IX à M. du Lude

Mon cousin, le désir que j'ay que toutes choses marchent en leur ordre et que celuy qui a accoustumé d'estre tenu et observé en mes services ne soit aucunnement immué ou perverty, a faict que j'ay ordonné au trésorier de l'extraordinaire de mes guerres, maître Nicolas Mole, de tenir le compte général et faire manyement des receptes et despences qu'ils feront par les provinces et gouvernemens de mon royaulme à l'occasion des troubles suscités en iceluy en ce qui deppend du faict de la guerre, et qu'en ce faisant il eust à dépescher et envoier ses commis et clercs par devers chacun de mes lieutenans généraulx pour se tenir auprès d'eulx et faire l'exercice de telle charge et maniment, affin que par ce moien le tout soit mieulx conduict et que je sois à toutes heures et occasions adverty, par ledict trésorier qui est à ma suite, de tout ce qui se présentera en sa charge, pour y pourveoir ainsi et à mesure que je verray le besoing le requérir. Pour ceste cause, envoyant à présent ledit Mole, maître André de Baugy l'ung de ses commis par devers vous, je vous prye, mon cousin, faire en sorte que les paiements des gens de guerre, tant à cheval que à pied qui ont estes et seront levés en mon païs de Poictou pour mon service pour les occasions qui se pourront présenter, soit pour la garde de ma ville et chasteau de Poic-