CLIII. (8 février u

LETTRE D'EDOUARD I, ROI D'ANGLETERRE

A PHILIPPE III, ROI DE FRANCE

Pour se plaindre de ce qu'il a étendu trop loin le pouvoir qu'il lui avait donné de juger comme arbitre des amendes encourues envers lui par Gaston de Béarn. (Des liasses de la Tour de Londres. — Brcq. t. LXVI.)

A très baut prince et seignor Philippe, par la grâce de Dieu , roi de Ffrance , Eadward , par celé mesmes grâce , roi de Engleterre , seignor dTrelaunde et duc de Guienne , salut , et sei aparaillé à sun pleiser. Corne autre fies, par nos lettres et par nos messages, vous éoms fet à saver qe de nostre entente ne fu qe vous , par la nostre volenté , laquelle nous avons translaté en la vostre endreit de sire Gaston de Biern, qui se esteit mis en la nostre volenté, pusetne ne duset dire rien encontre nous , mes solament à temprer la peine

q'il dus porter des graunts trespas qu'il nous aveit fet et dit en vostre curt , laquelle nous pussions aver doné par nous-mêmes ; et ceo poestvous bien entendre, si vous plest, par les lettres que nous vous envéames par nos messages, del pardon du rancor de nostre queor fet à l'avant dit Gaston , à voster requeste , en lesqueles est contenu que nous ne entendioms pas que par cel pardon rien descheisist des amendes que nous devioms prendre par voster dit; et éoms entendu par noster seneschal de Gascoine , que vous avet dit sur le fet de autres persones qe sunt nos homes , as queus nous ne avoms failli de dreit, ne nous ne entendomps que par la volenté nostre , laquelle nous translatâmes en la vostre , que rien puset dire endreit de autres persones , ne endreit de sire Gaston, forge des trespas sire Gaston avant dit, des queus est à vostre volenté de dire plus ou moins; ne unqes nostre entente ne fut, ne seira, qe nous nos meisons en arbitre per à per à sire Gaston1 : et pur ceo vous prioms com cher seigneur et cosin, que vous voillet regarder noster honur et le voster en ceo fet , et cesser des enquestes as aprises que vous avet fêtes et comaundé à fere , et repeler ce que vous avet dit , si ceo tenet pour dit. Laquelle chose nous ne entendoms pas , de si com nous ne entendoms nule rien estre lie à nule mise de nos homes, ne unques ne entendîmes; et si vous plest, ostet voster main, si ele i est, des terres et de la juridiction de nos homes que ne sont par devaunt vous par apel. Adeu, sire, etc. Dex ke vos gard tusjurs. Doné à Dovre , le vytime jur de fevreyer.

AT. B. On lit au bas de ces lettres ce qui suit : «Fiant littere, clause due, et patentes due: episcopo Lincolnensi; archiepiscopo Oxanensi ; Fab. Land.; arebiepiscopo Cantuarensi. » — Copié sur la minute originale en parebemin. B.

1 Les mots soulignés ici sont rayés dans néanmoins exprimée dans la lettre latine, l'original. B. — Cette même idée est sur le même sujet, page 189. CF.