Jean de Grussol, seigneur de Beaudiné
mentera ; et pour le segond point, je vous diray que ne me portay jamais mieulx. Il est vray que je suis à tant guardé sans charge que ma compaignie, aussy j'en ay moins de peine que ceulx qui en ont plus que moy. Je ne fus oncques plus contant que je suis, car celluy avecques qui nous sommes, Monsieur de Nevers1, Monsieur le Mareschal de la Marche et moy, nous faict fort bonne chère, et y faisons ce que voulions. Nous ne bougeons tous trois danssamble et vivons le plus joieusement qu'il nous est possible. Quant à la tierce, je n'ay offencé ni Dieu ni vous et n'ay voulonté d'y commancer. Je vois tous les jours sus chevaulx qui trote et m'en trouve bien , parquoy n'ay envie ni besoing de hacquenée. Je layray ce propoz, ma mie, pour vous dire que mon intention est que vous alliez droit à S'-Mors-des-Foussés , où il me semble que serez au bel ayer pour y faire séjours trois semaines, ou ung mois, et mander vostre fils vous venir trouver là, et puis après que serez assez séjournée vous prendrés le chemain de la Flèche, où je veulx que fassiez vos couches. Qui sera la fin, après de bien bon vous avoir recommandé le petit Henry2, de suplier Dieu vous donner en santé très heureuze et longue vie.
Vostre bien bon et léal mary,
Antoine.
1. François de Clèves, deuxième du nom, duc de Nevers, avait épousé en secondes noces Marie de Bourbon, duchesse d'Estouteville, veuve de Jean de Bourbon, duc d'Enghien. Il fut père d'Henriette de Clèves qui hérita du duché et le porta en 1565 à Louis de Gonzague, depuis duc de Nevers, un des plus sages et des plus expérimentés capitaines de son temps.
2. Le petit Henri, c'est-à-dire Henri de Bourbon, duc de Beau-
ET DE JEHANNE d'aLBRET. 61
Jan-Jacques m'a dit qu'il seroit bien de fère herpanter noz terres vacgues, affin de sçavoir combien nous en avons sans en bailler; jusques à mon retour Jan-Jacques aydera bien à celluy qui ira.
(Bibl. nat, Fr. 8746, fol. 41. — Autographe signé.)
Août 1553.
Ma mie , le protonotère de Mieussenlx m'est venu par le commandement du Roy me trouver en ce lieu de Santé Caterine avecques plusieurs nouvelles, et entre aultres une qui ne sera à vous moins desplaisante qu'à moy1, et eusse bien voullu, ma mie, que il eust pieu à Dieu nous visiter par aultre moien que par sestuy-là, mais puisqu'il lui plaist ainsy, il ne nous fault point rebeller contre luy et ses voulontés, mais qu'il luy plaise nous estre aussy secourable en nos néssecitez et au besoing, comme il fit aux anffans d'Iseraël tant sortant d'Égipte, passant par les désertz, que devant la grant furie de Farao et de son armée vers la mer Rouge. Et, sy nous-mesme nous le requerrons et prions, comme nous devons, de nous ayder, que nous
mont, qui mourut à la Flèche, le 20 août 1553, Jehanne étant grosse de Henri IV; cette circonstance date la lettre de juillet
1. Il fait allusion à la mort de leur fils, le duc de Beaumont
ne trouverons qu'il ayt moins de puissance qu'il avoit en se temps là, ni moins secourable à ses anffans; parquoy je vous prie, ma mie, ne prandre ceste syene Visitation aultrement que comme l'anffant hobéyssanl faict, quant il sçait et entent la voulonté du père, et sy ainsy le prenons, je suis sertain que le Seigneur mandera son ange, comme il fit pour empêcher le sacrifice que Abraham, par le comandement de Dieu, faisoit de son filz Isacq, et ne voulut l'oster au père, ne le soufrir mourir. Je crois, ma mie, que ainssy est-il de nous, que il ne luy plaist que nous ressevions honste, mais seullement nous faire conoistre qu'il nous tient soubz son joucq, et qu'il le fault le moins desplaire et l'offencer que il nous sera possible, et se faisant, il nous tira hors de se laberinte et d'ung plus grand, sy nous avenoit. Parquoy, je vous prie ne le prandre que cellon que persone sage le doit pour le bien de l'ame et du corps, et pencer que pour l'amitié que je vous porte, je luy feré tout le secours et faveur qu'il me sera possible, et croire au demourant que cella ni aultre chose plus grande n'auront puissance de diminuer l'amour et bonne affection que je vous porte; mais vous priray bien de penser que en vous seulle git tout l'onneur de vostre maison et qu'il fault bien qu'en soiez bien curieuze, et vous m'entendes bien. Qui sera la fin, ma mie, de suplier le Seigneur vous estre en ayde jà pour le présent que pour l'avenir, et ainsy le suplie celluy qui veult demourer
Vostre bien affectioné amy et plus léal mary,
Antoine .
(Bibl. nat. Fr. 8746, fol. 83. — Autographe signé.)
JEHANNE D'ALBRET A ANTOINE DE BOURBON
Monseigneur, je suis bien marrye de quoy vous en allez, mais je me réconforte sur ce que je pensse que vous allez faire la paix, quy est pour ung sy grand bien pour vous et pour votre royaulme, que je supplie très humblement Celluy quy peult tout faire, faict et fera, qu'il vous ramaine en bonne santé, pour voir vostre parcq du Plessis où voz cerfz gectent leurs bois; mais, Monseigneur, je ne vous scaurois mander quantz cors ont les cerfz, mais à la première lettre que je vous escriray, je vous en menderay, suppliant celluy quy a faict l'euvre vous donner très bonne et longue vie.
Vostre très humble et très obéissante fille et mignonne, et femme et mestresse.
Jehanne de Navarre.
(Bibl. nat. Fr. 3152, fol. 87. — Autographe.)
Ma mie, pour ce que Monsieur le Cardinal s'en retourne vers vous, et qu'il a sceu et veu tout se qui
est ycy passé, tant de noz affères que de celles de plus grande importence, je ne vous feré ceste-cy plus longue, fors de vous asseurer que toutes et quantefois que vous vouldrés avoir ma bonne grâce, vous l'aurés et ne vous fauldra prendre qu'à vous de la faulte, car sy vous vouslés mestre en vous extime, hobéissance, crainte et amour, vous l'aurés asseurément, et non aultrement, quelque moien que l'on vous puisse donner. Qui sera la fin , ma mie , de suplier Dieu vous donner sa grâce, avecque heureuze et longue vie.
Vostre affectioné amy et bien léal mary.
Antoine.
Ma mie, je suis bien ayse de ce qu'avez recouvert Damas et que l'aymés pour l'amitié qui vous porte ; je vouldrois que extymyssiez aultant celle de son maistre.
(Bibl. nat. Fr. 8746, fol. 11. — Autographe signé.)
Ma mie, j'ay receu trois lettres de vous sans pouvoir trouver loisir de vous randre responce, ni vous fère entendre la bonne chère que l'on ma faict, qui ne se peult dire milleure, et n'estoit la bonne oppinion que vous avez que je prens tousjours tout à mon avantaige, je vous la dirois telle qu'elle est ; mais, puisque ne la recevriés comme esvangille, je m'an reméteray à seulx
ET DE JEHANNE d'aLBRET. 65
qui l'ont veu pour le vous dire. Et puis après connoistrés que avez besoing de ma faveur que n'espargnerés quant en aurés affaires. Au demourant, ma mie, j'ay veu par la dernière lettre comme Madame la vicontesse1 a mutiné Madame la baillive2 contre vous, et qu'elle s'en veult aller chez elle. Ma mye, vous sçavés combien il y a que je vous ay dit que vostre naturel est de tourmanter vostre mary et tous seulx qui vous ayment. Il me semble que doresenavant vous me pouvés croire, et porvoiez à cella, car il ne vous en aviendroit que honte quant à voz servantes, et à vostre mary peine. Je suis asseuré que avez bonne envie de me croire, et, se faisant, vous vous mecterés hors de peine et moy aussy, et ferons au demourant la milleure chère que nous pourrons , sans parler de chose qui nous fâche ; vous asseurant, ma mie, que je n'eulx jamais plus grant envye de vous voir que j'ay , en sorte que sy le Roy ne me retient par force, je seré vendredy bien près de vous ou en chemin. Vous feré bien de nous envoier la hacquenée grise et la petite noire avecques d'aultres sur le mi-chemin de Guaillon et S1 Germain. Qui sera la fin, ma mie , de vous prier ne trouver mauves la remontrance que je vous fois et pencer que je le fois plus pour vostre repoz et biens, que pour aultre chose que ce soit; supliant Dieu, ma mie, vous entretenir en bonne santé, et vous donner très heureuze et longue vye.
Vostre bon mary et très affectionné amy. Antoine.
(Bibl. nat. Fr. 8746, fol. 59. — Autographe signé.)
1. La vicomtesse de Lavedan , une des dames de Jehanne d'Albret.
