LXXXVIII

ANTOINE DE BOURBON A HENRI II

27 avril 1556.

Monseigneur, actendant la responce qu'il vous aura pieu me faire, sur ce que je vous ay escript par le baron de Cramaïl, je ne veulx oublier à vous advertir de ce que je puis entendre de Testât de noz voisins, en ce quartier de deçà, encores que les termes de ceste trefve donnent intermission et repos à beaucoup de discours qui se passent pendant le temps des affaires, où vous sçavez que l'Espaigne ne nous a jamais appresté beaucoup d'occasion de penser, s'estant longuement contenue sans riens mouvoir ou

ET DE JEHANNE d'ALBRET. 113

entreprendre de nostre costé; que l'Empereur toutes fois n'en ayt tiré hommes et argent pour fournir ses entreprises d'ailleurs, il n'y a personne qui l'ignore ; mais aussi, Monseigneur, vous veulx-je bien asseurer, et je vous supplie très-humblement de le croire ainsi, car je le sçay, qu'aujourd'huy ils se retreuvent si despourveuz de ces deux moiens, qu'ils ne pensent pas eulx-mêmes, comme aussi ne fais-je ny tous ceulx qui ont congnoissance de la portée du pais, que non seullement des cinq années que vous avez accordé de la dicte trefve1, mais de cinq autres après, et possible de la vie du dit Empereur et celle du Roy d'Angleterre son filz , ils aient moien de se résourdre ; et de faict , il ne leur vient plus or ny argent de la Nouvelle- Espaigne, qui estoit la source principalle des finances qui tiroient de ce costé icy, l'ayant si bien espuisée qui ne sçavent où en prendre, et suis bien adverty, que s'estant naguères proposé le recouvrement de Bougie2, avec toutes les grandes raisons et remonstrances qu'ilz ont peu desduire, comme d'entreprise regardant seullement la deffence et seuretté d'Espaigne, qui ne se peult myeulx couvrir contre les descentes et courses des Maures, que s'accroissant et fortiffiant en Affrique, qu'encores qu'ilz le voulussent et consentissent en général, tous les moyens néantmoings se sont trouvez leur deffaillir pour ne le pouvoir faire. Première-