De la maison de Mouy en Picardie

si peu de forces qu'il a eues tant à Caen que es autres lieux où il a peu commander, et de la bonne volunté en quoy il les veoyt dont il a le contentement tel qu'il peult désirer.

Et pour luy pouvoir donner moien de l'exécuter et lui bailler les forces requises pour cest efFect, il luy a accordé troys compaignyes de gens de pied, qu'il fera présentement lever, et en baillera la charge à quelques gentilzhommes gens de bien, de qui il s'assurera et congnoistra bons catholiques et bons serviteurs du Roy, telz qu'il congnoist en estre besoing en ceste saison plus que jamais; qui feront avec celles qu'il ajà, dont le cappitaine Villermoye a la charge, le nombre de quatre compaignyes que le dit Sr de Bertheville a demandées et d'avantaige, oultre les cent harcquebusiers à cheval qu'il a et ceulx du Sr de Matignon1, ledit Bertheville fera une compaignye de cent chevaulx dont il y en aura cinquante sallades et cinquante harquebusiers à cheval. Lesquelles forces, tant de gens de pied que de cheval il fera payer, comme il a mandé, par le clergé et les argenteryes des églises, suivant la commission qui lui sera envoyée de la court en bonne forme.

Ayant cela et estant M1 de Matignon joinct avecques luy, le dit S1 de Bouillon regardera tous les moyens qu'il y aura de nettoyer un bon coup ce pais là, de façon qu'il n'y faille plus retourner ; en quoy l'un des plus singulliers remeddes est d'oster les armes à ceulx

1. Jacques de Goyon, sr de Matignon, gouverneur de la Basse- Normandie en 1560, fut créé maréchal de France en 1579. Il mourut en 1597.

de la nouvelle religion desquelz l'on crainct quelque remuement.

N'oublyera aussi le dit Sr de Bertheville ce qui luy a esté dict touchant ceulx qui se sont retirez d'Orléans.

Et quant au particullier, le Sr de Bouillon, il l'asseurera de la part du Roy de Navarre et de tous ces Seigneurs estant en ceste armée , qu'il n'est possible d'avoir plus de contentement et satisfaction qu'ilz ont de luy, comme ilz espèrent que ses actions et déportements le leur en donneront de plus en plus d'occasion. Et pour luy donner moien de soustenir la despence qu'il fault qu'il face là, le Roy de Navarre trouve bon qu'il preigne jusques à quatre mil livres des deniers qui sont à Caen entre les mains du trésorier Noumat, et comme il l'escript à la Royne pour luy en faire faire la dépesche.

Et quand au reste de l'argent qui est au dit chasteau , quand mon dit Sr de Bouillon aura ces forces prestes, il regardera de l'envoyer à Chartres, avec une bonne et seure escorle, de façon qu'il n'en puisse arriver d'inconvénient, ainsi comme il a esté dict au dit Srde Bertheville, et advertira le dit SrRoy du temps qu'il partira, affin qu'il envoyé audit Chartres pour le faire aporter en ce camp.

Et quant à ceulx d'Alençon, le dit Roy de Navarre trouve bon que Monsr de Rabaudanges face lever deux cens hommes de pied ou cinquante chevaulx, ainsi qu'il advisera plus à propoz, lesquelz il fera payer sur les argent ery es, comme les aultres.

Fait à Bloys, le jour de juillet 1562.

(Bibl. de S.-Pétersbourg. Coll. d'autographes. Vol. LU.)

GLXXVII.

ANTOINE DE BOURBON A M. DE JARNAC

25 juillet 1562.

Monsieur de Jarnac, j'ay veu la poyne en quoy vous estes de ce que ceulx de la Rochelle ne se conduysent pas comme vous le désireriez, et comme vous étiez après à les appaiser, et essayez par belles parolles de recouvrer les munitions dont ilz se sont saysis, et que je seroys merveilleusement ayse que vous puissiez faire quelque chose de bon ; d'aultant que comme nous sommes advertiz , Monsr de la Rochefoucault i y est allé, que j'ay grand'peur, y aura troublé toutes choses ; de façon que si, par quelque bonne intelligence vous y pouvez entrer et estre là bien advisé par bonnes raisons de leur faire congnoistre la faulte qu'ilz font et leur ramentevoyr la miséricorde dont le feu Roy François usa en leur endroict, le péril qu'ilz eschapperoient et le mal qu'ilz se préparent, ce leur seroyt peult être quelque remors de consciense. Sur quoy vous leur baillerez la lectre que je vous escriptz à ce subject, pour leur ramentevoyr la fidélité qu'ilz debvront porter à ceste couronne. Et si vous avez besoing de forces, j'escriptz à Monsr de Burye qu'il

1. François, cte de la Rochefoucauld, prince de Marcillac, beaufrère du prince de Condé par son mariage avec Charlotte de Roye, était un des chefs du parti huguenot. Il fut tué à la Saint-Barthélémy, en 1572.

vous envoyé une compaignye; et oultre cela, vous ferez lever une compaignye de gens de pied, de laquelle vous baillerez la charge à quelque homme de bien, suyvant la commission que je vous en envoyé en blanc, et pour le payement, vous vous ayderez des argenteries des églises que vous prendrez par bons inventoyres, et les ferez fondre pour en faire de l'argent, comme il a esté faict pour tout le royaulme; pour lequel effect, je vous envoyray une commission du Roy par la première occasion , pour vous descharger. Mais cependant vous ne laisserez de vous en servir. Avec lesquelles forces et les autres enseignes davantaige, si vous en avez besoing, et voyez que es dit long terme vous ayez moyen de les souldoyer, vous mectrez peyne de contenir la dite ville, et garder qu'ilz ne facent les folz ; et surtout prendre garde du costé des Angloys. Car encores que nous n'ayons nulz nouvelles qu'ilz s'arment, si est ce que c'est une chose que je crindroys et à quoi il seroyt bon besoing de remédier et pourveoyr de bonne heure. Ce que je remectz, Monsieur de Jarnac, à vostre prudence pour vous y conduyre selon que vous sçaurez très bien faire, pour la fidélité et dévotion que je sçay que vous portez au service du Roy Monseigneur, et au bien universel de tout le royaulme. M'asseurant qu'entendant la défaicte de Monsr de Duras1 et l'heureux progrès de nostre armée, comme j'espère que de jours en jours vous en aurez meilleurs nouvelles, cela vous fera penser à vous

1. Symphorien de Durfort, sr de Duras, chef des Calvinistes en Guienne.

conserver. Et sur ce, je prie Dieu, Monsr de Jarnac, vous avoyr en sa saincte et digne garde.

Du camp de Bloys, le xxve jour de juillet 1562.

(Bibl. de S.-Pétersbourg. Coll. d'autographes. Vol. LU.)