A M. D'IZERNAY

Amiens, 21 avril (1537).

M. cl'Izernay, j'ay receu les lettres que m'avez es- ^.riptes, et vous asseure que vous m'avez faict très grand plaisir de m'advertir bien au long des nouvelles du lieu où vous estes. Je vous prie prendre la paine d'y continuer le plus souvent que vous pourrez.

J'escrips à présent à M. le grantl maistre et à M. de Chasteaubryant ', et à M. Desnedy, et vous prie leur bailler mes lettres ; et quand ilz m'en feront responses, les me faire tenir seureraent. Nous sommes icy demeurés encores pour eejourd'liuy et pour demain, qui est dimanche, et lundy matin nous en partirons. 11 me desplaist qu'il y a si long chemin entre icy et Béarn ; je vouldrois bien qu'il n'y eust que dix lieues, pour plus toust faire au Roy le service que nous désirons.

Je vous prie, M. d'Izernay, faire tousjours envers M. le grand maistre le bon office que vous avez commencé pour le roy de Navarre et pour moy, et l'asseurer que toute notre fiance est en luy ' ; et si je ne luy escrips souvent, qu'il m'en tienne pour excusée, car la congnoissance des grans et continuels empeschemens qu'il a me garde de l'occuper à lire mes lettres. Et n'oubliez de luy remonstrer ce que je luy escrips

' (ionveineiir do la liietagne.

' Pour recouvrer le royaume de Navarre. ^

en mes lettres que vous voirez touchant les mortepayes de Brest , qui n'ont eu argent depuis neuf mois. Vous sçavez quels gens ce sont, et qu'il ne fault que ung mauvais garson pour faire une meschanceté qui pourrolt tourner à grand dommalge; quy sera fin du commencement de mes lettres, car vous en aurez bien souvent de plus longues. Priant Dieu , M. d'Izernay, qu'il vous ait en sa saincte et très digne garde, à Amiens, le xxi^jour d'apvril,

La bien vostre, Marguerite.

[ F. Béth., n» 8550, fol. 149. Dictée. ]