HENRI DE NAVARRE (HENRI IV) A M. DE COSSÉ

27 janvier 1571.

Mon cousin, par la despeche que la Royne ma mère vous faict présentement, elle vous satisfaict et respond si amplement à toutes les particularisez des mémoires que nous avez envoyez que je ne vous en ferai reditte. Seullement vous prieray, mon cousin, de croire que je désire tellement que le Roy Monseigneur soit obéi en ce gouvernement dont je suys honoré gouverneur de Sa Majesté, et veoir ses subjectz jouyr du fruict et effaict de son intention et bonne volunté portée par son édict de paciffication, que je n'espargneray aulcung moyen que j'aye pour y'parvenir. Vous promectant tenir de ma part si vivement la main à l'observation du dit édict et sans acceptation de personne ny esguard d'auîcune religion , que Sa Majesté sera recognue et obéye, et le repoz estably parmy ses subjectz. Et m'en assurant de mesme de vous, je me veux bien promectre le contentement et satisfaction que Sa Majesté aura de ce gouvernement. Vous voulant bien dire, mon cousin, que je seray tres-ayse d'estre souvent adverty de Testât et disposition en quoy vous trouvères les affères de cedit gouvernement pour favorizer lesquelz je vous presteray tousjours toute l'assistance et main forte dont me requerrez. Et sur ce, mon cousin, je ne vous la feray plus longue et feray fin, priant Dieu qu'il vous aye en sa saincte et digne garde.

De la Rochelle, ce xxvije janvier 1 571 .

Vostre bon cousin et meilleur amy.

Henry.

(Bibl. nat. Fr. 15553, fol. 33. — Copie.)

GGXIII.