La trêve de Vauxelles signée le 15 février

2. Arrivé au faîte de la puissance, Charles-Quint avait cru rehausser sa gloire par des expéditions en Barbarie. En 1535, il avait ramené en Europe 20,000 chrétiens qu'il avait délivrés de l'esclavage; en 1541, il tenta de reconquérir Alger, mais il avait mal choisi la saison, et une partie de la flotte fut détruite par les ouragans.

ment celluy d'ung chef pour la conduire, Je nombre d'hommes suffisans, et de quoy satisfaire à la despence nécessaire d'une telle expédition. Sur quoy, Monseigneur, si vous pouvez fonder quelque chose du desseing de voz affaires, vous prandrez cest advertissement selon l'affection dont je désire vostre grandeur, voyant dimynuer les moiens à ceulx qui pour augmenter la leur ont voulu ruyner tous les autres. Hz tiennent aussy que le roy d'Angleterre1 doit bientost repasser de deçà, commançant les plus grandz du Conseil et du pais, pour lespartialitez qui sont entr'eulx à se fascher de la régeance et du gouvernement de la princesse de Portugal2, et de l'espérance de la venue de l'Empereur auquel ilz ne s'attendent plus. Mais pour ce que vous pouvez estre myeulx adverty de ces deux poinctz que moy, je n'estanderay davantaige ceste lettre, que je crains vous avoir encores faicte trop longue et après m'estre toujours tant et si trèshumblement que je puis recommandé à vostre bonne grâce, je supplieray Dieu , Monseigneur, vous donner en parfaicte santé très-longue et très-heureuse vye.

Escript à Nérac, le xxvije jour d'avril 1 556.

Vostre très-humble et très-hobéissant cousin et subgect.

Antoine.

(Bibl. nat. Clair. 61, fol. 2563. F. 3142, fol. 1.)

1. Philippe II ayant épousé Marie, fille d'Henri VIII, avait le titre de roi d'Angleterre sans en avoir les droits.

2. Léonor d'Autriche, troisième femme d'Emmanuel, roi de Portugal, mariée en secondes noces à François Ier, roi de France, retirée en Espagne, et morte en 1558.

ANTOINE DE BOURBON A HENRI II

6 mai 1556.

Monseigneur, vous pouvez aysément pencer, veu que le principal et plus grandz de mes désirs a tousjours esté fondé sur la recommandation et l'appuy de votre bonne grâce, si l'asseurance qu'il vous a pieu me donner par vostre lettre du xxvje de l'autre mois, qu'elle m'estoit continuée et entretenue autant que je pouvois désirer, en ce qu'il vous a pieu aussi commander de bouche à mon cousin le Baron de Gramail me dire de vostre part, m'ont apporté beaucoup de bien et d'obligation, ne pouvant sentir en moy-mesmes plus de satisfaction de la fidélité et très-humble dévotion dont je vous suis voué que de la veoir receue et recongnue de vous pour telle que je la vous porte. Mais pour ce, Monseigneur, qu'il me semble par quelques propos contenuz en vostre dicte lettre que vous avez oppinion que le président Lagebaston a heu occasion d'entrer en soupçon pour un brevet baillé par Boloigne, l'ung de mez secrettaires, à ung postillon, pour faire tomber entre les mains du prestre de Garritz1, nommé Ghasserii, natif démon Royaulme, qu'il faisoit conduire prisonnier à Bourdeaulx, je saurois voluntiers avant la surprinse du dict brevet pourquoy il avoit ainsi arresté ; car s'il en remect la

1. Village de la Basse-Navarre, près de Saint-Palais (département des Basses-Pyrénées, arrondissement de Mauléon).

raison à quelques mots couvertz qu'il n'a seu entendre, il n'en avoit donné nulle que sa propre passion, quant il partit de Dacqs avecques le dict prestre prisonnier, veu que le dict brevet a esté baillé depuis son partement sur le chemyn .

Toutesfois, Monseigneur, pour vous en esclaircir toute ceste doubte, le dict Boloigne n'a en cela riens faict que par mon commandement, et affin que le dict prestre fust embouché de ne respondre, en sorte que ce fust au dict Lagebaston des advertissemens et practiques du feu roi de Navarre, mon beau père, et miennes, dont j'estois bien adverty qui l'avoit fort jà recherché et interrogé, attiré premièrement par belles promesses pour les descouvrir, et puis intimidé de toutes les rigueurs et menasses, qui estoit assez pour faire varier la fidélité d'ung homme en choses de telle importance que celles cy m'estoit ; et si vous en a esté faict rapport pour penser le contraire, je vous envoyeray le dict Boloigne toutes fois et quantes qu'il vous plaira le me commander pour en estre examiné et enquis. Car du fait d'Alsatte, tant s'en fault que je le vueille en riens favoriser et que mes gens n'en respondent s'ilz en sçavent ou congnoissent quelque chose par présumption, ou aultrement ; que j'ay faict secrettement tout ce qu'il m'a esté possible de ce costé pour en descouvrir la vérité et vous la faire sçavoir puis après; et mesmes depuys que je feuz adverty qu'il eut rompu voz prisons, je donnay commission, tant de bouche que par escript, à six gentilzhommes, pour rechercher et essayer de le prandre et y fais encores tout ce qui se peult faire ; ne le vous ayant point voullu mander, jusques à ce que l'effect,

en le livrant à ses juges, monstrast de quelle punition je tenois coulpable le meschant tour qu'il a faict ; et ne suis point seul en cela qu'il a trompé, veu que partant d'icy pour s'aller rendre prisonnier, et luy ayant baillé le sieur de Belsunce^esmes, son beau père, et autres Gentilshommes, pour l'asseurer et conduire jusques à ce qu'il se fust présenté au dict Lagebaston et autres ses commissaires, il ne parloit que de se justifier, qu'il feroit paroistre son innocence avecques force belles parolles ; et, quant il eust tant soit peu fait de difficulté de s'y vouloir aller rendre, comme il ne feyt, je luy eusse faict mener par force, n'ayant jamais tant désiré chose que les cas dont il est attainct et accusé feussent avérez et vérifiiez; tant pour estre mon naturel de ne pouvoir supporter un acte lasche et infâme, tel que celuy-cy, que pour la recongnoissance du debvoir et de l'hobéissance dont je vous suis tenu : lesquelles ne me deffauldront jamais qu'avecques la vie ; et en ceste affection et volonté me recommandant, Monseigneur, tousjours tant et si très-humblement que je puis à vostre bonne grâce, je supplie le Créateur vous donner en parfaite santé très-longue et très-heureuse vie.

Escript à Nérac le vje jour de may 1 556.

Vostre très humble et très hobéissant cousin et subgect.

(Bibl. nat. Clair. 61, fol. 2569. F. 3138, fol. 3.)