ANTOINE DE BOURBON A CATHERINE DE MÉDIG1S

22 juillet 1562.

Madame, ayant entendu la bonne volunté en quoy estoit Monsr de Bouillon 1 de faire ung bon service au Roy Monseigneur, je ne luy ay voullu destourner ny oster le moien de ce faire ; mais au contraire affin de luy en donner davantaige, je luy ay accordé, suivant ce qu'il m'en a requis, de faire lever trois compaignyes de gens de pied, avecques une qu'il a jà, et une compaignye, moictié de chevaulx-légiers et moictié d'harquebusiers à cheval, avec deux qu'il a jà, pour avecques ses forces réduyre ce pays de la Basse-Normandye, et le nectoyer de ceulx qui le troublent maintenant; lesquelles forces il dit qu'il fera payer moictié au clergé, et moictié es argenteryes des églises, ce qu'il ne peult faire sans en avoir une commission du Roy, laquelle, je vous supplye, Madame, lui faire dépescher. Je luy ay faict une bonne lectre, pour l'asseurer du contentement que moy et tous ces Seigneurs avons de luy, affin qu'il ne se désespérast, et que cela ne luy feist faire une folye. Et d'aultant, Madame, qu'il est en nécessité et qu'il n'a pas grand moien de s'entretenyr , j'ay esté d'advis, comme ont esté tous ces Seigneurs, de luy faire bailler sur les deniers qui sont à la recepte de Gaen, jusques à quatre mille livres, qui est une

1. Henri-Robert, duc de Bouillon, fils aîné de Robert de la Marck.

chose nécessaire, et dont je vous supplye, Madame, luy en faire faire les dépesches par le trésorier de l'espargne, lesquelles ce porteur luy rapportera, avec la commission pour les argenteryes dont je vous ay parlé cy-dessus; dont, Madame, je vous supplye de faire dépescher incontinant, affin qu'il s'en puisse retourner. Et je prieray Dieu, Madame, après m'estre très humblement recommandé à vostre bonne grâce, qu'il vous doint longue et heureuse vye.

Du Camp de Bloys, ce xxije jour de juillet 1 06%.

Vostre très humble et très obéissant frère et subject.

Antoine.

(Bibl. de S.-Pétersbourg. Coll. d'autographes. Vol. LU.)

instructions d'antoine de rourbon a m. de rertheville * .

22 juillet 1562.

Après que le Roy de Navarre a entendu ce que le Sr de Bertheville luy a dict de la part de Monsr de Bouillon, et le désir qu'il a, estant secouru et accommodé de forces qu'il demande, de nectoyer cette Basse Normandye, et la rendre aussi paisible pour le service du Roy, comme il est bien requis, le dict seigneur a esté merveilleusement ayse pour l'aimer et estimer comme il faict, du bon ordre qu'il a donné avecques