P.... INTERDICTI QUAMQUAM JU... VEL VIOLENCIAM FA IN DOMINI
REGIS ANGLIE TERRA.
Reverendo patri in Christo Dei gratia Aclurensi episcopo, decanus Sancti Andrée Burdegalensis, judex a domino papa delegatus, salutem in Domino. Noveritis nos mandatum domini pape récépissé in haec verba :
« Innocentius episcopus, servus servorum Dei, venerabili fratri Bathonensi et Vellensi episcopo, et dilecto filio decano Burdegalensi, salutem et apostolicam benedictionem. Cum carissimus films in Christo noster, rex Anglie illustris, crucis assumpto signacnlo ad transfretandum in Terre Sancte subsidium potenter ac viriliter se accingat, personam ipsius et terram nos convenit eo attentius apostolice protectionis presidio communire, quo eundem regem ecclesia Romana scincera in Domino affectione complectitur, et inter ceteros orbis catholicos principes Deo ac sibi est experta devocio : ne igitur tam pium votum , tamque laudabile ipsius régis propositum per aliquorum insolenciam impediri contingat, discretioni vestre per apos-
tolica scripta mandamus quatinus omnes illos, qui communiter vel divisim prefatum regem aut terram ejusdem invadere vel perturbare quacumque temeritate presumpserint, monicione premissa, per excommunicationis in personas et terras eorum interdicti seniencias, a perturbacione et invasione hujusmodi, apellacione postposita, compescatis, facientes illos in quos hujusmodi sentencias tuleritis, sicut protervitas eorum exegerit, excommunicatos, ubi expedire videritis solempniter, usque ad satisfactionem congruam nunciari, non obstante, si aliquibus a sede apostolica sit indultum, quod excommunicari vel eorum terre supponi ecclesiastico interdicto non possint, absque ipsius sedis speciali mandato faciente plenam et expressam ac de verbo ad verbum de indulto hujusmodi et ejus continentia mentionem, seu qualibet alia indulgentia dicte sedis quibuscumque, sub quacumque forma verborum, concessa, per quam attribute vobis jurisdictionis explicatio in liac parte valeat impediri. Quod si non ambo hiis exequendis potueritis interesse, alter vestrum ea nihilominus exequatur. Datum Assisii, tercio kalendas augusti, pontificatus nostri anno undecimo. »
Cujus auctoritate mandati monuimus Gastonem de Biarn, de Fronsac et de Castellione , vicecomites, Willelmum, priorem de Manso, Bertrandum deLadie, majorem, et omnes juratos de Régula, Bernardum deBovilla, ut ipsi a perturbacione et invasione terrarum et possessionum prefati régis cruce signati, désistèrent. Et quod ab hujusmodi perturbacione et invasione non desistunt, nos, omnes predictos nominatim , et omnes alios generaliter qui terram et possessionem ipsius régis invadere vel perturbare presumunt, excommunicavimus et denunciari fecimus excommunicatos in diocœsi Burdegalensi et episcopatu Vasatensi. Inde eadem auctoritate vobis mandamus, firmiter injungendo quatinus omnes predictos excommunicetis, et excommunicatos denuncietis per totum episcopatum vestrum, singulis diebus dominicis et festivis, candellis accensis et pulsatis campanis. Et quod, crescente contumacia, crescere débet et pena, nos, terras omnium predictorum ecclesiastico supposuimus
interdicto, vobis mandantes, sub pena suspensionis ab ingressu ecclesie, quatinus infra octo dies post receptionem presentium, singulis eorum terras vel possessiones babentibus in episcopatu vestro , predicta scire faciatis, et nos per litteras vcstras patentes super premissis certificetis, ita quod nos et ipsi, de lmjusmodi excommunicationis et interdicti sentenciis latis, certitudinem plenariam habeamus. Quod si non feceritis, noveritis vos esse statim, post predictos vm dies, eadem auctoritate ab ingressu ecclesie suspensos. Datum apud Vasatas, in festo sanctiTbome apostoli, anno domini millesimo ducentesimo liii°.
N. B. Imprimé dansRymer, tome I, page 176, avec quelques différences-, nous avons souligné les mots qui varient. B.
