CUL

Original, Chàleau du Four.juevaiix ; copie, Ms. fr. 10752, pp. 719-720.

Sahit-Germain-en-Laye, 24 juillet 1570.

A MoiNsiEUR DE Fourquevaulx, mon conseiller, chevallier de mon ordre et ambassadeur en Espaigne.

Mons"" de Fourquevaulx, Je ne me veulx icy arrester à vous fere longue lettre tant pour responce aux depesches que rïi'a apportées Tregouyn que pour vous fere entendre Testât de mes afferes, d'autant que je suis desliberé vous renvoyer dedans deux ou troys jours La Salle vostre homme; pour toutes ces causes, ceste cy est seullement faicte pour vous advertir que estant arrivé hier Musset, il m'a dict avoir esté sy fort pressé par des voUeurs entre Bourdeaulx et Limoges, qu'il a esté contrainct pour se sauver quicler tous ses pacquetz petitz et grandz ; lesquelz sont tumbez entre les mains desd. volleurs, qui sont de ceulx qui portent les armes contre moy. Et pource que je double que en ce que m'escripviez il y ayt chose d'importance, dont il soyt nécessaire que je soys alverty et informé pour le bien de mes alîeres, j'ay advisé vous depeschor ce courrier en toute dilligence, pour vous prier de m'envoier par luy ung dupplicata de la depesche que me faisiez par led. Musset; à laquelle vous adjousterez encores ce que aurez depuis aprins. Et n'estant la présente à aultre fin, je pryeray Dieu, Mons' de Fourquevaulx, vous avoir en sa sainte garde. Escript à S' Germain en Laye, le xxiiij'' jour de juillet 1570.

Cn ARLES.

De Neufville.

•294 c. DOUAIS. 204

Original, Château de Fourquevaux ; copie, Ms. fr. 10752, pp. 7i6-753. Saint-Germain-en-Laye, 29 juillet 1570.

A Monsieur de Fourquevaulx, chevalier de mon ordre et mon ambassadeur en Espaigne.

Mons'' de Fourquevaulx, Il y a deux jours que je vous ay depesché en toutte dilligence ung courrier pour me rapporter le dupplicata des lettres que m'escriviez par Musset, pource qu'il avoit esté deslroussé de tous ses pacquetz entre Bordeaulx et Lymoges par ceulx qui portent les armes contre moy en retournant me trouver. Je vous escripvois par led. courrier que bientost je vous renvoirois La Salle vostre homme ; je differois sa depesché pour veoir premièrement la fin de ceste negotiation de paix, affin de vous adverlir par luy de ce qui en succederoit. Mais m'estant ce jourd'huy venu trouver don Francés de Al[a]va, aTibassadeur du Roy Catholicque, mon bon frère, les propoz qu'il m'a tenuz m'ont tellement esmeuz que je me suis résolu vous depescher incontinant led. La Salle, sans davantage attendre la resolution de lad. paix ; laquelle advenant, vous sera par autre mandée dedans peu de jours.

Vous serez doncques adverly, Mons'" de Fourquevaulx, que led. don Francez m'estant venu trouver, ce matin, sans neantmoings, contre la coustume, me faire demander audience, combien que je fusse prest à monter à cheval pour aller à l'assemblée, je ne l'ay voullu remectre à une autre fois pour le respect que je porte au Roy, mond. bon frère, son maistre, à cause de l'amitié qui est entre luy et moy, et luy ay donné loisir de me dire ce qu'il desiroit. L'occasion de sa venue a esté sur le retour dud. Musset dont il avoit esté adverty. Je luy ay aussilost faict entendre comme il avoit esté voilé et destroussé de ses pacquetz par les chemins, dont j'avois ung extresme regret pour deux causes. Premièrement, pource que les depesches que vous m'escriviez

csloient tujibéos enii'e les mains do coulx qui portent les armes contre moy, qui par ce moien en feroient leur prolScl;, el que je ne serois cependant adverty de ce que me mandiez; ce qui doublement prejudicioit à mon service. Secondement, pource que led. Musset iiravoit dict avoir esté chargé de pacquelz du Roy, mond. bon frère, pour led. don Francez, qui luy avoient esté samblablement estez. Que j'avois aussitost envoie vers les depputez des princes de Navarre et de Gondé, qui sont icy près de moy, pour les admonester d'escrire à leurs gens de me fere recouvrer lesd. pacquetz ; qui esloiL tout l'ordre que je y pouvois donner poiu- la malice de ce temps, qui m'empeschoit, commectant ceulx qui ont destroussé led. Musset, tous les jours, plusieurs autres sortes de meschancetezet volleries sur mes bons subjectz, les pouvoir fere punir comme je desirerois et qu'ilz meriteroient. Conclusion led. Musset m'avoir asseuré débouche que le Roy, mond. bon frère, estoit en bonne ScUité quant il est party de Madril, et mes petites niepces ses filles; nouvelle qui m'aidoit à fere passer une partie du desplaisir que j'avois de la fierté de ma depesche et pacquetz, le priant de prendre consolation ensemblement, et se resouldre en ceste perte comme moy et escrire pour avoir le dupplicata de ce qu'on luy mandoit. Led. ambassadeur, au lieu de recevoir, comme il debvoit, ce que dessus pour veritté, m'a avecque panjlle superbe et plainnc d'insolence, respondu (ju'il scavoit bien que led. Musset estoit arrivé à bon [)ort avecques tous ses pacquetz sans en avoir perdu pas ung seul par les chemins ; que s'il en avoit esté destroussé, se avoit esté [lar catholicques, desquelz il me prioit fere faire pugnition exemplaire, pour monstrer voulloir conserver l'amittiéet bonne intelligence qui est entre son maistre et moy, sinon qu'il auroit grande et juste occasion de s'en plaindre. Vous pouvez penser, Mons''deFourquevaulx, de quelle sorte j'ay receu ceste responcc du'l. don Francez. L'alfection que je porte au Roy, mond. bon frère, son maistre, et le désir que j'ay tousjours eu, duquel je ne me deppartiray jamais, de conserver l'amittié qui est entre nous deux, me l'a faict recepvoir patiemment. Et combien que

296 c. DOUAIS. 296

saresponce si inepte ne feust capable d'aucune replicque, attendu que j'ay autant ou plus d'inlerest en ce faict que nul autre, qui me doibt assez induire à recliercher que la pugnition soit faicte des volleurs ou de recouvrer mes pacquetz, toutesfois je l'ay bien voulu prier de se voulloir représenter ce que j'ay, depuis mon reigne, faict pour entretenir nostre commune et mutuelle amittié ; à quoy je me suis estudié autant qu'il m'a esté possible, dont mes actions passées rendent assez de tesmoignage pour ceulx qui les ont vouUu considérer, comme il doibt avoir faict, sans s'imprimer en la teste légèrement que je veuille maintenant m'arrester à faire prandre ung pacquet, ou resceller les voleurs d'iceluy, pour par là commancer d'altérer ce qui est du devoir de nostre commune amitié, que je veulx au contraire rendre! immortelle. Tant s'en fault que led. don Francez pour lad. responce se soit aucunement modéré et contante, qu'il nous a dict, à la Royne Madame ma mère et à moy, que ne avions jamais faict aucune chose qui deust donner occasion au Roy, son maistre, d'estre certain de nostre amitié ; ains que luy avoit faict pour nous tout ce que avions voullu et requis. Mons"" de Fourquevaulx, ceste parolle m'a tant despieu que n'estoit que je suis certain que le Roy, mond. bon frère, ne l'en advoura jamais, estant le contrere si clair et évident comme il est, je aurois ung extresme regret aux choses passées; je veulx et vous prie, incontinant la présente receue, que l'aillez trouver pour luy faire tout ce discours, et luy dire que je me plainctz extresmement de telz propoz si insol.ens que m'a tenuz son ambassaileur, que pour rien du monde je ne souffrirois si ce n'estoit pour son respect ; joinct, comme j'ay dict, que je tiens pour seur qu'il ne l'en advoura; à ceste cause, que je le prie d'en escrire de bonne façon à sond. ambassadeur, luy commandant bien expressément de ne me tenir plus telz langages, puisqu'il veult entretenir et conserver nostre commune amittié et bonne intelligence ; mais au contraire d'y procedder modérément, comme il doibt, recongnoissant les bons offices qui se sont faictz d'ung costé et d'autre, comme de ma part je veulx faire pour conserver nostre amillié. Vous luy direz

pour fin quo je ne soutî'riray [)liis qu'il nie tienne telz propoz. Vous advisant, au reste, que je donneray tout l'ordre à moy possible pour recouvrer lesd. pacquelz, autant pour le regard du Roy, rnond. bon frère, que [)Our mon interest ; et dès demain j'envoiray led. Musset vers led. ambassadeur pour luy faire entendre plus parlicuUierement comme la chose est passée, ne vouUant, pour cause quej'aye d'estre mal satisfaict de luy, différer de faire tout ce qui sera de mon pouvoir pour le conlanteret luy ester de l'oppinion avecques la veritté ce qu'il s'y est imprimé par fantaisie et soupçon mal fondé.

Au reste, vous dehvez scavoir que, m'estant venuz trouver en ce lieu les depputez de la Roy ne de ^'avarre, des princes de Navarre et de Condé, et de ceulx (jui les accompaignent, j'ay commancé à enfoncer moy mesmes ceste négociation de la paix, laquelle j'ay tellement acheminée que j'espère, avecques l'aide de Dieu, y mectre bientost une bonne fin pour le bien et repoz de mon Royaulmeet au contantement de tous mes subjectz avecques l'honneur de Dieu et pour son service. Néanmoins il y a encores quelzques difficultez ; pour lesquelles resouldre deux desd. depputez sont allez vers lesd. princes, qui doibvent estre icy de retour dedans deux jours. Cependant pour garder, se continuant la guerre, qu'il ne survienne quelque nouvelle cause d'aigreur, et aussi pour soullager d'autant mon pauvre peuple, j'ay faict une suspension d'armes jusques à la fin de cested. négociation; de laquelle, avecques l'aide de Dieu, je recepvrai le fruict que j'espère, et que reunissant mes subjectz les ungs avecques les autres, je serai esgallement obey ; qui me sera ung meilleur moien de me conserver en bonne amittié avecques le Roy, mond. bon frère, ainsi que je désire; ce qui aydera et servira pour le bien de toute la chrestienté. Ayant esté bien ayse d'entendre par vostre lettre du seize de juing que le Roy, mond. bon frère, ait accordé avecques une partie desMorisques; espérant que les autres prandront exemple sur leurs compaignons et qu'il demeurera en repoz de ce costé là. Vous vous en rejouirez de ma part avecques luy, luy disant que je particippe au contantement (ju'il a, quant

?98 c. DOUAIS. 298

ses afferes preingnent lo bon chemin qu'il désire, non moings que si c'esloit aux miennes propres. Priant Dieu. Mons«"de Fourquevaulx, vous avoir en sa garde. Escript à S* Germain en Laie, le XXIX® jour de juillet 1570.

Charles.

De Neufville.

Original, château de Fourfjue^'aux; copie, Ms. Ir. 10752, pp. 879-881.

Saint-Germain-en-Laye, 4 août 1570.

A Monsieur de Fourquevaulx, chevallier de mon ordre et mon ambassadeur en Espaigne.

Mons"" de Fourquevaulx, Le cappitaine Petre Paul Delphine Corse, l'un de mes bons et affectionnés serviteurs, m'a faict entendre que, vingt huict ans sont et plus, il presta à Jehan Anthoine Corse, marchant demeurant à Se ville, en Espaigne, ; cinq cens soixante ducats comptant avec grande quantité de marchandise, à la charge et condition de partir ensemblement le : proufBct de lad. marchandise et de faire la restitution desd. deniers, sept moys après le prest. Depuis lequel temps n'a led. ; Corse faict restitution d'iceulx derniers, quelque semonce et prière qu'il en ave sceu faire ; et s'est tel lement approprié de la marchandise et deniers et avecq iceulx a tellement tralBcqué et advancé que l'on dict qu'il est aujourd' huy riche de plus de sept cens mil ducatz, sans en faire part aud. Petre Paul, qui prétend ne luy pouvoir moins demander et recevoir que la somme de deux cens mil ducatz. Pourquoy il l'a faict convenir en justice en Espaigne ; mais à l'occasion des guerres survenues dehors mon B.oyaulme et en iceluy, èsquelles il s'est tousjours bien et vertueusement employé pour mon service et de mes prédécesseurs, à nostre grand contentement et satisfaction, il n'a [leu continuer sa poursuitte, de sorte que tout est demeure là, à son

299 LETTFŒS DE THAIiLES IX. 299

grand préjudice, dommaigeet perte, et avec plus d'indignité que led. Jehan Anthoine s'est faict riche par ce premier moyen et prest dud. Petre Paul : dont néanmoins il se rend tant ingrat envers luy, soubz l'asseurance principallement qu'il est appuyé et favorisé d'aulcuns grands seigneurs d'Espaigne ; et d'aultant, Mons"" de Fourquevaulx, que telle chose n'est raisonnable, mais que justice soit rendue à ung chascun ainsi qu'il luy appartient, j'ay bien voulu pour l'interest commun, et aussi particullierement en considération d'iceluy Petre Paul, et de ses bons et agréables services qui me le rendent bien recommandable, vous escrire la présente en sa faveur et prier surtout que desirez faire chose qui me soit agréable, de vous employer en tout ce que vous pourrez et faire, s'il est possible, que led. Petre Paul obtienne ce qui est sien et puisse recouvrer lad. somme de deux cens mil ducatz, ou aùltre somme que de raison. J'en escriplz une pareille lettre que la présente à mon cousin le prince d'Ivoly ; et me veulx bien asseurer et promectre que si vous embrassez ce faict icy comme vous ferez et que je vous en prie, il reusciraàbien et n'y aura par icy aulcune occasion de plaincte dud. Petre Paul ; lequel en somme je vous recommande comme ung bien bon et affectionné serviteur, qui mérite du bien et de l'advancement, et encores plus qu'on luy conserve ce qui [luy] appartient. Sur ce, je supplie le Créateur qu'il vous ayt, Mons"" de Fourquevaulx, en sa très saincle et digne garde. Escript à S' Germain en Laye, le iiij'' jour d'aoust 1570.

Charles.

De Neufville.

300 c. DOUAIS. 300

GLV.

Original, Château de I-'oiirquevaux; copie, Ms. fr. 10752, pp. 756-759.

Siiint-Germai)i-en-Laye, 13 août 1570.

et mon ambassadeur résidant en Espaigne.

Mons"" de Fourquevaulx, Par mes précédentes depesches je vous ay escript et mandé comme j'estois après à mectre fln aux troubles qui estoient en mon Royaume par la douceur, ayant congneu par le succez de tant de mémorables victoires qu'il avoit pieu à Dieu me donner soubz la conduicte de mon frère le Duc d'Anjou, n'estre sa vollunté que je sortisse desd. guerres par les armes. Ce qui m'a d'autant plus faict resouldre à fere lad. paix parmy mes subjectz a este aussy pour congnoistre la guerre ne se pouvoir plus continuer sans la lolalle ruyne de tous mes subgects et de mond. Royaume, ayant esté les maulx qu'elle avoit produictzsy extresmes et plains de vioUences speciallement sur mon pauvre peuple qu'il estoit hors d'aleyne, prest à succomber et entrer en desespoir ; lequel eust faict naistre telz desordres qu'il m'eust esté impossible de y pouvoir jamais remeddier. Pour lesquelz prévenir, il a pieu à Dieu remectre la paix en mond. Royaume et reunir mes subgects en amitye et concorde les ungs avecques les autres. De quoy j'ay bien voullu aussytost vous advertir par porteur exprès, affin de le fere entendre au Roy Calholicque, mon bon frère, et vous eu resjouir avecques luy, m'asseurant que ceste nouvelle ne luy sera moings agréable que je recoitz de plaisir quant je veoy ses afferes prospérer. A quoy vous adjousterez le désir extresme que j'ay de conserver l'araytié etbonne paix qui est entre nous deux, ainsy que je luy feray congnoistre tousjours comme j'ay acoustumé de faire par les effectz; je luy escripts une petite letre en créance sur vous, alîin que ayez cause de luy dire ce que dessus. Davantaigc vous

jlll LETxnKS DE CHARLES IX. 301

liiy ferez entendre que m'ayant le duc d'Alve faict dire par les'' (louFrancezde Alava,son aml)as:=;adcur, quMl esloil adverty eslre sorly de La Rochelle uuggranil nombre de vaisseanlx [)onr donner empeschement à la Royne Calholicque, ma bonne seur, sur son passaige en Espaigne, j'ay, aussylost que lad. paix a esté conclue et arrcstée, escript à ma tante la Royne de Navarre qui est en lad. ville de La Rochelle, qu'elle donnast ordre qu'il ne fusl ryens entreprins par lesd. Rochellois ou autres de mes subgeclz qui se seroient mis en mer sur lad. Royne, ny par cy après sur les subgects dud. S"" Roy Catholicque, mon bon frère, ayecques lequel j'estois tellement desliberé de conserver paix et amitié que je ne voullois que mes subgectz courussent aucune chose au contrere, estant bien resoUu de bien chastier et punir tous ceulx qui ne m'obeyroient encest endroict, comme en tous autres. Au demourant, Mons' de Fourquevaulx, j'actendz responce de vous sur la depesche que je vous feyz d'Argentan par le brodeur de la feue Royne Catholicque ma seur, speciallement sur ce qui concerne le mariaige de ma seur avecques le Roy de Portugal, pour le désir que j'ay d'eslre esclaircy de ce que j'en doictz espérer, afTin de me resouldre de ce que j'auray à faire, vous priant que je ne soys payé d'aucune baye comme j'ay esté par trop jusques icy. Et pour ceste cause, mettez peine, suivant vostre dextérité et vigillance acoustumée, de veoir sy clair en ce faict que j'en saiche la vérité le plustost qu'il vous sera possible. Et sy ne me l'avez mandé per led. brodeur, me renvoier incontinent ce porteur pour cest effect ; car ceste longueur dont l'on y a proceddè jusques icy m'est par trop désagréable et en veulx sortir à quelque pris que ce soyt. Priant Dieu, Mons"" de Fourquevaulx, vous avoir en sa garde. Escript à S' Germain en Laye, le xiij' jourd'aoust 1570.

Charles.

De Neufville.

SO^ c. DOUAIS. 302