LE CARDINAL DE MEDICIS

Mon cousin , le sieur de La Chappelle des Ursins^ m'a, depuis mon arrivée par deçà, faict entendre ce que vous luy avez escript sur l'occasion du retour du chevallier d*Elbeyne, et dict bien au long le regret que vous avez, que mon cousin le Grand Duc vostre frère ne se soit condescendu et mis à la raison, telle qu'il debvoit; de quoy je n'ay voulu faillir à vous tesmoigner le contentement que j'ay receu, et vous asseurer que c'est chose que j'ay bien aysement creue pour la bonne voUonté que je sçay que vous me portez, laquelle je vous prie me voulloir continuer, demeurant asseuré que de ma part je y correspondray tousjours par tous bons effects, et que vous me trouverez tout autant disposée à vostre bien, grandeur et contentement, que vous sçauriez désirer, ainsi que vous cognoistrez, quand l'occasion s'en offrira, comme vous pourra escrire plus ou long ledict s' de La Chappelle. Sur quoy me remettant, je priray Dieu vous avoir, mon cousin , en sa saincte et digne garde.

Escript à Paris, ce ix* jour d'avril 1687.

Vostre bonne cousine, Catbrinb.

^ Christophe Jouvencl des Ursins, seigneur de La Gbapdie, haron de Traînel. — Voir la note de la p. 979 du I. VIII.

CATHiaillB DB MEDICIS. — IX.

1587.-90 avril.

Orig. Bibl. nat., Poodt français, Noot. acq., n* aSi, ^ gi.

A MONSIEUR LE MARQUIS DE PISANY

Mons' le Marquis, par la despesche que je vous ay envoyée ces jours passés, pour accorder des droictz que j'ay à Rome avec mon cousin le cardinal Fameze^, il a esté obmis d'insérer, dans vostre procuration , pouvoir de prendre en mon nom la possession de mon palay à Rome et de tout ce qui en deppend, et d'aultant que je craindrois, que, à faute de cella, cette affaire se put retarder, j'ay advisë de vous envoyer présentement la procuration qui vous est nécessaire, non seuUement pour ce faict là, mais aussy aflSn que, en vertu d'icelle, vous puissiez envoyer le s*" d'Ossat, s'il est possible, ou bien tel autre que vous adviserez et choisirez, pour aller demander au Grand Duc, et prendre, en son refus, s'il est possible, la possession de tous les biens qui m'appartiennent, estans de ma maison, depuis Cosme le Grand, assis dans les estats de Toscane et Pise, selon et en suivant le conteneu en l'instruction qui en a esté icy dressée par ceulx de mon Conseil : ce que je vous prie voulloir adviser à faire exécuter incontinent après que l'accord avec le cardinal Fameze aura esté exécuté, aflBn d'éviter toutte prescription que Ton vouldroit alléguer à l'encontre de moy, pour n'avoir faict prendre cette possession. Me remettant doncques au conteneu dudict mémoire, je ne vous en diray davantaige, priant Dieu, Mons' de Pisany, vous avoir en sa saincte et digne garde.

Escript à Paris, le xx* d'avril 1687.

Caterinb.

* Le cardinal Alexandre Famèse était le beau -frère de la duchesse de Parme, qui venait de mourir et dont le procès avec Catherine de Médicis durait depuis quarante ans. Le tr palais» dépendait de cette succession.

aC

IMPBIMKItlE IATfOI4I.C.

1587. — s4 avril.

Orig. Bilil. ml. , Ponds tnatùt. No», «cq. fr. , n* tti, ^ 97.

A MONSIEUR LE MARQUIS DE PISANY

Mons'' le Marquis, la lettre que le Roy mons"^ mon filz vous escript est si particulliere, que je n'ay rien à y adjouster, que à me doulloir avecques voos des traverses que Ton luy donne en ses affaires, et spécialement en la ponrsuitte de son dessein contre les ennemis de nostre relligîon et du repos public de ce Royaulme, lesquels je suis très desplaisante ne m'avoir vouUu croire et s'accommoder aux intentions du Roy mon filz, lesquelles n'ont point esté aultres que de reunir eux au giron de TEglise par cette voie beaucoup moins périlleuse que celle de la guerre; et vous asseure que, s'il eut esté question de traiter aultre chose, je n'en eusse pris la charge ny peine que j'ay faicte , ayant [plus] grandbesoing de me reposer le corps et la conscience en l'aage oà je suis , que d'entreprendre toute aultre chose. Je vous prie le dire de ma part à S. S. , luy présentant la lettre que j'ay advisé de luy escripre sur ce subject, en la suppliant de me tenir pour telle que je suis, en ce qui concerne la relligion catholicque, et de voulloir assister le Roy mon filz en ses affaires, lesquelles importent à toute la republicque chrestienne; car, quand ce royaulme aura mal, les aultres pottentatz en pastiront en une sorte ou aultre. Vous la remercierez aussy de ma part de l'eslection qu'elle a faicte de l'evesque de Rresse * pour envoyer résider par deçà, et vous en communiquerez aussy avecques ledict evesque, lequel j'ay tousjours beaucoup aimé et estimé, ainsy que je lui ay particullierement escript

* Uëvéque de Brescia était alors Francesco Moronoi, promu cardinal Tannée suivante. Sixte -Quint Tavait envoyé en France pour réconcilier les Guise avec le roL

par la lettre que je vous envoyé pour luy bailler. Je fais response aussy à l'evesque de Furiy ; et vous prie faire tousjours estât de ma bonne volunté, priant Dieu, Mons' le Marquis, qu'il vous ait en sa saincte garde. Escript à Paris, le xxiv*jour d'apvril 1587.

Catbrine.

1587. — 7 mai.

Orig. Bibl. nat. , Nouv. aeq. fr., a* tSt, ^ loo.

A MONSIEUR LE MARQUIS DE PISANY

Monsieur le Marquis, le s' Rressieu^ qui est lecteur ordinaire du Roy monsieur mon filz, s'en allant encores à Rome, par son commandement, acompaigner monsieur le cardinal de Joyeuse, m'a priëe de vous tesmoigner comme il a tousjours esté et est encores de mes particuliers serviteurs; ce que j'ay bien vouUu faire par la présente , et vous prier, ainsy que je fais bien affectueusement, vouloir en ma faveur départir audict Rressieu de vostre faveur, auctorité et credict, autant qu'il en aurabesoing, en tout ce dont il vous pourra requérir et qui concernera son bien et advancement, sur l'aseurance que je vous fais qu'il est personnage digne de toute gratification, et que j'auray pour très agréable le bon recueil et traictement que je me prometz que vous luy ferez, acompagné des bons offices que vous avez acoustumé de faire envers ceulz qui vous sont recommandez de ma part. Je prie Dieu, Monsieur le Marquis , vous avoir en sa saincte garde.

Escript à Paris, le vu* jour de may 1587.

Dk l'Aubespinb. Caterink.

^ Maurice Bressieu, lecteur en mathématiqoes au Collège royal, avait déjà été à Rome avec François de Luxembourg, duc de Piney. Le 11 septembre i586, il avait harangué Sixte-Quint. — Voir Rochas, Biographie du Dauphiné, t. I, p. 176.

1587. — 10 mai.

Aat. Bibl. imU« PoaOt Cmaçut, n* SS98, ^ tS.

A MON COUSIN

MONSIEUR DE NEVERS

Mon cousin, j'é veu Loné^ presant porteur, et entendu cet que luy avyés donne cherge de dyre au Roy et à moy; à quoy ne vous fayré réponse, vous mendent le Roy sa volonté sur tout; et vous dyré corne anuyt fé ouy le lyeutenent d'Amyan^, qui ha monstre au Roy un memoyre qu'il dyst vous avoyr monstre, lequel, encore qu'il souyt bon et pleyn de zeele à nostre religion et au servyse du Roy, si ese qu'il fault que je vous dye que je ne le trove neulement à propos, pour les reysons que j'é dystes à Loné pour vous dyre; et vous prye, mon cousin, ne croyre que les Pycars sont d'un heumeur que tous les jours yl voldrës faire des asosiatyons de lygues, ayment a remeuer et toutes révoltes, qui lé leserët fayre; mes yl sont ausi aysé à remetre en leur ensien chemyn, car de leur nateurel yl sont afectyonés à leur Roy; et, vous ayent en la bonne aupynion qu'il vous hont, et vous ayment, aysément vous les remeterës en leur ensien devoyr; cet que vous prye de tacher, et les detomer de toutes ses novelles fason; car, encore que pour cet que j'é veu, yl n'y aye aparense pour le presant que toutes bonnes yntantyons, je creyndrè, s'il fesèt cet là, que k la fin vous fusiés en pouyne de trover moyen pour ne les ayfectuer; car croyës que toutes ligues ou unyon, aultres que cet que les sugets devet naturelement à leur Roy, n'aporte jamés byen à l'estast : qui me fayst vous pryer

* Le sieur de Launny, serviteur de la maison de Nerere.

' D* Amiens. — Cette lettre pourrait bien être du 10 mars et non du 10 mai.

de les remetre, come saurés byen fayre, peu à peu, au mesme chemyn que yl etoynt du temps du Roy mon signeur, de ne conestre que un Dyeu et un Roy et une loy, et tenyr cet que, de leur nesanse, yl sont teneu d'observer à leur Roy; car toutes les aultres ynvansion sont prejoudysiable au Roy et à son aultorité, come je vous ay ouy dyre; et j'ann é dyst à Loné pour vous en dyre plus parliculyerement : qui sera cause que, me remetent sur luy, fayré fin, après vous avoyr dyst que je voy à Fayre enTertenoys^, où Monsieur de Guyse me vyent trover; et je l'y parleré de Mesiere, et vous avertyré de tout; et prye Dyeu vous conserver.

De Parys, cet x"** de may 1587*.

. Vostre bonne cousine, Gaterinb.

1587. — 16 mai.

Aot. BiM. ool. , Foods fraoçait, n* 3S85, ^ Ug.

A MONSIEUR DE VILEROY.

Monsieur de Vileroy, come je me suys retyrée à se souyr, l'on m'è veneu dyre que Monsieur de Guyse ha envoyé un couryer ha Boysonpiere * pour me venyr trover, et qu'il

^ Fère-en-Tardenois (Aisne), arrond. de Château- Thierry. — Dans sa leUre du 11 mai 1687 «à mon cousin le duc de Nyvemois, mon lieutenant gênerai en mon pays de Picardien, Henri III «jootaii en post^criptum : «Gomme je voullois signer ceste lettre, j*ay advisé que la Royne, ma dame et mère, au lieu d'aHer à Montereaux, s*en va à Fere en Tardenoys, pour veoir plus commodément mes cousins les ducz de Guyse et du Mayne et cardinal de GuyseT?.

* £11 wMrge : trEt ausi aiant pour remetre ses meneus, come il est besouyn, pour le bien du senryse du Roy; si Ton fesèt sela, entrerèt davent^ la defiense et nuyrèt à ma negotyation, que j'ë dist à Loné.»

' Bassompierre, avec , Mayenne et Mercœur, avait quitté Paris le mois précédent à la suite de dissentitimenls avec le roi.

sO.

sera ysi loundy , et que Monsieur de Guyse ne me vyendra Irover qu'il n'aye eu réponse de Boysonpiere et savoyr ie lyeu que yl aura areté aveques moy pour nous voyr, et que lé jan d'armes et aultres jans de guerre, qui sont en ses cartyers, ie metet en grende supeson; qui m*a fest yncontynent en escripre au Roy mon fiis, pour le suplyer qu'il ne vyegne ryen de cet coûté qui le puyse mètre en defianse : yl y sont asés aultrement. Je voy que sesi yra en longueur; je vous prye luy porter ma letre et le suplyer de me fayre yncontynent savoyr l'ordre qui luy aura donné; car, m'en parient Boysonpiere, je luy dyrës : sela ayct fest; se serët guagner aultent de temps. Je vyns arsouyr^ ysi, pour fayre demeyn mon joubilé; mes je m'en retourne loundy à Monceau, car j'é peur que de troys jour je n'en partyré, après que je ann é parié à luy; car avent quil aye la réponse, cet temps là pasera. Je prie ha Dyeu qu'après tant de dyficultés, je puyse faire chause qui contente le Roy.

De Meauls, cet xvi"* de may i585.

GiTBRIIlB.

1587. — 17 mai.

Aat. Airljhes de Turin.

A MON FILS

MONSIEUR LE DUC DE SAVOYE

Mon fils, je vyens de recevoyr de vos le très par cet couryer, par lesqueles me mendés que l'ynfente ma petyte-fille ayst acouchée d'un fils, de quoy je loue Dyeu et de l'aseuranse que me donnés qu'ele cet porte byen et Tenfant. Je prye Dyeu vous contyneuer tous quatres, père et mère et les deus petys, longue-

^ Artouifr, hier soir.

ment en cete bonne aystact, et que sovent je puyse avoyr de tele joye; car quant je panse à mon malheur de m'en n'estre veu dys et ne en avoyr plus que deus, je désire que cel qu'enn é eu d'euls et vous, qui ayste neveu de cet que j'é tent aymë et honnoré, en puyse faire tent, qui renovellent ceuls que je n'é plus : qui me sera une consolasion à tent de mauls que j'é heu; et vous dyré aveques veryté que un de mes ausi grens désirs, c'èt de povoyr avoyr le contentement, avant mouryr, de vous voyr tous : cet que je prye à Dyeu m'en fayre la grase , et vous conserver en bonne santé.

De Meaulx, cet xvii"* de mey 1587^.

Votre bonne mère,

Gatbrinb.

Aut. Arebivw de Taria.

A MON FILS

MONSIEUR LE DUC DE SAVOYE

Mon fils , j'é reseu voire letre et entendu , par celé que votre hambasadeur aystent à Parrys^ m'a escripte, cet que luy avés comendé me dyre. Je vous prye croyre que je ne seré jamès en duste de votre bonne volunté, m^aseurent que depuys qu'estes nay n'estes de la myene; car j'é trop aymé et honnoré Madame votre mère pour n'aymer le fils. Je n'é ryenentendeu de cet que m'a mendé vostre hembasadeur, ne m'enn eye ryen ayscript le sieur d'Astor ; et quant je m'asseure que je ne perdre

* Au dot : t(k moQ fils moDÔeur le duc de Savoye». ffLa royne mère se resjouit du second fils qu*î a plut à Dieu coQceuder à V. AU**». — Sur ce second eofant de Gharies-Emmanuel et de Tinfante petite-fille de Catherine de Médicis, voir la note 9 de la page 1 a.

' René de Lucinge, seigneur des Alimet.

jamès la bonne aupinion de l'amyty^ que m'asseure me portes, je prye Dieu vous conserver.

De Aumaile, cet xxii"* de may 1687^

Je vous prye fayre mes recomendatyons alla ynfente; je loue Dyeu de sa bonne santé et de vos enfans.

Votre bonne mère,

Catbrink.

1587. — 9& mai.

Orif. Bibl. nat., Foodf franfdt, o* k^ik , (^ 189.

AU ROY MONSIEUR MON FILZ

Monsieur mon filz , je couchey hier h Fismes^, distant de siz lieues de ceste ville, où j'arrivey hier soir de bonne heure. Mes cousins les cardinaulx de Bourbon et de Vendosme, et mes nepveuz les cardinaulz de Guyze et de Vaudemont, ducz de Guyse, de Mayenne et d'Elbeuf veindrent au devant de moy environ quatre lieues, ayans disné h trois d'icy sur le chemin, et me veindrent rencontrer par les champs. Mondict cousin le cardinal de Bourbon les me présenta tous : estant en ma lictiere, je les baisay, excepta mondict cousin le cardinal de Bourbon, a qui je dyz expressément qu'il estoit de ma trouppe. Après quelques propos commungs et generaulz, ilz allèrent rencontrer ma petite-fille' et mes cousines de Nemours et de Montpensier, où ilz demeurèrent assez longtemps derrière, et puis me veindrent retrouver et accompaigner. Sur

^ Au do$ : ftlA royne mère a receu vos leltres avec celles que luy a escript l*amb', dont elle est bien asseorée de votre bonne volonté de laquelle jamais ne doobtera. — (Notation de la chanedUriê de Savoie,)

* Fismes (Marne), à 98 kilomètres de Reims. La princesse Christiiie de Lorraine.

le chemin, nous devisasmes de propos commungs et continuasmes par intervalles, ledict jour d'hier, devant et après soupper. Leur ayant (aict congnoistre par mes propos vostre bonne volunttf et celle que j'apportois aussi sur l'occasion de ce veoiaige, le tout en parolles generalles, pariant avec lesdicts ducs de Guyse et de Mayenne, je recueillyz d'eulz, premièrement dudict duc de Mayenne, qui se rencontra près de moy, comme ilz estoient sur le poinct de se retirer après souper, qu'il n'a rien en plus grand désir que d'avoir l'heur de vostre bonne grâce et de vous pouvoir faire service, pour lequel il monstre de se voulloir rendre très affectionné; en quoy je le confortay de toutes les bonnes parolles dont je me peuz adviser. Toutesfois il me deist qu'il desiroit, et estoit besoing qu'il allast bien lost en Bourgongne, pour ce qu'il avoit eu ad vis que les choses commançoient à s'y brouiller. Sur quoy, je ne luy respondyz aultre chose, sinon qu'il falloit achever icy ce bon œuvre. Et aflin que ledict duc de Guyse, qui estoit jà retourné pour se retirer, ne pensast poinct que je voulusse parier à part à sondict frère, je l'appellay, où aussi il monstra désirer que mondict veoiaige apportast quelque bonne utillité au bien de vostre service, pour lequel aussi , sans toutesfois entrer en aucunes particuUaritez, il me declaira pareillement toute bonne volunté et affection; et remismes à aujourd'huy pour commancer nostre conferance, aussi que mondict cousin le cardinal de Bourbon ne veint poinct après soupper. Depuis qu'ilz feurent partyz de ma chambre, je veyz la depesche qu'il vous a pieu m'addresser, par le vallet de chambre Dideron, pour la prolongation de la trefve du costé de Sedan; ayant faict fermer les lettres qui estoient à cachet voilant, qu'escripvez à icelluy s' duc de Guyse, auquel ledict Dideron les a pre-

sentées ce matin. Et ceste après-disnée, après avoir advisë avec les s" de ViHequier et de Beliievre, comme nous négocierons avec ces princes qui sont icy, nous nous sommes assemblez en mon cabinet, où sont seullement entrez mesdictz cousins les cardinaulz de Bourbon, de Yendosme, de Guyse et de Vaudemont, et nepveuz les ducz de Guyse, de Mayenne et d'Elbeuf, et les s" de ViHequier, de Beliievre, de Lanssac et le secrétaire Pinart. Je leur ay premièrement parlé de la trefve du costë de Sedan , surquoy ledict s' de Beliievre a pris la parolle, comme nous avions advisé, et a en cela fort bien représenté les choses selon vostre intention; mais ledict s' de Guyse prenant ce propos, s'est assez longuement estendu, en nous représentant que, sans ladicte trefve, ceulz de Sedan et de Jametz estoient très mal et reduictz en telle nécessité, qu'il estoit bien facille, en peu de temps, de les avoir, et que icelle trefve leur avoit esté fort utille à se pourveoir de grande quantité de grains, vins et aultres victuailles ; que ton* tesfois, il esperoit que Ton les auroit bien tost si Ton voulloit, et qu'il avoit quatre cens chevaulz qui seroient bientost de ce costé-là, lesquelz il falloit ad viser de faire paier. Parlant aussi, par mesme moyen, du payement des garnisons de son gouvernement, dont il se plaingnoit qu i estoient si maltraictez et que Ton les avoit réduites à si petit nombre, que, sans le soing qu'il en avoit et l'argent qu'il bailloit de sa bourse, l'on perdroit tous les jours des places, comme l'on avoit cuidé faire Soissons, dont il ne se faisoit pqinct de justice; qu'il y ayoit sept ou huict entreprinses qu'il avoit descouvertes, que ceulz de Sedan et leurs adherans de ces quartiers-là taschoient tous les jours d'exécuter; qu'il y en avoit qui tenoient deuz ou trois prisonniers, lesquelz avoient estez jugez par la justice de ceste

ville pour entreprinses qu'ilz avoient sur Gbaaions, Mouzon^ et aultres mauvaises voluntez, dont ilz estoient convaincuz; qu'il y en avoit à Paris (dont il doibt bailler les noms audict s' de ViHequier, comme je l'en ay prié, pour les faire prendre) qui estoient desdictes entreprinses, et m'a priée que Monsieur de Beliievre et ceulz de vostre Conseil qui sont icy veissenl le procez desdicts prisonniers estans jugez icy, avant qu'on les feist exécuter. Ayant encores plusieurs fois reitéré qu'il luy falloit faire bailler argent pour le payement desdictz quatre cens chevaulz et pour lesdictes garnisons, d'aultant qu'il ne peult plus les paier de sa bourse, ne voullant poinct tomber en ceste honte que les gens de guerre feussent à charge au peuple en son gouvernement, et qu'ilz n'a voient receu qu'ung mois de payement en huict mois de service ; pressant fort pour ledict argent; sur quoy je me suis remise audict s' de BeHievre et à la charge que luy en avez donnée; mais il monstroit n'estre poinct content, disant qu'il estoit trop petit compaignon pour suporter ceste despence. Il a aussy parlé, et ledict s** cardinal de Bourbon encores, dudict Soissons et de l'importance dont il est, le grand préjudice que se seroit à vostre service, si elle se perdoit, et qu'il faUoit faire justice de ceulz qui l'avoient vouUu surprendre et des adherans des environs; luy ayant respondu sur cela que vous aviez fort expressément recommandé ce faict , que vous aviez merveilleusement à cueur, et aviez, par leur advis, faict mener en la conciergerye du pallais à Paris, les deuz prisonniers qui estoient audict Soissons. Sur quoy ledict s' cardinal de Bourbon a dicl ([u'il avoit sceu qu'on les avoit voiremant menez audict Paris, mais qu'il avoit aussi entendu que c'es-

* Mouzon (ArdeniMs), arrondissement de Sedan.

loil pour les faire sauver; ce que je luy ay dici qu'il ne debvoit pas croire; mais qu ilz estoient devant ceulz du parlement qui en feroient bonne justice. Ledict s*" cardinal de Vaudemont demande aussi que justice soit faicte de ce qui s'est faict depuis ladicte trefve accordée, prétendant qu'il n'y a poinct deu avoir de discontinuation, d'aultant que aviez escript la continuer, auparavant qu'elle feust fmye. Nous ayant aussi dict, et ledict s' de Guize pareillement, que les habbitans departis des villaiges de l'evesché de Verdun se Youlloient remectre soubz la protection du roy d'Espaigne, et qu'ils estoient prestz de ce faire, puisqu'ils estoient si mal protejez de vous contre lesdictz de Sedan et Jametz, qui leur faisoient de grandz maulx et sacrilèges abominables, dont vous a jà esté envoyë ung mémoire; concluant tousjours neantmoings icelluy s" cardinal de Vaudemont à ladicte continuation de trefve, que enfin ledict s' de Guyse a accordée pour jusques et comprins le XX"* du mois prochain M me priant d'en escripre , comme j'ay faict fort expressément , au-

^ Il y avait entre les catholiques et la reine mère des défiances réciproques, que les entrevues ne dissipaient pas. Un mms plus tard, le duc de Guise, écrivant le a 5 juin à Tambassadeur de Philippe II, Bemardino de Mondoza, lui disait, en annonçant Tentrée des retires allemands en France : «ray bii>n levé des troupes, nmb fatgent n*est pas encore arrivé de Flandre; j^ay •dviflé de depescber après vous Mous' le duc de Parme , afin qu'il luy plaise nous secourir en ce besoin des sommes portées par nostre traité. . . La trêve que la royne mère a accordée contre ma volonté , en ce dernier voyage, à ceux de Sedan, pour leur donner moyen de s'aller joindre aux forces estrangeres, vous doit assex tesmoigner le but de ces desseings, qui sont de laisser entrer les eslrangers, afin que, venant dedans Paris après tant de ruines, ils forcent les catholicques A demander une paix bonleuse. J*espere toutefois venir â bout de ces intrigues, n — (Archives de Sinumeoê , B , 58 , 169, cité par Capefigue dans la Réforme et Ui Ligue,

t. vi, p. 337.

dict duc de Bouillon, afQn d'accorder ladicte continuation de trefve, nous ayant tenu ce faict là assez longuement. Puis je luy ay parlé de la restitution de voz places ( n Picardye, leur disant que je m'asseurois que cela s'estoit faict sans leur sceu, que toutesfois c'esloit une chose qui repugnoit fort que cela eust esté exécuté par les cathollicques, qui debvoient au contraire estre tous unyz à vous et à vosti*e bonne et saincte intention. Chacun d'eulz a parlé en cela sans aultre ordre, disans vrayement qu'ilz n'en sçavoient rien et qu'ilx en estoient bien marryz; mais veoyant qu'ilz ne respondoient aultre chose, j'ay encores par deuz fois reprins ce propos, pour faire faire ladicte restitution. Hz m'ont seullement respondu que, suivant ce que leur avoit jà dict de vostre part ledict s' de Bellievro, ilz avoient envoyé en Picardye et esperoient avoir incontinant nouvelles de mon cousin le duc d'Aumalle, lequel seroit ou envoieroit bientost icy. Mais veoyant qu'ilz ne me respondoient aultre chose, je leur ay replicqué que vous aurez occasion de mescontentement, s'ilz ne vous satisfaisoient en cela, et que ce qu'ilz me disoient maintenant n'estoit que ce qu'ilz avoient dict à icelluy s' de Bollievre, que partant je les priois de s'ouvrir davantaige en ce faict et qu'ilz y regardassent ensemblement, se retirans, conmie ilz ont faict, au bout de mon cabinet. Et, après avoir ung peu de temps conféré, sont revenuz, ayant mondict cousin le cardinal de Bourbon , qui portoit la parolle, dict en substance qu'ilz vous estoient très humbles, très obligez et très affectionnez serviteurs , et que vous trouveriez en eulz toute l'obéissance et affection que pourriez désirer; qui a esté cause que, veoyant qu'ilz me parloient ainsi en termes generaulz et ne me particuliisant rien de ladicte restitution des villes de Pycardye, je les ay encores

admonnestez en cela de faire et faire faire comme la raison et leur debvoir envers vous les y a obligé, et que c^estoit ce que je leur pouvois dire, les ayant mis aussi en chemin de parler, s'ili se voulloient ouvrir et s'exprimer franchement; mais ilz n'y ont nullement voullu entrer, et veoy hien qu'ilz eussent hien vouHu entendre premièrement tout ce que j'ay de vostre intention. Toutesfois, veoyant que je les remectois tousjours k parler, leur disant que je me fascherois fort de m'en retourner conmie je suis venue, mondict cousin le cardinal de Bourbon m'a encores dict ces mesmes propos pour eulz tous, qui est que vous trouverez en eulz Taflèction et la très humble obéissance que vous pourriez désirer. Et sur cela, encores que je ne me soustienne pas bien, je me suis levée, et approchant d'eulz, leur ay dict qu'il falloit procedder plus franchement et nous reunyr tous catholicques, aflBn de faire ung bon debvoir et nous retirer des maulz et peynes où nous sommes. Mondict cousin le cardinal de Bourbon a respondu que c'estoit ce qu'il falloit faire; et que ceste après-disnée seroit pour la course des dames, et que se rassembleroient demain au matin, et que l'après-disnée ilz me reviendront trouver; n'ayant voullu faillir de vous rendre compte par ceste lettre de ce qui s'est passé hier et aujourd'huy avec eulz, en attendant que nous entrions plus avant en matière.

Cependant je vous diray, Monsieur mon filz, qu'il est neccessaire que vous depeschiez et renvoyez promptement ledict de Cussi audict s' de Bouillon et qu'il passe par icy, avec vostre intention sur les poinctz de sa charge qui requièrent responce, affin de parachever les choses et les réduire pour le faict dudict s' de Bouillon et de ses places, ainsy et de la façon qu'avez advisé. Il me prioit

de luy envoler ung passeport pour envoler ung gentilhomme vers vous et ung aultre vers mon cousin le duc de Montpensier sur la mort de feu sa mere^ dont je Tay remis à vous, qui en ferez ce qu'il vous plaira. Cependant je prie Dieu, Monsieur mon filz, vous donner, en toute prospérité, parfaicte santé, très longue et très heureuse vye.

Escript à Rheims, le xxim"^ jour de mai

Vostre bonne et très afectionée et hobligé mère,

Gaterinb.

1587. — 95 mai.

Copie. BiM. oaU, Fondt fraafus, n* A78A, f^ 19t.

A MON CODSfN