Aymée de La Fayette, voy. page 10, note

Ma mie, il luy a si longtemps que je n'ay eu de voz nouvelles que je crains bien que les premières que j'aray ne maporte de l'anuy; par quoy, ma mie, sy l'occasion en arive telle, je vous prie de me la lesser porter seul, et ne vous en tourmenter ; car pour ung que Dieu nous peult hoster, et ressevant la fortune comme venant de luy grassieuzement, il nous en peult donner une douzaine. Vous scavez davantaige en quel estât vous estes1, qui nous doit donner en telle desgratie grand réconfort. Je sommes encorres tous deulx jeunes assés pour en avoir beaucoup. Remetons en Dieu et nous et nostre affère, et vous verés que bien il nous en viendra. Quy sera la fin, ma mye, de vous asseurer que je ne me portés, il y a longtemps, sy bien que je fois , supliant Dieu nous y entretenir longuement.

Vostre très bon mary et très affectioné amy .

Je vous envoiré la petite selle par lung des contrôleurs demain.

(Bibl. nat. Fr. 8746, fol. 2. — Autographe signé.) 1. Jehanne d'Albret était grosse d'Henri IV.

ET DE JEHANNE d'aLBRET. 67

Ma mie, je ne vous dire par ceste lettre aultres novelles que de ma bonne santé, qui est telle. Dieu mersy, que je le sarois désirer. Au demourant ne voullés laisser, je vous prie, de me mander de Testât en coy vous estes, car je y prens fort grant plaisir et principalement quant je antands qu'il est endémené1 et qui se bouge. Je vous promets, ma mie, que il ne se peult dire plus grant contentement que celluy que m'avez donné par vostre lettre, et je vous prie continuer ; car pour ceste heure vous ne me sçauriez donner plus grant contentement que cestuy là, qui [sera] la fin de ceste lettre faicte en haste, de suplier Dieu, ma mie, vous voulloir entretenir en ceste bonne et louable amitié avecques très bonne vie et longue.

Du camp

Vostre très affectionné amy et léal mary.

Antoine.

(Bibl. nat. Fr. 8746, fol. 16. — Autographe signé.)

Ma mie, je nay voullu faillyr de vous faire sçavoir